ᖃᐅᔨᒪᕖᑦ?

ᐅᑯᐊ ᐃᓗᓕᖏᑦ ᐊᑐᖅᑕᐅᓂᐊᖅᑐᑦ ᐊᒥᓱᓄᑦ ᐊᐱᖁᑕᐅᕙᒃᑐᓄᑦ, ᓱᓕᔪᓄᑦ ᖃᐅᔨᔭᐅᔪᒃᓴᓄᑦ, ᐊᓯᖏᓄᓪᓗ ᖃᐅᔨᔭᐅᔪᒥᓇᖅᑐᓂᒃ ᓄᓇᕗᑦ ᐸᕐᓇᐃᔨᒃᑯᑦ ᑲᑎᒪᔨᖏᓐᓂᒃ ᐱᓕᕆᐊᖏᓐᓂᒡᓗ.


ᑎᑎᕋᖅᑕᐅᓵᖅᓯᒪᔪᑦ ᓄᓇᕗᒻᒥ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ

ᓱᒐᒥ ᓄᓇᕗᑦ ᐸᕐᓇᐃᔩᑦ ᑲᒥᓯᓇᒃᑯᖏᓐᓂᒃ ᓴᓇᕙᓪᓕᐊᓚᐅᖅᐸᑦ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᓂᒃ ᓄᓇᕗᒻᒥ ᓄᓇᑖᕐᕕᐅᓯᒪᔪᓂ?

  • ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᒃᓯᒪᓕᖅ ᐃᑲᔫᑕᐅᖕᒪᑦ ᐃᓄᖕᓄᑦ, ᑕᐃᒪᐃᓕᐅᖁᔭᐅᓯᒪᓪᓗᑎᒃ ᒪᓕᒃᑕᐅᔭᕆᐊᖃᕐᓂᖏᓐᓄᑦ ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑏᑦ.
  • ᐊᑕᐅᓯᑐᐊᖅ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᓕᖓᔪᑦ ᓄᓇᕗᒻᒥ ᐊᑑᑎᖃᕐᓂᐊᖅᑐᑦ ᓇᓗᓇᖏᓐᓂᕐᒥᒃ ᐃᓄᖕᓄᑦ ᑮᓇᐅᔭᓕᐅᕋᓱᐊᖅᑎᓄᓪᓗ ᓇᓗᓇᐃᔭᐃᔪᓐᓇᕐᓂᕐᒧᑦ ᖃᓄᐃᑦᑐᓂᒃ ᐱᓕᕆᔪᖃᕈᓐᓇᕐᒪᖔᑕ ᐱᕙᓪᓕᐊᔪᖃᕈᓐᓇᕐᒪᖔᓘᓐᓃᑦ. 

ᓄᓇᐃᑦ ᐊᑐᖅᑕᐅᔪᓐᓇᖅᐸᑦ ᐅᕝᕙᓗᓐᓃᑦ ᓄᓇᑕᖃᖅᐸᑦ ᓄᓇᐃᑦ ᐊᑑᑎᒃᓴᓕᐊᖑᓯᒪᓂᖏᓐᓄᑦ ᐊᑐᕋᔭᖏᑦᑐᓂᒃ?

  • ᑮᓇᐅᔭᓕᐅᕈᑕᐅᖏᑦᑐᑦ ᐃᖃᓗᒃᓯᐅᕐᓂᖅ, ᐊᖑᓇᓱᖕᓂᖅ, ᓄᓇᒥ ᐊᐅᓪᓚᖅᓯᒪᓂᖅ ᐅᕝᕙᓗᓐᓂᑦ ᐊᑐᖅᑕᐅᓂᖏᓐᓂᒃ ᐃᓄᐃᑦ ᐱᐅᓯᑐᖃᖏᑦ ᓄᓇᒥ.
  • ᐃᒡᓗᕐᔪᐊᓕᐅᖅᑕᐅᓂᖏᑦ, ᐊᐅᓚᑕᐅᓂᖏᑦ, ᐋᕿᐅᒪᑎᑕᐅᓂᖏᓪᓗᓐᓃᑦ ᐃᒡᓗᕐᔪᐊᑦ ᐊᒻᒪᓗ ᐱᔨᑦᑎᕋᐅᑏᑦ ᐃᓗᐊᓂ ᓄᓇᓕᑦ ᕼᐊᒻᒪᓚᑯᖏᓐᓂᒃ ᑕᐅᓐᑯᖏᓐᓂᓗᓐᓃᑦ, ᐱᖏᓪᓗᒋᑦ ᑭᓯᐊᓂ ᐊᖏᔫᑏᑦ ᐅᖅᓱᐊᓗᒃᓵᓗᐃᑦ ᐅᖂᓴᐅᑎᒃᓴᓄᑦ, ᐆᒻᒪᖁᓯᐅᕈᑏᑦ ᓄᖑᔪᐃᑦᑐᖃᖅᑐᓂᒃ ᐅᖅᓱᖅᑐᖅᐸᓪᓕᐊᓲᑦ, ᐅᕝᕙᓗᓐᓃᑦ ᐃᒪᕐᒦᑦᑐᓂᒃ ᐆᒻᒪᖁᓯᐅᕈᑎᑦ ᐊᒻᒪᓗ ᖃᓄᐃᑦᑐᑐᐃᓐᓇᐃᑦ ᐊᖏᔫᑏᑦ ᐱᓕᕆᕝᕕᐅᕙᒃᑐᑦᓄ ᐱᓕᕆᕝᕕᐅᓂᖏᑦ.
  • ᐃᓗᓕᖏᓐᓂ ᑭᒡᓕᓕᐊᖑᓯᒪᔪᓂᒃ ᐃᓕᑕᕆᔭᐅᓯᒪᔪᓂ ᑲᓇᑕᓕᒫᒥ ᐅᑭᐅᖅᑕᖅᑐᓪᓗᓐᓃᑦ ᐊᕕᒃᑐᖅᓯᒪᓂᖓᓂ ᒥᖑᐃᖅᓯᕐᕕᖕᓂ. 

ᖃᓄᐃᑦᑐᓂᒃ ᖃᐅᔨᒪᔾᔪᑎᒃᓴᓂᒃ ᐊᑐᖃᑦᑕᖅᐸᑦ ᓄᓇᕗᒻᒥ ᐸᕐᓇᐃᔩᑦ ᑲᒥᓯᓇᒃᑯᖏᑦ, ᐃᓱᒪᒃᓴᖅᓯᐅᕈᑕᐅᓂᖏᓐᓂᒃ ᓴᓇᔭᐅᓂᖏᑦ ᓄᓇᐃᑦ ᐋᑐᑎᒃᓴᖏᓐᓄᑦ ᐸᕐᓇᐅᑏᑦ?

  • ᖃᐅᔨᒪᔾᔪᑏᑦ ᐱᔾᔪᑎᖃᖅᑐᑦ ᐃᓄᐃᑦ ᐊᒥᓱᕈᖅᐸᓪᓕᐊᓂᖏᓐᓂᒃ, ᐃᓅᓕᖅᐸᓪᓕᐊᔪᓂᒃ, ᐃᓕᓐᓂᐊᖅᓯᒪᓂᖏᓐᓂᒃ ᐊᒻᒪᓗ ᐃᖃᓇᐃᔭᖅᐸᓪᓕᐊᓂᖏᓐᓂᒃ ᐱᓕᕆᐊᒃᓴᓖᑦ.
  • ᓄᓇᒥᐅᑕᑐᖃᐃᑦ ᐊᒻᒪᓗ ᖃᓄᐃᑦᑑᓂᖏᑦ ᓄᓇᒥᐅᑕᐃᑦ ᐊᑐᖅᑕᐅᖃᑦᑕᕐᓂᖏᑦ (ᓲᕐᓗ ᐅᔭᕋᖕᓂᐊᕐᕖᑦ, ᑐᔪᕐᒥᕖᑦ ᓄᓇᒥ, ᓂᐅᕐᕈᑎᒃᓴᐃᑦ ᐆᒻᒪᔪᕐᓂᐊᖅᑕᐅᕙᒃᑐᑦ ᐊᒻᒪᓗ ᐃᖃᓗᓕᕆᕝᕕᑦ)
  • ᑮᓇᐅᔭᓕᐅᕐᕕᒃᓴᐃᑦ ᐊᒻᒪᓗ ᐱᑕᖃᕆᐊᖃᕐᓂᖏᑦ.
  • ᐆᒻᒪᖁᑎᒃᓴᓄᑦ ᐱᑕᖃᕆᐊᓖᒃ, ᓇᑭᖔᖃᑦᑕᕐᓂᖏᑦ ᐊᒻᒪᓗ ᐊᑐᐃᓐᓇᐅᓂᖏᑦ.ᓄ
  • ᓄᓇᓕᖃᕈᑎᓄᑦ ᐱᖁᑎᕐᔪᐊᑦ ᐱᑕᖃᕆᐊᖃᖃᑦᑕᖅᑐᑦ ᐃᓚᖃᖅᓱᑎᒃ ᐋᓐᓂᐊᕐᕕᖕᓂᒃ, ᐃᒡᓗᒃᓴᓂᒃ ᐃᓄᖕᓄᑦ, ᐃᓕᓐᓂᐊᕐᕈᑎᒃᓴᓂᒃ ᐊᓯᖏᓐᓂᓗ ᐃᓄᖕᓄᑦ ᐊᑐᖅᑕᐅᔭᕆᐊᖃᖅᑐᓂᒃ 
  • ᐊᕙᑎᒥᒃ ᐃᓱᒪᒃᓴᖅᓯᐅᕈᑏᑦ, ᐃᓚᖃᖅᓱᑎᒃ ᒥᖑᐃᖅᓯᕐᕕᖕᓂᒃ ᐊᒻᒪᓗ ᓴᐳᓐᓂᐊᖅᑕᐅᓯᒪᔪᓂᒃ, ᐊᒻᒪᓗ ᐆᒪᔪᖃᕐᓂᖏᓐᓂᒃ.
  • ᐃᓕᖅᑯᓯᑐᖃᕆᔭᐅᔪᑦ ᐱᔾᔪᑕᐅᓂᖏᑦ ᐊᒻᒪᓗ ᓯᕗᓪᓕᐅᑎᑕᐅᖁᔭᖏᑦ, ᐃᓚᖃᖅᓱᑎᒃ ᓴᐳᓐᓂᐊᖅᑕᐅᖁᔭᐅᔪᓂᒃ ᐊᒻᒪᓗ ᐸᐸᑕᐅᖁᔭᐅᓂᖏᓐᓂᒃ ᐃᓄᖃᕐᕕᕕᓂᑐᖃᒻᒪᕆᐅᔪᑦ ᐊᒻᒪᓗ ᓄᓇᓕᕋᓛᕕᓃᖏᑦ, ᐊᒻᒪᓗ
  • ᐊᔾᔨᖏᑦᑐᒥᒃ ᓄᓇᓕᖕᒥᐅᑕᓄᑦ ᐊᕕᒃᑐᖅᓯᒪᒥᐅᑕᓄᓪᓗ ᐃᓱᒪᒋᔭᐅᓯᒪᔪᑦ. 

ᖃᓄᖅ ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓇᒃᑯᑦ ᓄᓇᐃᑦ ᐊᑑᑎᒃᓴᖏᓐᓂᒃ ᐸᕐᓇᐃᓂᕐᒧᑦ ᐃᓱᒪᓕᐅᕈᑎᖃᖃᑦᑕᖅᐸᑦ?

  • ᐊᑐᖅᓱᒋᑦ ᐋᕿᒪᔭᐅᔪᑦ ᑮᓇᐅᔭᐃᑦ ᐊᑐᖅᑐᒃᓴᐃᑦ, ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᑦ ᐊᒥᓱᓂᒃ ᐱᕕᒃᓴᖃᖅᑎᑦᑎᓲᖑᕗᑦ ᒐᕙᒪᒃᑯᓐᓄᑦ, ᐃᓄᓕᒫᓄᑦ, ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᓯᖏᓄᓪᓗ ᐅᖃᐅᓯᖃᖃᑦᑕᖁᓪᓗᒋᑦ ᖃᐅᔨᒪᔾᔪᑎᒃᓴᖏᓐᓂᒃ ᐃᓱᒪᓕᐅᕈᑎᖃᕈᓐᓇᕐᓂᐊᕐᒪᑕ ᖃᐅᔨᒪᑦᑎᐊᕐᓗᑎᒃ. 
  • . ᓄᓇᕗᒻᒥ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᑦ ᓇᓕᒧᒌᑦᑎᑦᑎᖃᑦᑕᕆᐊᖃᖅᐳᑦ ᖃᐅᔨᒪᔾᔪᑎᑖᕆᓯᒪᔭᖏᓐᓂᒃ ᒪᓕᒋᐊᖃᕐᓂᖏᓐᓄᑦ ᓄᓇᕗᒻᒥ ᓄᓇᑖᕈᑎᓂᒃ ᒪᓕᒋᐊᓕᖕᓂᒃ, ᐊᔭᐅᖅᑎᐅᓂᕐᒧᑦ ᓴᐳᓐᓂᐊᖅᑎᐅᓂᕐᒧᓪᓗ ᒫᓐᓇᐅᔪᒥᒃ ᓯᕗᓂᒃᓴᐅᓂᐊᖅᑐᒥᒡᓗ ᖃᓄᐃᖏᔾᔪᑕᐅᓂᐊᖅᑐᓂᒃ ᐃᓄᖁᑎᖏᓐᓂᒃ, ᓄᓇᓕᖏᓄᓪᓗ. ᐊᑐᐊᒐᐃᑦ, ᖃᓄᐃᓕᐅᕈᑎᒃᓴᓕᐊᑦ, ᒪᓕᒐᖅᑎᒍᓪᓗ ᑲᒪᒋᖃᑦᑕᕆᐊᖃᖅᑕᖏᑦ ᒐᕙᒪᒃᑯᑦ, ᓄᓇᕗᑦ ᑐᓐᖓᕕᒃᑯᑦ ᑎᒥᖁᖏᑦ, ᕿᑎᖅᒥᐅᑦ, ᑭᕙᓪᓕᕐᒥᐅᑦ, ᕿᑭᖅᑖᓗᖕᒥᐅᓪᓗ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐃᓱᒪᒋᔭᐅᖃᓯᐅᔾᔭᐅᓲᖑᒋᕗᑦ. 
  • ᐅᔾᔨᖅᑐᑦᑎᐊᕆᐊᖃᕐᓂᖅ ᐃᔾᔪᐊᖅᓯᑦᑕᐃᓕᒪᔭᕆᐊᖃᕐᓂᖅ ᒪᓕᒐᖅᑎᒍᑦ ᑲᒪᔨᒋᔭᐅᔭᕆᐊᓕᖕᓂᒃ ᒐᕙᒪᒃᑯᓐᓄᑦ, ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᑦ  ᑐᑭᓕᐅᖅᑎᐅᕙᒃᑐᑦ ᐃᓗᓕᒃᓴᖏᓐᓂᒃ ᓄᓇᐃᑦ ᐊᑑᑎᒃᓴᐃᑦ ᐸᕐᓇᐅᑎᒃᓴᖏᓐᓂᒃ, ᐃᓱᒪᒃᓴᖅᓯᐅᕈᑕᐅᖄᓚᐅᖅᓱᑎᒃ ᑕᒪᕐᒥᒃ ᖃᐅᔨᒪᔾᔪᑏᑦ ᐱᓯᒪᔭᖏᑦ ᐊᒻᒪ ᐃᓚᒋᓪᓗᒋᑦ ᐊᒥᓱᑦ ᐊᔾᔨᒌᖏᑦᑑᑏᑦ ᐃᓄᓕᒫᖅᓯᐅᑏᑦ ᐊᑐᐊᒐᐃᑦ ᐊᒻᒪᓗ ᖃᓄᐃᓕᐅᕈᑕᐅᓲᑦ. 

ᖃᓄᐃᓕᐅᕈᑕᐅᕙᖕᒪᑕ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ?

  • ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ ᒪᓕᒐᖅᑎᒍᑦ ᓴᖏᓂᖃᖅᐳᑦ ᒐᕙᒪᒃᑯᓐᓄᑦ ᐊᒻᒪᓗ ᓇᓗᓇᐃᒃᑯᑕᐅᓪᓗᑎᒃ ᐊᒻᒪᓗ ᖃᓄᐃᓕᕈᑕᐅᔪᓐᓇᖅᓱᑎᒃ ᓄᓇᒥᐅᑕᐃᑦ ᐊᑐᖅᑕᐅᓂᖏᓐᓄᑦ ᐊᒻᒪᓗ ᐱᕙᓪᓕᔭᐅᔪᓐᓇᕐᓂᖏᓐᓄᑦ ᓄᓇᕗᒻᒥ.
  • ᐃᓕᑕᕆᐅᔭᓯᒪᓗᑎᒃ ᓄᓇᐃᑦ ᐊᑑᑎᒃᓴᖏᑦ ᐊᑐᖅᑕᐅᔪᓐᓇᖅᑐᑦ ᐅᑐᖅᑕᐅᔪᓐᓇᖏᑐᓪᓗ, ᓇᓂ, ᓄᓇᐃᑦ ᐊᑑᑎᒃᓴᖏᑦ ᐸᕐᓇᐅᑏᑦ ᐃᓄᖕᓂᒃ ᖃᐅᔨᒪᑎᑦᑎᔾᔪᑕᐅᕙᒃᐳᑦ ᖃᓄᖅ ᓄᓇᒥᒃ ᐊᑐᕈᓐᓇᕐᒪᖔᑕ, ᓇᓂ ᐊᒻᒪᓗ ᖃᖓ.
  • ᐊᒥᒐᖅᑐᖃᓗᐊᕌᖓᑦ ᖃᐅᔨᒪᓂᕆᔾᔭᑎᓐᓂᒃ, 'ᐊᑐᓕᖁᔭᓕᐊᑦ' ᑐᓂᔭᐅᕙᒃᐳᑦ ᒐᕙᒪᒃᑯᓐᓄᑦ ᒪᓕᒐᓕᕆᔨᐅᖃᑕᐅᔪᓄᑦ, ᓇᓗᓇᐃᖅᑕᐅᓪᓗᑎᒃ ᓄᓇᐃᑦ ᐱᒻᒪᕆᐅᓂᖃᖅᑐᓄᑦ ᐃᓄᖕᓄᑦ ᐊᒻᒪᓗ ᐆᒪᔪᕐᓄᑦ. 

ᖃᓄᐃᓕᐅᕈᑕᐅᔪᓐᓇᖏᓚᑦ ᓄᓇᐃᑦ ᐋᑐᑎᒃᓴᖏᓐᓄᑦ ᐸᕐᓇᐅᑏᑦ?

  • ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ ᐃᓇᖏᖅᓯᔪᓐᓇᖏᓚᑦ/ᑭᖑᕝᕖᔪᓐᓇᖏᓚᑦ ᐅᕝᕙᓗᓐᓃᑦ ᐃᔾᔪᐊᖅᓯᑐᐃᓐᓇᕈᓐᓇᖏᓚᑦ ᑲᒪᒋᔭᐅᔭᕆᐊᖃᖅᑐᓂᒃ ᐱᓕᕆᐊᒃᓴᖏᓐᓂᒃ ᒐᕙᒪᒃᑯᑦ.
  • ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ ᐊᑐᖅᑕᐅᔪᓐᓇᕐᓂᐊᖅᑐᑦ ᐊᖏᖅᑕᐅᓯᒪᖄᕆᐊᖃᕆᕗᑦ ᒐᕙᒪᒃᑯᓐᓄᑦ, ᑲᔪᓯᔪᓐᓇᖅᓯᓚᐅᖏᓐᓂᖏᓐᓂᒃ ᐱᕙᓪᓕᐊᔾᔪᑕᐅᓂᐊᓕᕐᓂᕐᒧᑦ/ᐱᓐᖑᖅᑎᑕᐅᓂᐊᓕᕐᓂᕐᒧᑦ.
  • ᓴᓇᔭᐅᓂᖏᑦ ᓄᓇᓕᖕᓂ ᕼᐊᒻᒪᓚᑦᖑᔪᓂ ᑕᐅᓐᖑᔪᓂᓗᓐᓃᑦ ᓄᓇᒋᔭᐅᔪᓂ ᐃᓄᖕᓄᑦ ᐸᕐᓇᐅᑎᓕᐊᖏᑦ ᑲᒪᔨᐅᕙᒃᐳᑦ ᓄᓇᓕᖕᓄᑦ ᓄᓇᓕᖕᒥᐅᑕᐃᑦ ᑲᑎᒪᔨᖏᓐᓄᑦ.

ᖃᓄᖅ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ ᐊᒃᑐᐃᖃᑦᑕᖅᐸᑦ ᓄᓇᓕᖕᓂᒃ, ᐃᓄᖕᓂᒃ, ᐊᓯᖏᓐᓂᒡᓗ ᐃᓚᐅᔭᕆᐊᖃᖅᑐᓂᒃ ᐃᓄᖕᓂᒃ?

ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ ᑐᑭᓕᐅᕈᑕᐅᓲᖑᖕᕗᑦ ᐱᒻᒪᕆᐅᔪᓂᒃ ᐃᓱᒪᓘᑕᐅᔪᓂᒃ, ᓲᕐᓗ ᓴᐳᓐᓂᐊᖅᑕᐅᔭᕆᐊᖃᕐᓂᖏᑦ ᐃᒥᖅᑕᕐᕕᐅᕙᒃᑐᑦ ᐃᓄᖕᓄᑦ ᓄᓇᓕᖕᓂ, ᓴᕿᐅᒪᑎᑦᑎᒋᐊᕐᓂᖅ ᐱᓕᕆᕝᕕᒃᓴᓂᒃ ᐃᖃᓇᐃᔭᕐᕕᒃᓴᓂᒃ, ᖃᓄᐃᓕᓗᐊᖅᑕᐃᓕᒪᑎᑕᐅᖏᓐᓇᕐᓂᖏᑦ ᖃᓄᐃᖏᑦᑐᑦ ᐆᒪᖁᑎᖃᖅᑎᒋᓂᖏᑦ.

ᑎᑎᕋᖅᑕᐅᓵᖅᓯᒪᔪᑦ ᓄᓇᕗᒻᒥ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ ᐊᓯᔾᔨᖅᑕᐅᔪᓐᓇᖅᐸᑦ?

  • ᓄᓇᕗᒻᒥ ᐸᓇᐃᔩᑦ ᑲᒥᓯᓇᒃᑯᖏᑦ ᑎᓕᐅᕆᕙᒃᐳᑦ ᑭᓇᒃᑯᓗᒃᑖᓂᒃ ᖃᐅᔨᒪᑎᑦᑎᖁᔨᓂᖅ ᓴᓇᔭᐅᕙᓪᓕᐊᓂᖏᓐᓂᒃ ᓄᓇᐃᑦ ᐊᑑᑎᒃᓴᖏᓐᓂᒃ ᐸᕐᓇᐅᑏᑦ, ᐃᓱᒪᒋᔭᖏᓐᓂᒃ ᐅᖃᐅᓯᖃᖁᔭᐅᓪᓗᑎᒃ ᑎᑎᕋᖅᑕᐅᓵᖅᓯᒪᔪᓂᒃ. 
  • ᐃᓱᒪᒋᔭᑎᑦ ᐅᖃᐅᓯᒃᓴᕆᔭᑎᑦ ᕿᒥᕐᕈᐊᖅᑕᐅᓂᐊᖅᐳᑦ ᐃᓄᓕᒫᓂᒃ ᓈᓚᒋᐊᖅᑐᕐᕕᐅᓯᒪᓂᐊᖅᑐᓂᒃ ᐋᕿᒋᐊᖅᑕᐅᔪᓐᓇᖅᓯᓚᐅᖏᓐᓂᖏᓐᓂ ᐸᕐᓇᐅᑏᑦ ᐊᒻᒪᓗ ᑐᓂᕐᕈᑕᐅᓚᐅᓐᓂᖏᓐᓂ ᓱᓕ ᐊᖏᖅᑕᐅᔪᒫᕐᓂᕐᒧᑦ. 

ᐅᕙᖓᓕ ᓇᖕᒥᓂᖅ ᐃᓚᐅᔪᓐᓇᖅᐳᖓ ᐅᖃᐅᓯᒃᓴᖃᕈᒪᒍᒪ ᓄᓇᐃᑦ ᐊᑑᑎᒃᓴᖏᓐᓂᒃ ᐸᕐᓇᐅᑎᓕᐊᓂᒃ?

  •  ᓄᓇᕗᒻᒥ ᐸᕐᓇᐃᔩᑦ ᑲᒥᓯᓇᒃᑯᖏᑦ ᐃᓕᓐᓂᐊᖅᑎᑦᑎᓗᑎᒃ ᑲᑎᒪᑎᑦᑎᓂᐊᖅᑐᑦ ᑕᒪᐃᓐᓂᑦᑎᐊᖅ ᓄᓇᕗᒻᒥ ᓄᓇᓕᖕᓂᒃ ᐊᒻᒪᓗ ᒪᑭᕕᒃ ᑯᐊᐴᕇᓴᒃᑯᖏᓐᓂᒃ, ᐊᑖᐸᔅᑲᒥᐅᑕᓂᒃ ᐊᒻᒪᓗ ᒫᓂᑑᐸᒥᐅᑕᓂᒃ ᑕᓂᓱᓕᓐᖑᓂᕋᖅᑕᐅᔪᓂᒃ ᐊᓪᓚᓂᒃ, ᐊᓯᖏᓐᓂᒡᓗ ᐃᓚᐅᑎᑕᐅᔭᕆᐊᖃᖅᑐᓂᒃ.
  • ᓄᓇᓖᑦ, ᐃᓄᐃᑦ, ᐊᓯᖏᓪᓗ ᐊᑐᕈᒥᓇᖅᑑᑎᑦᑎᒋᐊᖅᑕᐅᕗᑦ ᓇᓗᓇᐃᖅᓯᖃᑦᑕᖁᔭᐅᓂᖏᓐᓂᒃ ᐱᒻᒪᕆᐅᔪᓂᒃ ᓄᓇᓂᒃ ᐅᕝᕙᓗᓐᓃᑦ ᓄᓇᐃᑦ ᐊᑑᑎᒃᓴᖏᓐᓂᒃ ᐃᓱᒪᓘᑎᖃᕈᑎᓂᒃ, ᐃᑲᔫᑎᖃᕐᓂᐊᖅᑐᓂᒃ ᐊᐅᓚᑕᐅᓂᖏᓐᓄᑦ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ.
  • ᓄᓇᕗᑦ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᑦ ᑐᖓᓱᒃᑎᑦᑎᕗᑦ ᑕᒪᐃᓐᓂᒃ ᐃᓄᐃᑦ ᐃᓱᒪᒋᔭᖏᓐᓂᒃ, ᐊᒻᒪᓗ ᐃᓕᔅᓯᓐᓂᒃ ᖃᖓᑐᐃᓐᓇᑦᑎᐊᖅ ᐅᖃᖁᔨᓪᓗᑎᒃ ᑲᒥᓯᓇᒃᑯᖏᓐᓄᑦ. 

ᐸᕐᓇᐅᑏᑦ ᐊᑐᓕᖅᑎᑕᐅᒋᐊᕐᓂᖏᑦ

ᓱᓇᐅᖕᒪᑦᑕ ᒪᓕᒐᕐᓂᒃ ᒪᓕᑦᑎᐊᕐᒪᖔᑦ ᕿᒥᕐᕈᐊᖅᑕᐅᓂᖏᑦ?

  • ᓴᓇᔪᒪᓂᕐᒧᑦ/ᐃᒡᓗᕐᔪᐊᓕᐅᕐᕕᖃᕈᒪᓂᕐᒧᓗᓐᓃᑦ ᑐᒃᓯᕋᐅᑏᑦ ᕿᒥᕐᕈᐊᖅᑕᐅᕙᒃᐳᑦ ᐃᓗᐊᓃᓐᓂᐊᕈᑎᒃ ᐸᕐᓇᐅᑎᖃᕐᕕᐅᓯᒪᔪᒥᒃ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᓐᓄᑦ, ᑐᑭᑖᕆᐊᖃᕐᓂᐊᕐᒪᑕ ᑕᐃᒃᑯᐊ ᓴᓇᔭᐅᔪᒪᔪᑦ/ᐱᓕᕆᐊᖑᔪᒪᔪᑦ/ᐃᒡᓗᕐᔪᐊᓕᐅᕈᒪᔪᓪᓗᓐᓃᑦ ᐱᓕᕆᔪᒪᓂᖏᑦ ᐃᓱᒪᒃᓴᖅᓯᐅᕈᑎᖃᖅᓯᒪᖕᒪᖔᑕ ᐊᒻᒪᓗ ᒪᓕᑦᑎᐊᕋᓗᐊᕐᒪᖔᑖ ᐊᖏᖅᑕᐅᓯᒫᓂᑦᑐᓂᒃ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᓂᒃ.  

ᖃᓄᐃᓕᔪᖃᕌᖏᑦ ᕿᒥᕐᕈᐊᖅᑕᐅᖃᑦᑕᕆᐊᖃᓕᕋᑦᑕᖅᐸᑦ ᒪᓕᑦᑎᐊᕋᓗᐊᕐᒪᖔᑕ ᕿᒥᕐᕈᐊᖅᑕᐅᓂᕐᒥᒃ?

  • ᐱᓕᕆᐊᕆᔪᒪᔭᐃᑦ ᓴᓇᔪᒪᔭᐃᓪᓗᓐᓃᑦ ᐸᕐᓇᐅᑎᖃᕐᕕᐅᔪᒦᓐᓂᐊᕈᓂ, ᐊᖏᖅᑕᐅᓯᒫᓂᒃᑐᓂᒃ ᐅᐊᖕᓇᖓᓂ ᕿᑭᖅᑖᓘᑉ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᖃᕐᕕᐅᔪᒦᓐᓂᐊᕐᕈᓂ ᐅᕝᕙᓗᓐᓃᑦ ᑭᕙᓪᓕᕐᒥ ᓄᓇᐃᑦ ᐊᑑᑎᒃᓴᖏᓐᓄᑦ ᐸᓐᓇᐅᑎᖃᕐᕕᐅᓕᐊᓂᒃᑐᒦᓐᓂᐊᕈᓂ, ᐊᒻᒪᓗ ᓄᓇᐃᑦ ᐊᑐᖅᑕᐅᔪᓐᓇᕐᓂᖏᓐᓄᑦ ᓚᐃᓴᓐᓯᑖᕈᑕᐅᔭᕆᐊᖃᖅᐸᑦ ᐅᕝᕙᓘᓐᓃᑦ ᐱᔪᓐᓇᐅᑎᑖᖅᓯᒪᔭᕆᐊᖃᖅᐸᑦ ᐊᐅᓚᑦᑎᔨᐅᔪᒥᒃ ᑲᒪᔨᐅᔪᒥᒃ ᑎᒥᐅᔪᓂᒃ ᑐᓂᓯᔪᓐᓇᖅᑐᓂᒃ ᓚᐃᓴᓐᓯᑖᕈᑎᓂᒃ/ᐱᔪᓇᐅᑎᓂᒃ ᖃᐅᔨᓴᖅᑕᐅᔭᕆᐊᖃᕐᓂᐊᖅᐳᖅ ᐸᕐᓇᐃᔨᒃᑯᓐᓄᑦ ᒪᓕᑦᑎᐊᕋᓗᐊᕐᒪᖓᑦ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᖏᓐᓂᒃ. 

ᖃᓄᐃᑦᑐᓂᒃ ᖃᐅᔨᒪᑎᑦᑎᔾᔪᑎᒃᓴᓂᒃ ᑐᓂᓯᔭᕆᐊᖃᕋᔭᖅᐳᖓ ᐃᓚᖏᓐᓂᒃ, ᒪᓕᒋᐊᓕᖕᓂᒃ ᒪᓕᑦᑎᐊᕐᒪᖔᑕ ᕿᒥᕐᕈᐊᖅᑕᐅᔪᖃᓕᕐᓂᖅᐸᑦ?

  • ᑕᒪᐃᓐᓂᑲᓴᑦᑎᐊᖅ, ᐸᕐᓇᐃᔨᒃᑯᑦ ᑐᓂᔭᐅᖃᑦᑕᖅᐳᑦ ᓄᓇᒥ ᓴᓇᔪᒪᓂᕐᒧᑦ ᑐᒃᓯᕋᐅᑎᓂᒃ ᓄᓇᐃᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᐊᖏᖅᑎᐅᑎᑕᐅᕙᒃᑐᓂᒃ ᑎᒥᐅᔪᓂᒃ. ᑕᐃᒃᑯᐊ ᖃᐅᔨᒪᑎᑦᑎᔾᔪᑎᐊᓕᐊᖑᓯᒪᔪᑦ ᐃᓗᐊᓃᑦᓲᑦᑦ ᑐᓂᕐᕈᑕᐅᔪᓂ ᓄᓇᐃᑦ ᐊᑐᖅᑕᐅᔪᓐᓇᕐᓂᖏᓐᓄᑦ ᐊᖏᖅᑎᐅᕙᒃᑐᓄᑦ ᑕᒪᐃᓐᓂᒃ ᓈᒻᒪᑐᐃᓐᓇᕋᔪᒃᐳᑦ ᐸᕐᓇᐃᔨᒃᑯᓐᓄᑦ ᐃᓱᒪᓕᐅᕈᑕᐅᔪᓐᓇᕐᓂᖅ ᒪᓕᑦᑎᐊᕐᒪᖔᑕ ᒪᓕᒋᐊᖃᖅᑐᓂᒃ.
  • ᑕᒪᐃᓐᓂᑲᓴᒃᑕᐅᖅ, ᓇᐃᓈᖅᓯᒪᔪᒥᒃ ᐅᓂᒃᑳᕈᑎᑦ ᓴᓇᔭᐅᔪᓂᒃ ᑐᒃᓯᕋᐅᑏᑦ, ᐊᒻᒪ ᓇᓃᓐᓂᐊᕐᓂᖏᑦ ᓴᓇᔭᐅᔪᒪᔪᑦ ᑐᒃᓯᕋᖅᑕᐅᓯᒪᔪᑦ, ᓈᒻᒪᖃᑦᑕᖅᐳᑦ ᐸᕐᓇᐃᔨᒃᑯᓐᓄᑦ ᐃᓱᒪᓕᐅᕈᑕᐅᔪᓐᓇᕐᓂᕐᒧᑦ. 
  • ᖃᖓᑐᐃᓐᓇᖅ ᓴᓇᔪᒪᔭᕐᓄᑦ ᑐᒃᓯᕋᖅᓯᒪᔭᑎᑦ ᐱᔭᕆᐊᑐᓂᖅᓴᐅᓐᓂᕈᑎᒃ, ᐅᕝᕙᓗᓐᓃᑦ ᖃᐅᔨᒪᑎᑦᑎᔾᔪᑏᑦ ᖃᐃᑕᐅᓯᒪᓂᖏᑦ ᓇᒻᒪᖏᓗᐊᕈᑎᒃ, ᑐᑭᓯᓇᖏᓗᐊᕈᑎᒡᓗᓐᓃᑦ, ᐸᕐᓇᐃᔨᒃᑯᑦ ᐃᓕᖕᓄᑦ ᐅᖃᕐᓂᐊᖅᐳᑦ ᑐᒃᓯᕋᕐᓗᑎᒡᓗ ᐊᓯᒃᑲᓐᓂᖏᓐᓂᒃ ᐃᓚᒋᐊᕈᑎᒃᓴᓂᒃ ᖃᐅᔨᒪᔭᒃᓴᖏᓐᓂᒃ. 

ᖃᓄᖅ ᐊᑯᓂᐅᑎᒋᕙᒃᐸᑦ ᒪᓕᖕᒪᖔᑕ ᒪᓕᒋᐊᓕᕐᓂᒃ ᕿᒥᕈᐊᖅᑕᐅᔪᖃᖅᑎᓪᓗᒍ?

  • ᐃᓱᖃᖅᑎᑕᐅᖏᒃᑲᓗᐊᖅᑎᓪᓗᒋᑦ ᖃᓄᖅ ᐊᑯᓂᐅᑎᒋᔪᓐᓇᕐᒪᖔᑕ ᐸᕐᓇᐃᔨᒃᑯᑦ ᕿᒥᕐᕈᐊᕐᓂᖏᓐᓂᒃ ᓴᓇᔪᒪᔪᓂᒃ ᑐᒃᓯᕋᐅᑎᓂᒃ, ᐸᕐᓇᐃᔨᒃᑯᑦ ᑐᕌᖓᓲᖑᕗᑦ ᐱᔭᕇᖅᓯᒪᓂᕐᒥᒃ ᕿᒥᕐᕈᐊᖅᑕᐅᓂᐊᖅᑐᓂᒃ ᕿᓚᒻᒥᒪᒃᕆᒃᑯᑦ, ᐊᔪᕐᓇᕈᓐᓃᑐᐊᖅᐸᑦ, ᐊᑐᕋᔪᒃᓱᑎᒃ ᖁᓕᓂᒃ 10-ᓂᒃ ᐅᓪᓗᓂᒃ ᑐᓂᔭᐅᓚᐅᖅᑎᓪᓗᒋᑦ ᑐᒃᓯᕋᐅᑏᑦ, ᐊᒻᒪᓗ ᑭᖑᓂᐊᕐᔪᐊᒍᑦ ᑭᐅᔾᔪᑎᒃᓴᒥᓂᒃ ᑐᓂᓯᓯᒪᓲᑦ ᐃᓱᒪᓕᐊᕆᓯᒪᓕᖅᑕᒥᓂᒃ. 

ᓱᓇᐅᖕᒪᑦ ᒪᓕᒋᕐᓂᒃ ᒪᓕᑦᑎᐊᕋᓗᐊᕐᒪᖔᑕ ᑐᑭᑖᕈᑏᑦ?

  • ᒪᓕᑦᑎᐊᕐᒪᖔᑕ ᐃᓱᒪᓕᐅᕈᑏᑦ ᐃᓱᒪᓕᐊᖑᐅᕈᑕᐅᕙᒃᐳᑦ ᑲᓇᑕᒧᑦ ᐊᒻᒪᓗ/ᐅᕝᕙᓗᓐᓃᑦ ᓄᓇᕗᒻᒧᑦ ᑎᒥᖁᑎᒋᔭᐅᔪᓄᑦ ᑐᓂᔭᐅᔪᑦ ᐸᕐᓇᐃᔨᒃᑯᓐᓂᖔᖅᑐᑦ ᐱᔾᔪᑎᖃᖅᑐᓂᒃ ᕿᒥᕐᕈᐊᓚᐅᖅᑕᖏᑦ ᒪᓕᒃᓯᒪᖕᒪᖔᑕ ᒪᓕᒃᓯᒪᖏᒻᒪᖓᑖᓘᓐᓃᑦ ᓴᓇᔭᐅᔪᒪᔪᓂᒃ ᑐᒃᓯᕋᖅᑕᐅᓯᒪᔪᓂᒃ, ᖃᐅᔨᓴᖅᑕᐅᓪᓗᑎᒃ ᐊᖏᖅᑕᐅᓯᒫᓂᒃᑐᑦ ᓄᓇᐃᑦ ᐊᑑᑎᒃᓴᖏᓐᓂᒃ ᐸᕐᓇᐅᑏᑦ. ᐱᐅᔪᒥᒃ ᒪᓕᖕᓂᕋᖅᑕᐅᓯᒪᔪᒥᒃ ᑐᑭᑖᕈᑕᐅᔪᑦ ᑕᒪᐃᓐᓂᒃ ᒪᓕᒃᓯᒪᖃᑦᑕᖅᐳᑦ ᒪᓕᒃᑕᐅᓯᒪᖁᔭᐅᔪᓂᒃ ᓴᓇᔪᒪᔪᓄᑦ, ᐃᓚᒋᔭᐅᓪᓗᑎᒃ ᐱᓕᕆᐊᕆᓂᐊᖅᑕᖏᓐᓄᑦ ᓴᓇᔭᐅᓂᐊᖅᑐᓄᑦ. 

ᖃᓄᖅ ᒪᓕᒋᐊᖃᕐᓂᕐᒧᑦ ᑐᑭᓕᐅᖅᑕᐅᔪᑦ ᓴᓇᔪᒪᔭᒃᑲᓐᓂᒃ/ᐱᓕᕆᐊᕆᔪᒪᔭᒃᑯᓐᓂᒃ ᑐᒃᓯᕋᖅᓯᒪᔭᓐᓂᒃ ᐊᒃᑐᐃᓂᖃᕐᓂᐊᖅᐸᑦ?

  • ᓴᓇᔪᒪᔪᑦ ᑐᑭᓯᕋᐅᑎᖏᑦ ᐸᕐᓇᐅᑎᖃᓖᐊᓂᒃᑐᓃᓂᐊᖅᑐᑦ ᒪᓕᒋᐊᖃᕐᒪᑕ ᐊᑐᕆᐊᖃᖅᑎᑕᐅᓯᒪᓕᖅᑐᓂᒃ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᓂᒃ. ᓚᐃᓴᓐᓯᑖᖅᑎᑕᐅᔪᓐᓇᖅᓯᓚᐅᖏᓐᓂᖏᓐᓂᒃ ᑲᔪᓯᔪᓐᓇᖅᑎᑕᐅᓚᐅᖏᓐᓂᖏᓐᓂᒃ ᓄᓇᐃᑦ ᐊᑐᖅᑕᐅᔪᓐᓇᕐᓂᖏᓐᓄᑦ ᐊᖏᖅᑎᐅᔪᓄᑦ, ᐸᕐᓇᐃᔨᒃᑯᑦ ᓯᕗᓪᓕᕐᒥᒃ ᓇᓗᓇᐃᖅᓯᖄᕆᐊᖃᓲᖑᔪᑦ ᓴᓇᔭᐅᓂᐊᖅᑐᑦ ᓴᓇᔭᐅᔪᒪᔪᑦ ᒪᓕᑦᑎᐊᕐᓂᖏᓐᓂᒃ, ᐊᒻᒪᓗ ᐃᓱᒪᒋᔭᖃᖅᓯᒪᓂᖏᓐᓂᒃ, ᐊᑐᖅᑕᐅᔭᕆᐊᖃᖅᑐᓂᒃ ᓄᓇᐃᑦ ᐊᑑᑎᒃᓴᖏᓐᓂᒃ ᐸᕐᓇᐅᑎᓂᒃ. 
  • ᓚᐃᓴᓐᓯᑖᕈᑕᐅᔪᓂ ᐊᖏᖅᑕᐅᓯᒪᔾᔪᑏᓂᑦᑐᓗᓐᓃᑦ ᑐᓂᔭᐅᔪᑦ ᐊᖏᖅᑎᐅᕙᒃᑐᓂᖔᖅᑐᑦ ᑎᒥᖁᑎᖏᓐᓂᒃ, ᐊᑐᓕᖅᑎᑦᑎᓯᒪᔭᕆᐊᖃᕐᓂᐊᖅᐳᑦ ᖃᓄᐃᑦᑐᑐᐃᓇᐅᔪᓂᒃ ᒪᓕᒃᓯᒪᖁᔭᐅᔪᓂᒃ ᒪᓕᒋᐊᓕᖕᓂᒃ ᓇᓗᓇᐃᖅᑕᐅᓯᒪᓚᐅᖅᑐᓂᒃ ᑐᑭᑖᕈᑕᐅᓚᐅᖅᑐᓂᒃ ᐸᕐᓇᐃᔨᒃᑯᓐᓄᑦ. 

ᖃᓄᐃᓕᓲᖑᕙᑦ ᑭᖑᓂᐊᒍᑦ ᐱᐅᔪᒥᒃ ᒪᓕᑦᑎᐊᖅᓯᒪᓂᕋᖅᑕᐅᓚᐅᖅᓱᖓ ᐃᓱᒪᓕᐅᕈᑕᐅᓯᒪᔪᒥᒃ?

  • ᐸᕐᓇᐃᔨᒃᑯᑦ ᓯᕗᒻᒧᐊᒃᑎᑦᑎᓂᐊᖅᐳᑦ ᐃᓱᒪᓕᐊᕆᓯᒪᔭᒥᓂᒃ ᐊᒻᒪᓗ ᖃᓄᐃᑦᑐᑐᐃᓇᓂᒃ ᐊᑐᓕᔭᖁᓕᐊᕆᔭᖏᓐᓂᒃ ᓇᒪᔪᓂᒃ ᑲᒪᔨᐅᔪᓄᑦ ᓄᓇᐃᑦ ᐊᑐᖅᑕᐅᔪᓐᓇᕐᓂᖏᓐᓄᑦ ᐊᖏᖅᑎᐅᑎᑕᐅᕙᒃᑐᓄᑦ.
  • ᐸᕐᓇᐃᔨᒃᑯᑦ ᓯᕗᒻᒧᐊᒃᑎᑦᑎᓂᐊᕆᕗᑦ ᓴᓇᔭᐅᔪᒪᔪᓂᒃ ᑐᒃᓯᕋᐅᑎᓂᒃ, ᑐᑭᓕᑖᕈᑕᐅᔪᓂᒃ ᐃᓚᖃᕐᓗᑎᒃ ᐊᒻᒪᓗ ᐊᑐᓕᖁᔭᓕᐊᖏᓐᓂᒃ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᖃᐅᔨᓴᖅᑕᐅᓂᐊᖅᑐᓂᒃ, ᑕᐃᒃᑯᐊ ᑭᓯᐊᓂ ᐱᓕᕆᐊᖑᓂᐊᖅᑐᑦ ᑐᒃᓯᕋᖅᑕᐅᓯᒪᔪᑦ ᒪᓕᖏᑐᓐᓇᕐᓂᖃᖅᑎᑕᐅᒍᑎᓂᒃ ᖃᐅᔨᓴᖅᑕᐃᓐᓇᕆᐊᖅᑲᖅᑐᓂᒃ, ᒪᓕᒃᑕᐅᓪᓗᑎᒃ ᑎᑎᖃᐃᑦ  ᐃᓚᒃᑲᓐᓂᖏᓐᓃᑦᑐᑦ 12-1-ᖓᓂᒃ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂᒃ. 

ᖃᓄᐃᓕᐊᖅᐸᑦ ᐱᓕᕆᐊᕆᔪᒪᔭᒃᑯᑦ ᑐᒃᓯᕋᖅᓯᒪᓪᓗᒋᑦ ᒪᓕᖏᑉᐸᑕ ᓄᓇᐃᑦ ᐊᑑᑎᒃᓴᖏᓐᓂᒃ ᐸᕐᓇᐅᑎᓂᒃ ᒪᓕᒃᑕᐅᔭᕆᐊᓕᖕᓂᒃ?

  • ᑐᑭᓕᐅᖅᑕᐅᓯᒪᔪᖃᖅᐸᑦ ᓴᓇᔭᐅᔪᓂᒃ ᑐᒃᓯᕋᖅᑕᐅᓯᒪᔪᑦ ᒪᓕᖏᓐᓂᖏᓐᓂᒃ ᓄᓇᐃᑦ ᐊᑑᑎᒃᓴᖏᓐᓂᒃ ᐸᕐᓇᐅᑎᓂᒃ, ᓴᓇᔪᒪᔪᑦ ᐆᒃᑐᕈᓐᓇᖅᐳᖅ ᒥᓂᔅᑕᐅᔪᒧᑦ ᑲᒪᔨᐅᔪᒧᑦ, ᒪᓕᖏᑦᑐᓐᓇᐅᑎᓂᒃ ᐱᔪᒪᓗᓂ. 

ᑭᓇᒃᑯᓐᓄᑦ ᐅᖃᕈᓐᓇᖅᐳᖓ ᑐᑭᓯᒋᐊᑦᑎᐊᒃᑲᓐᓂᕈᒪᒍᒪ ᖃᐅᒪᔾᔪᑎᒃᓴᓂᒃ?

  • ᐅᖃᕐᕕᐅᔪᓐᓇᖅᑐᑦ ᓄᓇᕗᒻᒥ ᐸᕐᓇᐃᔨᒃᑯᑦ ᑲᒥᓯᓇᒃᑯᖏᑦ ᐱᔾᔪᑎᖃᖅᑐᓂᒃ ᑐᓂᔭᐅᖃᑦᑕᕐᓂᖏᓐᓂᒃ ᐊᒻᒪᓗ ᕿᒥᕐᕈᐊᖅᑕᐅᖃᑦᑕᕐᓂᖏᓐᓂᒃ ᓴᓇᔭᐅᔪᒪᔪᓂᒃ ᑐᒃᓯᕋᐅᑏᑦ, ᐅᕝᕙᓗᓐᓃᑦ ᐊᓯᖏᓐᓂᒃ ᐊᐱᖁᑎᒃᓴᖃᕈᔅᓯ ᖃᓄᐃᓕᐅᖅᑎᐅᓂᖏᓐᓂᒃ ᐸᕐᓇᐃᔨᒃᑯᑦ. ᐳᕋᐃᔭᓐ ᐊᒡᓗᒃᑲᖅ, ᐊᐅᓚᑦᑎᔨᐅᔪᖅ ᐊᑐᓕᖅᑎᑦᑎᕙᓪᓕᐊᔪᓕᕆᓂᕐᒧᑦ, ᐅᖃᕐᕕᐅᔪᓐᓇᖅᐳᖅ ᑎᑎᖃᖅᑖᕐᕕᖕᒥᓂᒃ ᖃᕆᑕᐅᔭᒃᑯᑦ ᐅᕙᓂ Aglukark@nunavut.ca ᐅᕝᕙᓗᓐᓂᑦ ᐅᖄᓚᕕᐅᓗᓂ ᐅᕙᓂ 1 867 857 2242 ᐊᒻᒪᓗ ᑯᕆᔅᑕᕗ ᑎᒃᓄ, ᐊᖓᔪᖃᖅ ᐸᕐᓇᐃᔨᓂ, ᑎᑎᕋᕐᕕᐅᔪᓐᓇᕐᒥᔪᖅ ᖃᕆᑕᐅᔭᒃᑯᑦ ᑎᑎᖃᖅᑖᕐᕕᖓᓂ ᐅᕙᓂ ctickner@nunavut.ca ᐅᕝᕙᓗᓐᓃᑦ ᐅᖄᓚᕝᕕᐅᓗᓂ ᐅᕙᓂ 1 867 983 4634.

ᖃᐅᔨᒪᑎᔾᔪᑎᒃᓴᐃᑦ ᑐᓂᐅᔭᐅᖃᑦᑕᕐᓂᖏᑦ

ᐃᓚᒥᓂᒃ ᐸᕐᓇᐃᔨᐅᖃᑕᐅᕙᒃᑐᓂᒃ?

  • ᒥᓯᓇᒃᑯᑦ ᑐᓄᓯᖃᑦᑕᖏᑦᑐᑦ ᐱᖓᔪᒋᔭᐅᔪᓂᖔᖅᓯᒪᔪᓂᒃ ᖃᐅᔨᒪᑎᑕᐅᔾᔪᑎᒃᓴᖅᑖᕆᓯᒪᔭᒥᓂᒃ. ᑐᒃᓯᕋᐅᑏᑦ ᖃᐅᔨᒪᔾᔪᑎᒃᓴᓂᒃ ᐱᔪᒪᔾᔪᑏᑦ ᐅᕗᖓ ᑐᕌᖓᔭᕆᐊᖃᖅᐳᖅ ᓯᕗᓪᓕᐸᓄᑦ ᖃᐅᔨᒪᔾᔪᑎᒃᓴᖅᑖᕐᕕᐅᔪᓂᒃ.
  • ᓄᓇᖑᐊᓕᐊᖑᓯᒪᔪᑦ ᑎᑎᖃᖁᑎᒋᔭᐅᔪᑦ ᓄᓇᐃᑦ ᐊᑑᑎᒃᓴᖏᓐᓄᑦ ᑎᒃᑯᐊᖅᑕᐅᓯᒪᔪᓂ ᐊᒻᒪᓗ ᐊᑐᓕᖁᔭᓕᐊᖑᔪᓃᑦᑐᑦ ᐃᓗᓕᖃᖅᐳᑦ ᑎᑎᕋᖅᑕᐅᓵᖅᓯᒪᔪᓂᒃ ᓄᓇᕗᒻᒥ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᓂᒃ, ᐊᑐᐃᓐᓇᐅᓪᓗᑎᒃ ᐅᕙᖓᑦ.