ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᑦ ᐊᖏᕈᑎᖃᖅᐳᑦ ᑕᒪᐃᓐᓅᖓᓂᐊᖅᑐᒥᒃ ᓂᕈᑐᔪᓄᑦ ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐅᑎᓂᒃ

ᓄᓇᕗᑦ ᓄᓇᓕᖏᑦ

ᑐᓴᒐᒃᓴᓕᐊᕆᔭᐅᓚᐅᖅᑐᑦᑕᓪᓕᒥᕐᒥ, ᕕᕗᐊᕆ 13, 2009

ᐊᑐᐊᒐᐃᑦ, ᑎᑭᑕᐅᔪᒪᔪᑦ ᐊᒻᒪᓗ ᑐᕌᒐᕆᔭᐅᔪᑦ ᓄᓇᕗᒻᒥ ᓄᓇᑖᕐᕕᐅᓯᒪᔪᒥ

ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᑦ (ᐸᕐᓇᐃᔨᒃᑯᑦ) ᐱᓕᕆᖃᑎᖃᖅᓱᑎᒃ ᑲᓇᑕᒥᒃ, ᓄᓇᕗᒥᓗ ᒐᕙᒪᒃᑯᓐᓂᒃ, ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᓐᓂᒃ ᐃᓱᓕᑦᑎᓯᒪᑦᑎᐊᖅᐳᑦ ᓄᓇᕗᒻᒥ ᓄᓇᑖᕈᑎᓂᒃ ᐃᓗᓕᕆᔭᐅᔪᓂᒃ ᓇᓴᐅᑎᓕᒃ 11.4.1(a)−ᒥᒃ ᒪᓕᒋᐊᖃᖅᑕᒥᓂᒃ ᓴᕿᑦᑎᓯᒪᔭᕆᐊᖃᕐᓂᖏᓐᓄᑦ ᓂᕈᑐᔪᓅᖓᔪᓂᒃ ᑕᒪᐃᓐᓄᑦ ᐸᕐᓇᐃᓂᕐᒧᑦ ᐊᑐᐊᒐᐅᓂᐊᖅᑐᓂᒃ, ᑎᑭᐅᑕᐅᔪᒪᔪᓄᑦ, ᐊᒻᒪᓗ ᑐᕌᒐᕆᔭᐅᔪᓄᑦ ᓄᓇᕗᒻᒥ ᓄᓇᑖᕐᕕᐅᓯᒪᔪᒥ.
ᐃᓗᓕᖏᑦ 11.4.1(a) ᓴᓇᕐᕈᑕᐅᔪᑦ, ᐊᖏᖅᑕᐅᓚᐅᖅᑐᑦ ᓄᕕᐱᕆ 10, 2007−ᒥ, ᐊᑐᖅᑕᐅᓂᐊᖅᑐᑦ ᓇᓗᓇᐃᒃᑯᑕᐅᓗᑎᒃ ᐃᑲᔫᑕᐅᓂᕐᒧᑦ ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐅᑎᓄᑦ ᐱᓕᕆᐊᖏᓐᓄᑦ ᐸᕐᓇᐃᔨᒃᑯᑦ ᐊᐅᓚᑦᑎᓂᕐᒧᑦ ᑕᒪᐃᓐᓂᒃ ᓄᓇᓂᒃ, ᑕᕆᐅᖑᖏᑦᑐᓂᒃ ᐃᒪᕐᓂᒃ, ᑕᕆᐅᕐᓂᒃ ᐃᒪᕐᒥᒃ, ᓯᑯᓐᓂᕐᒥ ᐊᒻᒪᓗ ᐆᒪᔪᖁᑎᓕᒫᖏᓐᓂᒃ, ᐃᓚᖃᕐᓗᑎᒡᓗ ᐆᒪᔪᕐᓂᒃ ᓯᓚᑖᓃᑦᑐᓂᒃ ᕼᐊᒻᒪᑦᑯᑦ ᑭᒡᓕᖏᓐᓂᒃ, ᓄᓇᕗᒻᒥ ᓄᓇᑖᕐᕕᐅᓯᒪᔫᑦ ᐃᓗᐊᓂ.

ᑲᒥᓯᓇᒃᑯᑦ ᑕᒡᕙᓂ ᐃᓕᑕᖅᓯᒪᔪᕗᑦ ᐱᓕᕆᑦᑎᐊᖏᓐᓇᕐᓂᖏᓐᓂᒃ ᐃᖃᓇᐃᔭᖅᑎᖏᑦ, ᓄᓇᕗᑦ ᒐᕙᒪᒃᑯᖏᑦᑕ ᒥᓂᔅᑕᐃᑦ ᑲᑎᒪᔨᖏᓐᓂᒃ, ᐊᒻᒪᓗ ᐃᖃᓇᐃᔭᕐᕕᖁᑎᖏᓐᓂᒃ, ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᖃᓇᐃᔭᕐᕕᖕᓂ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᓐᓂᒃ, ᐃᓚᐅᓚᐅᕐᓂᖏᓐᓄᑦ ᐱᔭᕇᖅᑕᐅᑦᑎᐊᕋᓱᐊᕐᓂᖓᓄᑦ ᑖᔅᓱᒪ ᓯᕗᓪᓕᖅᐹᖑᔫᑦ ᐸᐃᐹᖑᖅᑎᑕᐅᓯᒪᓕᖅᑐᑉ.

ᐸᕐᓇᐃᔨᒃᑯᑦ ᓯᕗᒻᒧᐊᒍᒪᔪᑦ ᐱᓕᕆᖃᑎᒋᓗᒋᑦ ᐃᓚᓕᒫᖏᑦ ᓯᕗᓂᒃᓴᒥ ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐃᓂᕐᒧᑦ ᐱᓕᕆᓂᖏᓐᓂᒃ ᑲᒥᓯᓇᒃᑯᑦ.

ᐱᒻᒪᕆᐅᔪᑦ ᐃᓚᒋᔭᐅᔪᑦ ᐸᕐᓇᐅᑎᓄᑦ ᐃᓚᖃᖅᐳᑦ ᑕᓪᓕᒪᓂᒃ (5)−ᓂᒃ ᓂᕈᑐᔪᓂᒃ ᑐᕌᒐᕆᔭᐅᔪᓂᒃ:

  • ᑐᕌᒐᕆᔭᐅᔪᖅ 1 - ᓴᓐᖏᒃᑎᑉᐸᓪᓕᐊᓂᖏᑦᐃᓚᒌᖅᓱᕐᓂᕗᑦᐊᒻᒪᓗᐃᖃᓇᐃᔭᕐᕕᒡᔪᐊᖑᔪᑦ
  • ᑐᕌᒐᕆᔭᐅᔪᖅ 2 - ᓴᐳᓐᓂᐊᖅᑕᐅᓂᖏᑦᐊᒻᒪᓗᐱᑕᖃᐃᓐᓇᕐᓂᐊᕐᓂᖏᑦᐊᕙᑎᕗᑦ
  • ᑐᕌᒐᕆᔭᐅᔪᖅ 3 - ᐊᑐᖅᑕᐃᑎᑦᑎᕙᓪᓕᐊᓇᓱᐊᕐᓂᖅᐊᑐᓗᐊᖅᑕᐃᓕᒪᓂᕐᒧᑦᐸᕐᓇᐃᕙᖕᓂᖅ
  • ᑐᕌᒐᕆᔭᐅᔪᖅ 4 - ᖃᓄᐃᖏᑦᑐᓂᒃᓄᓇᓕᖕᓂᒃ
  • ᑐᕌᒐᕆᔭᐅᔪᖅ 5 - ᐊᑐᖅᑕᐅᑎᑦᑎᕙᓪᓕᐊᓇᓱᐊᕐᓂᖅᐊᒥᐊᒃᑯᖃᐃᓐᓇᕐᓂᐊᖅᑐᒥᒃᑮᓇᐅᔭᓕᐅᕐᕕᒃᓴᓕᐅᖅᓯᒪᓂᖅ
ᑐᑭᓯᒋᐊᒃᑲᓐᓂᕈᒪᒍᕕᑦ ᒥᒃᓵᓄᑦ ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᓐᓂ ᓂᕈᑐᔪᓄᑦ ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐃᓂᕐᒧᑦ ᐊᑐᐊᒐᕐᓂᒃ, ᑎᑭᐅᑕᐅᔪᒪᔪᓂᒃ, ᐊᒻᒪᓗ ᑐᕌᒐᕆᔭᐅᔪᓂᒃ, ᐅᖃᖃᑎᒋᓂᐊᖅᐸᐃᑦ ᐅᓇ:

ᐃᖃᓇᐃᔭᖅᑎᓕᒫᓂᒃ ᐊᐅᓚᑦᑎᔨᐅᔪᖅ
ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓴᒃᑯᖏᑦ ᑎᑎᖃᕐᓂᐊᕐᕕᒃ 2101
ᐃᖃᓗᒃᑐᑦᑎᐊᖅ, ᓄᓇᕗᑦ X0B 0C0
ᐅᖄᓚᐅᑦ: 1-867-983-4625