ᐊᐅᓱᐃᑦᑐᖅ

ᓄᓇᓕᐅᑉ ᒥᒃᓵᓂᒃ:
ᐊᕕᒃᑐᖅᓯᒪᓂᖓ: ᕿᑭᖅᑖᓗᒃ
ᐃᓄᒋᐊᕐᓂᖓ: 141 (86ᐳᓴᑦ ᐃᓄᐃᑦ)
ᓄᓇᖑᐊᑎᒍ ᑐᑭᒧᐊᖓᓪᓗᓂᒃ: 76° 25.2' ᐅᐊᖕᓇᖓᓂᑦ, ᓄᓇᖑᐊᑎᒍ ᑐᑭᒧᑦ: 82° 54.0' ᐱᖓᕐᓂᖓᓂᑦ
(3,470 ᑭᓛᒥᑐ ᐋᑐᕚ ᐅᐊᖕᓇᖓᓂᑦ)

ᐊᐅᓱᐃᑦᑐᖅ, ᐊᐅᓱᐃᑦᑐᕐᒥᐅᑦ ᕿᑭᖅᑕᖓᓃᑦᑐᖅ, ᑲᓇᑕᒥ ᓄᓇᓕᐅᔪᓂᑦ ᐅᐊᖕᓇᖓᓃᓐᓂᖅᐹᖑᔪᖅ ᐃᓄᒃᑎᑐᑦ ᐊᐅᓱᐃᑦᑐᕐᒥ ᐊᑎᖃᕐᑐᖅ “ᐊᐅᓱᐃᑦᑐᖃᐅᕐᓂᖓᓄᑦ”. ᐅᓄᖅᓯᕙᓪᓕᐊᔪᑦ ᑕᒪᐅᓐᖓᑦ ᐳᓚᕋᒋᐊᖅᑐᖃᑦᑕᖅᑐᑦ, ᐅᐸᒃᑕᐅᒐᔪᖕᓂᖓᓄᑦ, ᐆᒻᒪᔪᖃᐅᕐᓂᖓᓄᑦ ᐊᒻᒪᓗ ᑲᔾᔮᕐᓇᖅᑐᐊᓘᓂᖓᓄᑦ ᐃᓄᐃᑦ ᑕᒪᐅᓐᖓᕈᒪᓕᖃᑦᑕᖅᑐᑦ ᑕᑯᔭᐅᓚᐅᖅᓯᒪᖏᑦᑐᒥᒃ ᑕᑯᔪᒪᓪᓗᑎᒃ. ᐊᐅᓱᐃᑦᑐᕐᒥᐅᑦ ᐆᒻᒪᔪᖁᑎᖏᓐᓂᒃ ᐅᑐᖅᐸᒃᑐᑦ ᐃᓅᓇᓱᐊᕐᓂᕐᒧᑦ ᐱᖃᓯᐅᑎᓗᒋᑦ ᓇᓄᐃᑦ, ᓇᑦᑏᑦ, ᐊᐃᕖᑦ, ᕿᓚᓗᒐᐃᑦ, ᐅᒥᖕᒪᐃᑦ ᐊᒻᒪᓗ ᐅᑎᖅᑕᖅᑐᓂᒃ ᑎᖕᒥᐊᓂᑦ. ᑕᒫᓂ ᖃᓄᐃᓕᐅᕈᓘᔭᕈᓐᓇᖅᑐᑦ ᕿᒧᒃᓯᓂᖅ, ᐆᒻᒪᔪᓂᒃ ᕿᒥᕈᐊᕐᓂᖅ, ᐱᓱᔪᒍᓐᓇᖅᑐᑦ, ᐃᒡᓗᕕᒐᕐᓂᑦ ᓯᓂᒃᑕᕐᓗᑎᒃ, ᐃᖃᓪᓕᐊᕐᓂᖅ ᐊᒻᒪᓗ ᐊᖑᓇᓱᖕᓂᖅ. ᑕᒫᓂᕐᒥᐅᓄᑦ ᐊᐅᓪᓚᖅᑎᑕᐅᔪᓐᓇᖅᑐᑦ ᖃᒧᑕᐅᔭᒃᑯᑦ ᐅᒥᐊᒃᑯᓪᓘᓐᓃᑦ ᖃᓂᑦᑐᒧᑦ. ᓂᕐᔪᑎᖃᕐᕕᒻᒧᑦ, 100ᑭᓛᒥᑐ ᐊᐅᓱᐃᑦᑑᑉ ᑲᓇᖕᓇᖓᓂᑦ, ᑕᒫᓂ ᐅᓄᖅᑐᒻᒪᕆᐊᓗᐃᑦ ᑎᖕᒥᐊᑦ ᐃᕙᔭᖅᑐᖃᒃᑕᖅᑐᑦ.

ᓄᓇᒦᖔᖅᑐᑦ ᑮᓇᐅᔭᓕᐅᕈᑎᒋᔭᐅᔪᓐᓇᕐᑐᑦ: ᐅᖅᓱᐊᓗᒃᓴᖅ, ᓴᕕᕋᔭᒃᓴᖅ, ᕿᔪᒃᓴᖅ, ᒎᓗ, ᑎᓯᓂᖅᐹᑦ ᑕᐃᒪᓐᖑᓂᕋᖅᑕᐅᔪᑦ, ᓄᖑᓱᐃᑦᑐᑦ ᐆᑖᕐᓇᖅᑐᓕᒃ ᐊᓯᖏᓪᓗ ᓴᕕᕋᔭᒃᓴᐃᑦ.

ᐃᓄᒋᐊᕐᓂᖓ ᐃᓗᑦᑎᓕᒃ
 

ᐃᓄᒋᐊᕐᓂᖅ ᓇᓗᓇᐃᖅᑕᐅᔪᖅ 2006 ᒥ ᑲᓇᑕᒥᐅᑦ ᓇᐃᓴᖅᑕᐅᓂᖏᑦ ᒪᓕᒡᓗᒍᒃ