ᑲᒥᓯᓇᐃᑦ ᒥᒃᓵᓄᑦ
ᐃᑭᐊᖅᑭᕝᕕᖓ/ᐊᑦᑕᑕᕐᕕᖓ:
ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓇᖏᑦ ᑎᒥᖁᑎᒋᔭᐅᖕᒪᑕ ᐃᓄᓕᒫᓄᑦ ᑐᕌᖓᓪᓗᑎᒃ ᓴᕿᑎᑕᐅᓯᒪᔪᑦ ᐃᖕᒥᒃᑰᖅᑐᑎᑐᑦ ᐃᓄᖕᓂᒃ ᐱᔾᔪᔾᔨᔨᐅᓪᓗᑎᒃ ᖃᓄᐃᓕᐅᖅᑎᐅᓂᖏᓐᓂ ᐊᒻᒪᓗ ᑲᒪᒋᔭᕆᐊᖃᖅᑕᖏᓐᓂ ᓇᓗᓇᐃᖅᑕᐅᓯᒪᔪᓂ ᒪᓕᒡᓗᑎᒃ ᐊᑖᒍᑦ ᓄᓇᕗᒻᒥ ᓄᓇᑖᕈᑎᓂ ᐊᖏᕈᑎᓂ, ᐃᓗᓕᐊᓂ 11, ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐃᓂᕐᒧᑦ.
ᑲᒥᓯᓇᐃᑦ ᑲᑎᒪᔩᑦ ᐃᓚᒋᔭᐅᕗᑦ ᐊᐅᓚᑦᑎᔨᐅᖃᑕᐅᓪᓗᑎᒃ ᑎᒥᐅᓂᕐᒥᓂ ᐊᔾᔨᐅᖏᑦᑐᒥᒃ ᐱᔪᓐᓇᐅᑎᖃᖅᓱᑎᒃ ᐊᒻᒪᓗ ᐃᓱᒪᓕᐅᖅᑎᐅᔪᓐᓇᕐᓂᕐᒧᑦ, ᓴᐳᓐᓂᐊᖅᑕᐅᓯᒪᔪᓂᒃ ᓄᓇᕗᒻᒥᒃ ᓄᓇᑖᕈᑎᓄᑦ ᐊᖏᕈᑎᓄᑦ ᐱᔪᓐᓇᐅᑎᖏᑦ. ᓄᓇᕗᒻᒥ ᐸᕐᓇᐃᔩᑦ ᑲᑎᒪᔨᖏᑦ ᑲᒥᓯᓇᐃᑦ ᑐᑭᓯᓂᐊᖅᑎᐅᕙᑦᑐᑦ ᒐᕙᒪᒃᑯᓐᓂᒃ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐊᒥᓱᓂᒡᓗ ᐊᓯᖏᓐᓂᒃ ᑎᒥᐅᔪᓂᒃ ᑭᓯᐊᓂ ᑲᒥᓯᓇᐃᑦ ᑲᒪᔨᐅᕗᑦ ᑭᖑᓪᓕᖅᐹᒥᒃ ᐃᓱᒪᓕᐅᖅᓕᑎᐅᓂᕐᒥᒃ ᖃᓄᖅ ᓄᓇᐃᑦ ᐊᑐᑎᒃᓴᖏᓐᓄᑦ ᐸᕐᓇᐅᑏᑦ ᐋᕿᐅᒪᓂᐊᕐᒪᖔᑕ ᐊᒻᒪᓗ ᖃᓄᖅ ᐸᕐᓇᐅᑕᐅᓯᒪᔪᑦ ᐊᑐᑕᐅᓂᐊᕐᒪᖔᑕ ᐊᐅᓚᑕᐅᓂᖏᓐᓄᑦ ᓄᓇᐃᑦ ᓄᓇᕗᒻᒥ. ᑕᒪᒃᑯᐊ ᐃᓱᒪᓕᐅᕈᑕᐅᔭᕇᕈᑎᒃ, ᐸᕐᓇᐅᑎᓕᐊᕆᔭᐅᓯᒪᔪᑦ ᑐᓂᕐᕈᑕᐅᓕᖅᐸᑦᑐᑦ ᒐᕙᒪᒃᑯᓐᓄᑦ, ᐊᖏᖅᑕᐅᖁᓪᓗᒋᑦ. ᐃᓚᐅᖃᑦᑕᕐᒥᔪᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᑦ, ᐊᖏᖅᑕᐅᕙᓪᓕᐊᓂᐊᓕᖅᑎᓪᓗᒋᑦ.
ᓄᓇᕗᑦ ᑐᓐᖓᕕᒃᑯᓐᓄᑦ, ᐱᖓᓱᓂᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᒃ.
ᓄᓇᕗᑦ ᐸᕐᓇᐃᔩᑦ ᑲᒥᓯᓇᖏᑦ ᐱᒻᒪᕆᖕᒥᒃ ᑎᓕᔭᐅᓯᒪᕗᑦ ᐊᑖᒍᑦ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂᒃ ᐸᕐᓇᐃᔨᐅᓂᕐᒧᑦ ᐊᒻᒪᓗ ᐊᑐᓕᖅᑎᑦᑎᓂᕐᒧᑦ ᓄᓇᐃᑦ ᐊᑐᑎᒃᓴᖏᓐᓂᒃ ᐸᕐᓇᐅᑕᐅᓯᒪᔪᓂᒃ, ᓇᓗᓇᐃᒃᑯᑕᐅᓪᓗᑎᒃ ᐊᒻᒪᓗ ᓇᒧᖓᐅᔾᔪᑕᐅᓪᓗᑎᒃ ᓄᓇᐃᑦ ᓄᓇᒥᐅᑕᐃᓪᓗ ᐊᑐᖅᑕᐅᓂᖏᓐᓄᑦ ᐊᒻᒪᓗ ᓴᓇᕝᕕᐅᓂᖏᓐᓂ.
ᓄᓇᐃᑦ ᐊᑐᑎᒃᓴᖏᓐᓄᑦ ᐸᕐᓇᐅᑏᑦ ᐅᖃᐅᔾᔪᐃᔾᔪᑕᐅᓲᖑᖏᓪᓚᑦ ᐃᓄᖕᓄᑦ ᓇᓂ ᑕᖕᒫᖓᕈᓐᓇᕐᓂᐊᕐᒪᖔᑖ ᐅᕝᕙᓗᓐᓃᑦ ᐊᖑᓇᓱᒍᓐᓇᕐᓂᐊᕐᒪᖔᑕ. ᓄᓇᐃᑦ ᐊᑐᑎᖏᓐᓄᑦ ᐸᕐᓇᐅᑏᑦ ᐅᖃᐅᑕᐅᓲᑦ ᖃᓄᖅ ᐃᓄᐃᑦ ᐊᑐᕈᒪᓂᐊᕐᒪᖔᑕ ᓄᓇᒥᒃ ᐃᒪᕐᓂᒡᓗ ᐅᓪᓗᒥ ᐊᒻᒪᓗ ᓯᕗᓂᒃᓴᐅᓂᐊᖅᑐᒥ.
ᓄᓇᕗᒻᒥ ᐸᕐᓇᐃᔨᒃᑯᑦ ᐸᕐᓇᐃᕙᒃᑐᑦ ᓄᓇᓄᑦ ᓯᓚᑖᓃᑦᑐᓂ ᓄᓇᓖᑦ ᑭᒡᓕᓕᐊᕆᔭᐅᓯᒪᓂᖏᓐᓂ. ᕼᐊᒻᒪᓚᑦᑯᓪᓕ ᑲᒪᔨᐅᕗᑦ ᐸᕐᓇᐃᔨᐅᓂᕐᒥᒃ ᓇᖕᒥᓂᖅ ᓄᓇᓕᖕᒥ ᐸᕐᓇᐅᑎᒋᓂᐊᖅᑕᒥᓂᒃ.
