ᓯᕗᓪᓕᐅᔾᔭᒃᓴᓄᑦ ᓄᓇᓄᑦ ᓄᓇᓐᖑᐊᖅ

ᓄᓇᕗᑦ ᓄᓇᓕᖏᑦ

ᑖᓐᓇ ᓯᕗᓪᓕᐅᔾᔭᒃᓴᓄᑦ ᓄᓇᓄᑦ ᓄᓇᓐᖑᐊᖅ ᓴᖅᑭᔮᖅᑐᖃᖅᐳᖅ ᓄᓇᓂᒃ ᓇᓗᓇᐃᖅᑕᐅᓯᒪᔪᓂᒃ ᐱᒻᒪᕆᐅᓂᖃᕐᓂᖏᓐᓄᑦ ᐃᓄᓐᓄᑦ ᐊᒻᒪ ᐆᒪᔪᓄᑦ. ᐃᑲᔪᖅᑎᒍᑦ ᑲᒪᓇᓱᐊᖅᑎᓪᓗᑕ ᓄᓇᒥᒃ ᐅᖃᐅᑎᓗᑕ ᒥᒃᓵᓄᑦ ᐱᒻᒪᕆᐅᔪᑦ ᓄᓇᐃᑦ ᖃᓂᒋᔭᖓᓃᑦᑐᑦ ᓄᓇᓯ.

ᓄᓇᕗᒻᒥ ᐸᕐᓇᐃᔩᑦ ᓴᓇᒻᒪᑕ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᒍᑎᒥᒃ ᐊᐅᓚᓐᓇᓱᐊᖅᑐᒋᑦ ᒪᑯᐊ ᓄᓇ, ᐱᓇᓱᒐᒃᓴᐃᑦ, ᐆᒪᔪᑦ, ᐊᒻᒪ ᐃᒪᐃᑦ ᓄᓇᕘᑉ ᓇᓗᓇᐃᖅᑕᐅᓯᒪᓂᖓᓃᑦᑐᑦ, ᐊᕙᑖᓃᑦᑐᑦ ᓄᓇᓖᑦ ᐊᒻᒪ ᒥᕐᖑᐃᓯᕐᕖᑦ ᑭᓪᓕᖏᑕ. ᐊᐅᓚᑦᑎᓂᖅ ᑐᑭᖃᕈᓐᓇᖅᐳᖅ ᓴᐳᔾᔨᓂᕐᒥᒃ ᓄᓇᓕᓐᓄᑦ ᐃᒥᒃᓴᕆᔭᐅᔪᓂᒃ, ᓴᐳᔾᔭᐅᖁᔨᓂᖅ ᓄᓇᓂᒃ ᐱᒻᒪᕆᐅᔪᓂᒃ ᓄᓇᓕᓐᓄᑦ ᐊᑐᖅᑕᐅᓲᑐᖃᐅᓂᖏᓐᓄᑦ, ᐅᕝᕙᓘᓐᓃᑦ ᐋᖅᑭᒃᑕᐅᑎᑦᑎᖁᔨᓂᕐᒧᑦ ᒪᓕᒃᑕᐅᒋᐊᓕᓐᓂᒃ ᖃᐅᔨᒪᔾᔪᑎᒃᓴᓂᒃ ᓴᓇᕕᓕᕆᓂᒃᑯᑦ ᑐᖅᑯᖅᓯᓂᒃᑯᑦ.

ᐊᑖᓂ ᓄᓇᕗᒻᒥ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᒍᑎᐅᑉ, ᐃᓱᒪᒃᓴᖅᓯᐅᕈᑎᖃᕋᑦᑕ ᐊᐅᓚᑦᑎᓂᕐᒥᒃ ᓄᓇᐃᑦ ᐊᑐᖅᑕᐅᓂᖏᓐᓂᒃ ᐊᑦᑐᖅᓯᓂᖃᑐᐃᓐᓇᕆᐊᖃᖅᑐᓂᒃ ᒪᑯᓂᖓ:

  • ᑐᒃᑐᐃᑦ ᓄᖅᑭᐅᕐᕕᖏᑦ ᐊᒻᒪ ᑕᔾᔪᐊᖅᑐᓄᑦ ᐊᖅᑯᑎᑦ
  • ᐃᒪᕐᒥᐅᑕᐃᑦ ᐳᐃᔨᑦ
  • ᐊᐅᓪᓚᑕᖅᑐᑦ ᑎᒻᒥᐊᑦ
  • ᐱᐅᓯᑐᖃᖅᓯᐅᑏᑦ ᑰᑦ
  • ᐱᑕᖃᕇᖅᑐᑦ ᐊᒻᒪ ᓯᕗᓂᕐᒥ ᒥᕐᖑᐃᓯᕐᕕᒃᓴᐃᑦ ᐊᒻᒪ ᓴᐳᔾᔨᕕᒃᓴᐃᑦ
  • ᑲᓇᑕᒧᑦ ᐃᑦᑕᕐᓂᓴᖃᕐᕖᑦ
  • ᓄᓇᐃᑦ ᐆᒻᒪᖅᑯᓯᐅᕐᓂᒃᑯᑦ ᐅᕝᕙᓘᓐᓃᑦ ᐃᖏᕐᕋᔾᔪᑎᓕᕆᓂᒃᑯᑦ ᐊᑐᖅᑕᐅᔪᓐᓇᖅᑐᑦ
  • ᓄᓇᓕᓐᓄᑦ ᐃᒥᒃᓴᕆᔭᐅᔪᑦ
  • ᐅᓇᓖᑦ ᓇᔪᖅᑕᖏᑦ
  • ᐊᓯᖏᑦ ᓄᓇᐃᑦ ᐱᒻᒪᕆᐅᔪᑦ ᓄᓇᕗᒻᒥᐅᓄᑦ

 

ᑕᒪᕐᒥᒃ ᐅᓂᒃᑳᑦ ᐅᓂᒃᑳᕆᔭᐅᔭᕆᐊᖃᕐᒪᑕ

ᐅᖃᐅᓯᒃᓴᕆᔭᐅᔪᑦ ᐱᔭᕗᑦ ᐱᓪᓗᒍ ᓯᕗᓪᓕᐅᔾᔭᒃᓴᓄᑦ ᓄᓇᓄᑦ ᓄᓇᓐᖑᐊᖅ ᐃᓚᓕᐅᔾᔭᐅᓂᐊᖅᐳᑦ ᑎᑎᕋᖅᑕᐅᒋᐊᓐᖓᖅᑐᒧᑦ ᓄᓇᕗᒻᒥ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᒍᑎᒧᑦ, ᐅᑎᖅᑎᑕᐅᓛᖅᑐᒧᑦ ᓄᓇᕗᒻᒥᐅᓄᑦ ᐅᑭᐊᒃᓵᒥ. ᑖᒃᑯᐊ ᐸᕐᓇᐃᔩᑦ ᑕᐃᒪ ᓂᐅᕐᕈᑲᑕᓕᕐᓂᐊᖅᐳᑦ ᑕᒪᐃᓐᓄᑦ ᓄᓇᓕᓐᓄᑦ ᓄᓇᕗᒻᒦᑦᑐᓄᑦ ᐱᑕᖃᖅᑎᑦᑎᓇᐊᓱᕐᓗᑎᒃ ᓄᓇᓕᓐᓂᑦ ᐃᓕᓐᓂᐊᕋᐅᔭᕈᑎᓂᒃ. ᑕᒪᓐᓇ ᐱᕕᒃᓴᖃᕐᕕᐅᑲᓐᓂᕐᒥᔪᖅ ᓄᓇᕗᒻᒥ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᒍᑎ ᒪᓕᒃᓯᒪᒐᓗᐊᕐᒪᖔᑦ ᓴᖅᑭᖅᓯᒪᔪᓂᒃ ᐊᒻᒪ ᓯᕗᓪᓕᐅᔾᔭᐅᖁᔭᐅᔪᓂᒃ ᓄᓇᕗᒻᒥᐅᓄᑦ. ᑭᖑᓂᖓᓂ ᑖᒃᓱᒪ, ᑖᒃᑯᐊ ᐸᕐᓇᐃᔩᑦ ᐱᔭᕇᖅᓯᒋᐊᕐᓂᐊᖅᐳᑦ ᐸᕐᓇᒍᑎᒥᒃ, ᑲᑎᒪᑎᑦᑎᓗᑎᒃ ᑭᒃᑯᑐᐃᓐᓇᕐᓂᒃ ᑐᓴᕆᐊᖅᑎᑦᑎᓗᑎᒃ, ᐊᒻᒪ ᑐᓂᓗᒍ ᑕᐃᓐᓇ ᑭᖑᓪᓕᖅᐹᒥ ᑎᑎᕋᖅᑕᖅ ᓄᓇᕗᒻᒥ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᒍᑎ ᐊᖏᕈᑕᐅᔪᒃᓴᐅᓗᓂ

ᒪᐃ 28, 2010.

ᑭᖑᓕᕐᒥ ᐱᓕᕆᐊᒃᓴᐃᑦ

ᐅᖃᐅᓯᒃᓴᕆᔭᐅᔪᑦ ᐱᔭᕗᑦ ᐱᓪᓗᒍ ᓯᕗᓪᓕᐅᔾᔭᒃᓴᓄᑦ ᓄᓇᓄᑦ ᓄᓇᓐᖑᐊᖅ ᐃᓚᓕᐅᔾᔭᐅᓂᐊᖅᐳᑦ ᑎᑎᕋᖅᑕᐅᒋᐊᓐᖓᖅᑐᒧᑦ ᓄᓇᕗᒻᒥ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᒍᑎᒧᑦ, ᐅᑎᖅᑎᑕᐅᓛᖅᑐᒧᑦ ᓄᓇᕗᒻᒥᐅᓄᑦ ᐅᑭᐊᒃᓵᒥ. ᑖᒃᑯᐊ ᐸᕐᓇᐃᔩᑦ ᑕᐃᒪ ᓂᐅᕐᕈᑲᑕᓕᕐᓂᐊᖅᐳᑦ ᑕᒪᐃᓐᓄᑦ ᓄᓇᓕᓐᓄᑦ ᓄᓇᕗᒻᒦᑦᑐᓄᑦ ᐱᑕᖃᖅᑎᑦᑎᓇᐊᓱᕐᓗᑎᒃ ᓄᓇᓕᓐᓂᑦ ᐃᓕᓐᓂᐊᕋᐅᔭᕈᑎᓂᒃ. ᑕᒪᓐᓇ ᐱᕕᒃᓴᖃᕐᕕᐅᑲᓐᓂᕐᒥᔪᖅ ᓄᓇᕗᒻᒥ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᒍᑎ ᒪᓕᒃᓯᒪᒐᓗᐊᕐᒪᖔᑦ ᓴᖅᑭᖅᓯᒪᔪᓂᒃ ᐊᒻᒪ ᓯᕗᓪᓕᐅᔾᔭᐅᖁᔭᐅᔪᓂᒃ ᓄᓇᕗᒻᒥᐅᓄᑦ. ᑭᖑᓂᖓᓂ ᑖᒃᓱᒪ, ᑖᒃᑯᐊ ᐸᕐᓇᐃᔩᑦ ᐱᔭᕇᖅᓯᒋᐊᕐᓂᐊᖅᐳᑦ ᐸᕐᓇᒍᑎᒥᒃ, ᑲᑎᒪᑎᑦᑎᓗᑎᒃ ᑭᒃᑯᑐᐃᓐᓇᕐᓂᒃ ᑐᓴᕆᐊᖅᑎᑦᑎᓗᑎᒃ, ᐊᒻᒪ ᑐᓂᓗᒍ ᑕᐃᓐᓇ ᑭᖑᓪᓕᖅᐹᒥ ᑎᑎᕋᖅᑕᖅ ᓄᓇᕗᒻᒥ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᒍᑎ ᐊᖏᕈᑕᐅᔪᒃᓴᐅᓗᓂ.


 

 

AttachmentSize
NLUP_Priority_Areas_Map.pdf886.7 KB
Priority_Areas_Map_Survey.pdf97.88 KB