ᐅᐊᖕᓇᖓᓂ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ

ᐅᐊᖕᓇᖓᓂ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᖅᑎᑦ ᐊᖏᖅᑕᐅᓚᐅᖅᓯᒪᔪᑦ ᔫᓐ 2000-ᒥ. ᖃᓄᐃᓕᐅᕈᑎᒃᓴᓄᑦ ᒪᓕᒐᒃᓴᖃᖅᐳᖅ ᓄᓇᐃᑦ ᓄᓇᒥᐅᑕᐃᓪᓗ ᐊᑐᖅᑕᐅᔪᓐᓇᕐᓂᖏᓐᓄᑦ  ᐅᐊᖕᓇᖓᓂ ᕿᑭᖅᑖᓘᑉ ᐸᕐᓇᐅᑎᖃᕐᕕᖏᑦ ᐊᕕᒃᑐᖅᓯᒪᓂᖓᓂ. ᑕᒪᕐᒥᒃ ᐊᔾᔨᖏᑦ ᐸᕐᓇᐅᑎᖏᑦ ᐱᑕᖃᖅᐳᑦ ᐅᕙᖓᑦ.

ᐅᐊᖕᓇᖓᓂ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ

ᐅᐊᖕᓇᖓᓂ ᕿᑭᖅᑖᓘᑉ ᐸᕐᓇᐃᕕᖃᕐᓂᖓ ᐱᖓᓱᓂᒃ ᐊᕙᓗᖃᖅᑐᔮᖅᐳᖅ ᑕᒫᓂ ᐅᑭᐅᖅᑕᖅᑐᖅᐸᓯᖕᒥ ᕿᑭᑕᒐᓴᖃᕐᕕᐅᔪᒥ, ᐊᖏᓂᖃᖅᑐᒥᒃ 1.5 ᒥᓕᔭᓐᓂᒃ ᑭᐹᓂᒃᑐᒥᒃ ᑭᓛᒥᑕᓂᒃ. ᑕᒪᕐᒥᑲᓴᐃᑦ ᐃᓄᐃᑦ ᐅᐊᖕᓇᓂᕐᒥᐅᑕᐃᑦ ᕿᑭᖅᑖᓘᖕᒥ, ᓄᓇᖃᖅᐳᑦ ᑕᓕᒪᓂᒃ ᕼᐊᒻᒪᓚᑦᑯᑦ ᓄᓇᖏᓐᓂᒃ ᖃᐅᓱᐃᑦᑐᕐᒥ, ᐊᐅᓱᐃᑦᑐᕐᒥ, ᐃᒃᐱᐊᕐᔪᖕᒥ, ᒥᑦᑎᒪᑕᓕᖕᒥ ᐊᒻᒪᓗ ᑲᖏᖅᑐᒑᐱᖕᒥ.

ᐱᒻᒪᕆᐅᓂᖏᑦ ᐸᕐᓇᐃᓂᕐᒧᑦ ᐃᓱᒪᒋᔭᐅᓯᒪᔪᑦ

ᐅᐊᖕᓇᖓᓂ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ  ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ ᖃᓄᐃᓕᐅᕈᑎᖃᖅᐳᑦ ᐱᒻᒪᕆᐅᓂᖏᓐᓂᒃ ᐃᓱᒪᒋᔭᐅᓯᒪᓂᖏᓐᓂᒃ ᒪᑯᐊ: 

  • ᐅᐊᖕᓇᖓᓂ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ  ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑏᑦ ᖃᓄᐃᓕᐅᕈᑎᖃᖅᐳᑦ ᐱᒻᒪᕆᐅᓂᖏᓐᓂᒃ ᐃᓱᒪᒋᔭᐅᓯᒪᓂᖏᓐᓂᒃ ᒪᑯᐊ:
  • ᓄᓇᒥᐅᑕᐃᑦᐃ ᐊᑐᖅᑕᐅᓂᖏᓐᓂᒃ
  • ᓴᐳᓐᓂᐊᖅᑕᐅᓯᒪᔭᕆᐊᖃᖅᑐᓂᒃ ᓄᓇᓂᒃ ᐊᒻᒪᓗ ᒥᖑᐃᖅᓯᕐᕕᖕᓂᒃ
  • ᑕᕆᐅᒃᑯᑦ ᐃᒪᖅᑎᒍᑦ ᓄᓇᒃᑯᓪᓗ ᐊᐅᓛᕉᑎᒃᓴᐃᑦ
  • ᐅᔭᕋᖕᓂᐊᒐᒃᓴᖅᓯᐅᕐᓂᖅ ᐊᒻᒪᓗ ᓴᓇᔭᐅᓂᖏᑦ
  • ᐅᖅᓱᐊᓗᒃᓯᐅᕐᓂᖅ ᐊᒻᒪᓗ ᒑᓴᓖᒃᓴᖅᓯᐅᕐᓂᖅ ᐊᒻᒪᓗ ᓴᓇᔭᐅᓂᖏᓐᓂᒃ
  • ᐳᓚᕋᑦᑐᓕᕆᓂᖅ
  • ᖃᐅᔨᓴᖅᑕᐅᔪᖃᖃᑦᑕᕐᓂᖅ
  • ᑲᓇᑕᒧᑦ ᓄᓇᖁᑎᒋᔭᐅᓂᖓᓂᒃ ᐊᒻᒪᓗ ᓴᐳᓐᓂᐊᖅᑕᐅᓂᖏᓐᓂᒃ
  • ᐱᖁᑎᑐᖃᕆᔭᐅᔪᑦ ᓄᓇᒥᐅᑕᑐᖃᐃᑦ
  • ᐱᕈᖅᐸᓪᓕᐊᔪᒥᒃ ᐊᒃᑐᖅᑕᐅᕙᓪᓕᐊᓂᖏᑦ ᐊᒻᒪᓗ ᐊᕙᑎᖓᑦ, ᐆᒪᔪᐃᓪᓗ ᐱᕈᖅᑐᓪᓗ ᓇᐅᑦᑎᖅᑕᐅᖃᑦᑕᕐᓂᖏᑦ
  • ᓴᓗᒻᒪᖅᓴᖅᑕᐅᓂᖏᑦ ᐊᒻᒪᓗ ᖃᐅᔨᓴᖅᑕᐅᕙᓪᓕᐊᖏᓐᓇᖃᑦᑕᕐᓂᖏᑦ ᐊᒃᑕᑯᖃᕐᕕᐅᔪᑦ ᓄᓇᐃᑦ

ᐱᓕᕆᐊᒃᓴᓂᒃ ᓴᓇᔪᒪᓂᕐᒧᑦ ᑐᒃᓯᕋᐅᑎᑦ ᐅᐊᖕᓇᖓᓂ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ

ᑕᒪᕐᒥᒃ ᓴᓇᔪᒪᓂᕐᒧᑦ ᑐᒃᓯᕋᐅᖅᑏᑦ ᑕᐅᕙᓂ ᐅᐊᖕᓇᖓᓂ ᕿᑭᖅᑖᓘᑉ ᐸᕐᓇᒍᑎᖄᓂᒃᑐᓂ ᐊᕕᒃᑐᖅᓯᒪᓂᖏᓐᓂ  ᓚᐃᓴᓐᓯᑖᕈᑕᐅᓯᒪᔭᕆᐊᓖᑦ ᐅᕝᕙᓗᓐᓃᑦ ᐊᖏᖅᑕᐅᓯᒪᓗᑎᒃ ᓄᓇᐃᑦ ᐊᑐᖅᑕᐅᔪᓐᓇᕐᓂᖏᓐᓄᑦ ᑲᒪᔨᐅᔪᓄᑦ ᐊᖏᖅᑎᐅᔪᓄᓪᓪᓗᓐᓃᑦ ᖃᐅᔨᓴᖅᑕᐅᖃᑦᑕᕆᐊᖃᖅᐳᑦ ᐸᕐᓇᔨᒃᑯᓐᓄᑦ ᑲᒥᓯᓇᒃᑯᓐᓄᑦ ᒪᓕᑦᑎᐊᕐᒪᖔᑕ ᒪᓕᒋᐊᓕᖕᓂᒃ ᐅᐊᖕᓇᖓᓂ ᕿᑭᖅᑖᓘᑉ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᖏᓐᓂᒃ.

ᑕᒪᐃᓐᓂᒃ ᑕᑯᓪᓗᒋᑦ, ᓴᓇᔪᒪᓂᕐᒧᑦ ᑐᒃᓯᕋᐅᑎᑦ ᐃᓱᒪᒃᓴᖅᓯᐅᕈᑕᐅᕙᒃᐸᑦ ᒪᓕᖕᒪᖔᑕ ᐅᐊᖕᓇᖓᓂ ᕿᑭᖅᑖᓘᑉ ᓄᓇᐃᑦ ᐊᑑᑎᒃᓴᖏᓐᓂᒃ ᐸᕐᓇᐅᑎᓂᒃ, ᐸᕐᓇᐃᔨᒃᑯᑦ ᑲᒥᓯᓇᐃᑦ ᐃᓱᒪᒋᔭᖏᓐᓂᒃ ᐱᐅᓯᖃᕐᓂᕐᒥᒃ ᒪᓕᒍᒥᓇᖅᑑᑎᑦᑎᓂᖏᓐᓂᒃ ᐊᒻᒪᓗ ᒪᓕᑦᑎᐊᕐᓂᖏᓐᓂᒃ ᑐᖓᕕᐅᔪᓂᒃ ᐅᒃᐱᕆᔭᐅᓂᖏᓐᓂᒃ ᐅᐊᖕᓇᖓᓂ ᕿᑭᖅᑖᓘᑉ ᓄᓇᐃᑦ ᐊᑑᑎᒃᓴᖏᓐᓄᑦ ᐸᕐᓇᐅᑎᖏᓐᓂᒃ.

ᑲᒥᓯᓇᒃᑯᑦ ᓯᕗᒻᒧᐊᒃᑎᑦᑎᓕᖃᑦᑕᖅᐳᑦ ᓇᒃᓯᐅᑎᓪᓗᒋᑦ ᐃᓱᒪᓕᐊᕆᓯᒪᔭᖏᑦ ᐊᒻᒪᓗ ᖃᓄᐃᑦᑐᑐᐃᓇᓂᒃ ᐊᑐᓕᖁᔭᓕᐊᕆᓯᒪᔭᖏᓐᓂᒃ ᓈᒪᔪᓂᒃ ᓄᓇᐃᑦ ᐊᑐᖅᑕᐅᔪᓐᓇᕐᓂᖏᓐᓂᑦ ᑲᒪᔨᐅᕙᒃᑐᓄᑦ.

ᐃᓱᒪᓕᐅᖅᓯᒪᒍᑎᒃ ᓴᓇᔭᐅᔪᒪᔪᓂᒃ ᑐᒃᓯᕋᐅᑏᑦ ᒪᓕᑦᑎᐊᕐᓂᖏᓐᓂᒃ ᓄᓇᐃᑦ ᐊᑑᑎᒃᓴᐃᑦ ᐸᕐᓇᐅᑎᖏᓐᓂᒃ, ᑲᒥᓯᓇᒃᑯᑦᑕᐅᖅ ᓇᒃᓯᐅᔾᔨᓂᐊᕆᕗᑦ ᓯᕗᒻᒧᑦ ᓴᓇᔪᒪᓂᕐᒧᑦ ᑐᒃᓯᕋᐅᑎᓂᒃ, ᐃᓱᒪᓕᐅᕈᑎᒋᓯᒪᔭᒥᓂᒃ ᐊᒻᒪᓗ ᐊᑐᓕᖁᔭᓕᐊᖏᓐᓂᒃ ᖃᓄᐃᑦᑐᑐᐃᓐᓇᓂᒃ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᖃᐅᔨᓴᖅᑕᐅᓂᐊᕐᒪᑕ, ᑕᐃᒪᐃᓐᓇᕋᑎᒃ ᑭᓯᐊᓂ ᓴᓇᔪᒪᓂᕐᒧᑦ ᑐᒃᓯᕋᖅᓯᒪᔪᑦ ᒪᓕᖑᓐᓇᐅᑎᖃᖅᑎᑕᐅᒍᑎᒃ ᖃᐅᔨᓴᖅᑕᐅᔭᕆᐊᖃᕐᓂᕐᒥᒃ ᒪᓕᒃᑕᐅᓂᖏᓐᓄᑦ ᐃᓗᓕᖏᑦ ᑎᑎᖃᐃᑦ ᐃᓚᒃᑲᓐᓂᖏᑦ 12-1-ᒥ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂᒃ.