ᑭᓐᖓᐃᑦ

ᓄᓇᓕᐅᑉ ᒥᒃᓵᓂᒃ:
ᐊᕕᒃᑐᖅᓯᒪᓂᖓ: ᕿᑭᖅᑖᓗᒃ
ᐃᓄᒋᐊᕐᓂᖓ: 1,236 (92ᐳᓴᑦ ᐃᓄᐃᑦ)
ᓄᓇᖑᐊᑎᒍ ᑐᑭᒧᐊᖓᓪᓗᓂᒃ: 64° 13.8' ᐅᐊᖕᓇᖓᓂᑦ, ᓄᓇᖑᐊᑎᒍ ᑐᑭᒧᑦ: 76° 31.8' ᐱᖓᕐᓂᖓᓂᑦ
(2,090 ᑭᓛᒥᑐ ᐋᑐᕚ ᐅᐊᖕᓇᖓᓂᑦ)

ᑭᓐᖓᐃᑦ ᕿᑭᖅᑖᓘᑉ ᓂᒡᒋᖓᑕ ᐱᖓᕐᓇᖅᐸᓯᖓᓃᑦᑐᖅ , ᐃᓄᒃᑎᑐᑦ “ᑭᖓᕐᒥ”ᐊᑦᑎᖅᑕᐅᓚᐅᖅᓯᒪᔪᖅ ᐳᖅᑐᔪᐊᓗᖕᓂᒃ ᑭᖓᖃᕐᓂᖓᓄᑦ. ᐃᓄᐃᑦ ᐊᑯᓂᒻᒪᕆᐊᓗᒃ ᑕᒫᓂ ᓄᓇᖃᖃᑦᑕᖅᓯᒪᔪᑦ ᐊᒻᒪ ᐅᓄᖅᑐᑦ ᑑᓕᒥᐅᑦ ᐃᓂᒋᓚᐅᖅᑕᖏᑦ ᓱᓕ ᑕᒫᓂ ᑕᑯᔭᖅᑐᖅᑕᐅᔪᓐᓇᖅᑐᑦ ᒪᓪᓕᒃᔪᐊᖅ ᒥᓐᖑᐃᖅᓯᕕᖓᓂᑦ. ᑕᕝᕙᓐᖓ ᓄᓇᓕᖓᓂ ᐃᓯᖅᑕᐅᔪᓐᓇᕐᑐᖅ ᑑᕕ ᓲᐸ ᑎᖕᒥᐊᖃᕐᕕᖓᑦ, ᑕᒫᓂ ᑎᖕᒥᐊᑦ 2ᒥᓕᔭᓐᖏᓐᓃᑦᑐᑦ ᐅᓪᓗᓕᐅᓲᑦ. ᐳᓚᕋᖅᑐᓕᕆᓂᖅ ᑮᓇᐅᔭᓕᐅᕈᑎᒋᔭᐅᒻᒪᕆᒃᐳᖅ ᑭᓐᖓᕐᓂᑦ ᐳᓚᕋᖅᑐᓂᒃ ᐊᐅᓪᓚᖅᑎᑦᑎᓲᑦ ᖃᓄᑐᐃᓐᓇᖅ ᐱᓕᕆᑎᑦᑎᔪᓐᓇᕐᓗᑎᒃ. ᑎᑎᕋᐅᔭᖅᑏᑦ ᓴᓇᖑᐊᒐᓕᐅᖅᑏᓪᓗ ᑭᓐᖓᕐᓂᑦ ᓇᓂᑐᐃᓐᓇᖅ ᓄᓇᕐᔪᐊᓕᒫᒥᒃ ᖃᐅᔨᒪᔭᐅᔪᑦ ᓴᓇᔭᖏᓪᓗ ᓇᓂᕈᓘᔭᖅ ᑕᑯᒃᓴᐅᑎᑕᐅᖃᑦᑕᕐᖢᑎᒃ. ᑕᒪᒃᑯᐊᓗ ᓴᓇᖑᐊᒐᐃᑦ ᑮᓇᐅᔭᓕᐅᕈᑎᒋᔭᐅᒪᕆᒃᑐᑦ 20ᐳᓴᑦ ᓄᓇᓕᖕᒥᐅᑦ ᑕ ᕝᕙᓐᖓᑦ ᑮᓇᐅᔭᓕᐅᓲᖑᓪᓗᑎᒃ. ᑮᓇᐅᔭᓕᐅᕈᑎᒋᔭᐅᔪᓐᓇᖅᑐᑦ ᓄᓇᒥᖔᖅᑐᑦ: ᓴᕕᕋᔭᒃᓴᖅ, ᒎᓗ, ᑎᓯᓂᖅᐹᑦ ᑕᐃᒪᓐᖑᓂᕋᖅᑕᐅᔪᑦ, ᐊᓯᖏᓪᓗ ᐅᔭᖅᑲᑦ ᓇᒡᒍᐊᕐᒥᓕᐅᕈᑎᒃᓴᑦ.

ᐃᓄᒋᐊᕐᓂᖓ ᐃᓗᑦᑎᓕᒃ

ᐃᓄᒋᐊᕐᓂᖅ ᓇᓗᓇᐃᖅᑕᐅᔪᖅ 2006 ᒥ ᑲᓇᑕᒥᐅᑦ ᓇᐃᓴᖅᑕᐅᓂᖏᑦ ᒪᓕᒡᓗᒍᒃ