Ilihimavit?

Una titiraqhimaninnga atuqtauniaqtuq atlanut uqariami apirhuqtaunginnaqtunik, ilihimayamiiknik, atlatlu alianaqtunik naunaitkutinik ukunuuna Nunavunmi Parnainiqmut Katimayiingit havaangillu.


Iniqhimaittuq Nunavunmi Nunanganik Aturninnga Ihumaliurut

Huuqtauq Nunavunmi Parnainiqmut Katiimayiingit piliuqtuq nunanginnik aturninnga ihumaliurut uumunnga Nunavunmi Nunagiyanginnik?

  • Nunanginnik aturninnga ihumaliurutinnga ikayuutauyuq inuknut ihariagiyauyuq titiraqhimaninngani NLCA-mi.
  • Avaliittuq nunanginnik aturninnga ihumaliurut NSA-mut pipaitjutiniaqtuq  naunairninnga inuknuat maniliuqtunullu ilitarigumik humi piliurninnga piniaqtuq.

Piqaqqa nunami aturninngit nunaniluunii tamna nunanginnik aturninnga ihumaliurut pinngittuq talvunga?

  • Maniliunngittunut iqalukhiuqtut, angunahuaqtut, maniqqamiittut qangaraaluknitatluuniit nunanga aturninnga Inuknut.
  • Iglunik nappaqtittinga, aulapkaininnga ihuarhaininngalu igluqpanik havaaniklu haamlanganit, angiyunik urhuqyuamut tutquumavinganik kihimi, pauwaquut januriitanga piqaqtumik nuclear-mik urhuqyuamik, unaluuniit, imaqmit pauwaqtuutauyut havakvimutluuniit hulilikaarutiuyut.
  • Kiklingat ilitarhimayut Kanatami Nunavunmilu Pulaarvingit.

Kitunik naunaitkutinik ukuat Nunavunmi Parnainiqmut Katiimayiingit ihumagivagait piliuliraangata nunanginnik aturninnga ihumaliurut?

  • Naunaitkutaq amihuuningit angikliyuumiliqtumik, biibinnuaniktunik nampangit, ilihainiqmut havaaniqmullu nampangit.
  • Tamna nunamiingaqtunik maniliurutingit qanuriliurninngitlu maniliurniqmut aturningit. (ukunatitut uyarakhiuqniq, aullaaqtunut nayugangit, maniliurniqmut huratjangit angunahuarvingit iqalukhiurniqmullu)
  • Maniliurniqmut pipkaitjutingit ihariagiyanginniklu.
  • Aulapkaitjutiniqmut ihariagiyangit, ikayuutingit pittaarninngillu.
  • Nunallaani napatjutingit ihariagiyangit, ukuatlu aaniaqtailiniqmut, igluliqinirmut, ilihainiqmut, aatlatlu inuuhiriniqmut 
  • Avatiliriniqmut ihumagiyangit, ukuatlu Pulaarviuyut Nunguttailiniqmullu Nunangit, unalu huratjangit nayugangit. 
  • Ilihaitjutimut piyut hivulliutigiyakhallu, ukuatlu tammaqtailiningit pihimainnaqhimaningit utuqqanik nalvaaqhiuriinit ukiivingillu, unalu 
  • Nalunaittut nunagiyamikni avikturhimayumilu ihumagiyangit.

 

Qanuqtut Nunavunmi Parnainiqmut Katiimayiingit piliuqqat nunanginnik aturninnga ihumaliuliqpakpat?

  • Uumani ilitarhimayut maninginnit, tamna Nunavunmi Parnainiqmut Katiimayiingit pipkaiyuq qaffiuyunik pipkaitjutikhanginnik kavamantkunnut, inuknut, inuit timiqutigiyanginnut atlatlu inuknut uqaqtakhat naunairiami ihumaliurniqmut.
  • Tamna Nunavunmi Parnainiqmut Katiimayiingit aatjikutariiktakhaa naunaitkutanik piyut NLCA-mi ihariagiyangit atuliqtitaugiami tammaqtailigiamilu atuqtauyut qakugulu hivuniptikni nakurutjutingit inungit nunagiyangillu. Maligat, Qanuriliurninngit maligamut pitjutauyutlu Kavamatkunnut,  Nunavut Tunngavitkut unalu Kitikmeot, Kivalliq unalu Qikiqtani Avikturhimayumi Inuit Katimayiingit piyangillu. 
  • Qayagiluni aatjikutaliuqtailugu  maligatigut ilitariyauyut munarininngit ukunannga Kavamanga, Nunavunmi Parnainiqmut Katiimayiingit naunaiyaqniaqqa nunanginnik aturninnga ihumaliurut ihumagilugit tamaita naunaitkutangit piyut  ihuarhaqhimayunik aatlatqiinut inuknit Maligat Qanuriliurningillu.

Hulivakpa tamna nunanginnik aturninnga ihumaliurut?

  • Tamna nunanginnik aturninnga ihumaliurut maligatigut piyuq kavamatkunnut naunaiyaiyuqlu pipkaiplunilu maniitigut aturningit piliurningilu NSA-mi NSA.
  • Ilitarilugit nunanganik aturninngit pipkaiyut pipkaiyukhaunngittutluuniit humut nunanganut, tamna nunanginnik aturninnga ihumaliurut naunaiqtittiuyuq inuknut kitunik aturninngit pittaaqtuq humi qakugulu. 
  • Humi itpa nutqarviuyut ilihimaptikni, “Pitquyauyuni” tuniyauyut kavamatkunnut munaqtiuyut ilitarigiami nunangit akhuurutauyut inuknut  huratjanullu.

Kitunik nunanginnik aturninnga ihumaliurut PIYUITAAT?

  • Tamna nunanginnik aturninnga ihumaliurut himmautingitaa aatjikutaliurhimanngitaalu munarininngit Kavamatkut. 
  • Una nunannganik aturninnga piyauyuq titiraqhimaninngani nunanginnik aturninnga ihumaliurut angiqtauhimayukhaq kavamatkunnit piliuqtitautinnagu. 
  • Piliurninnga Haamlatkut Ihumaliurutingit munariyakhaat haamlatkut. 

Qanuqtut tamna nunanginnik aturninnga ihumaliurut ayurhautiyauva nunallaanut, inuknut aatlanullu ilauyumayunut katimayiit?

Tamna nunanginnik aturninnga ihumaliurut naunaiqtitaa akhuurutauyut ihumaluutingit ukunatut halumaiqtitaiplugu nunallaat imaqarvingit, atuliqtitauliqluni havaakhaliurniq, munariplugulu aaniaqtailiniq huratjat amihuuningit.

Tamna Iniqhimaittuq Nunavunmi Nunanganik Aturninnga Ihumaliurut himmiqtauniaqqa?

  • Tamna Nunavunmi Parnainiqmut Katiimayiingit akhuuquyauyuq tamainnut naunairyuumiutigiami piliurninnga uuma nunanginnik aturninnga ihumaliurut tuniluni qanuqtut ihumagiyamiknik uumuuna Iniqhimaittumut.  
  • Qanuqtut ihumagiyarnik ihivriuqtauniaqtuq katimaliqqata ihuarhaffaaqtinnagu havaamut tuniyauninngalu angiqtaugiami.

Uqaqtaaqqinga nunanginnik aturninnga ihumaliurut?

  • Tamna Nunavunmi Parnainiqmut Katiimayiingit katimapkainiaqtut tamainni Nunavunmi haamlanginnut ukunanullu Makivik Kuapuriisinganut, Athabasca-nut ukunanullu Manitoba Denesuline, aatlatlu ilauyumayunut.  
  • Nunallaat, inuit atlatlu akhuuquyauyut ilitarigiami akhuurutauyut nunangit unaluuniit nunannganik aturninnga ihumaalutigiyauyut ikayuqtauniaqtut munariniqmit titiraqhimayumit uumannga nunanginnik aturninnga ihumaliurut.
  • Tamna Nunavunmi Parnainiqmut Katiimayiingit piumayaat inuit tamaita ihumaliurutinginnik, akhuuquyullu uqaqatigilugu Pitquiyauyut uqaqatigumagumitku.

Havaaq Iniqtirininnga

Hunaukmat angirutautimut akhuurninnganut?

  • Angirutautimut akhuurninnganut ihumaliurutaa tuniyauyuq kanatamut unalu/unaluuniit nunavunmi timiqutigiyauyut NPC-kunnit piyut imaittuqpata tamaingitpataluuniit havaakhamut tukhiutingit maliktaa angiqtauhimayumik nunanginnik aturninnga ihumaliurut. Nakuuyumik angirutautimut akhuurninnganut piqayuktuugaluat qanurininnga ikayuqtiuyuq maliktakhaanik ilanganik havaakhamut piyaanik. 

Huna pipkaitjutigivagaa angirutautimut ihivriuqninnga?

  • Havaakhamut tukhiutit itpat ihumaliurutauyuq avikturhimayumi piqaqtuq angiqtauhimayumik nunanginnik aturninnga ihumaliurut, ihariagiyuqlu nunannganik aturninnga laisikhamik angiqtautikhamiklu angiqtauyut timiqutigiyauyunit, ihivriuqtauyukhaq NPC-kunnit angiqtaugiami uumannga nunanginnik aturninnga ihumaliurut.

Kitunik naunaitkutanik ihariagivinga tunigiami ilanganik piyukhaq uumunga angirutautimut ihivriuqninnga?

  • Ilaani, NPC-kut  pivaktut havaakhamut tukhiutingit nunannganik aturninnga angirutautiuyut timiqutigiyangit. Tamna naunaitkutat ittut tuniyauninngani uumunnga nunannganik aturninnga angirutautiuyut timiqutigiyangit naamaktuugaluaq NPC-kunnut piliuriamikni angirutautimut akhuurninnganut.
  • Unalluaq, naittumik naunaitkutamik uumannga, havaakhamut tukhiutingit, unalu havaakhamut tukhiutingit nayugaa, naamagiyauyuq NPC-kunnut piliuriamikni akhuurninnganut.
  • Pikpat havaakhamut tukhiutingit ayurnaqqat, naunaitkutaaluuniit tuniyauyuq ihuanngittumik nalunaqtumikluuniit, tamna, NPC-kut uqaqatiginiaqtaatit apirilunilu aatlamik naunaitkutamik.

Qanuraaluktut angirutautimut ihivriuqninnga iniqtiyauvakpa?

  • Iniqtirvikhaittuugaluaq qanuraaluktut piniaqtuq NPC-kut ihivriuqninnga havaakhamut tukhiutingit, NPC-kut akhuuqtut iniqtiriami ihivriuqninnganik qilaminnuaq, 10nik ublunik pigumitku tukhiutingit, tunilunilu angirutautimut akhuurninnganut talvannga.  

Hunaukmat angirutautimut ihivriuqninnga?

  • Ihivriuqninnga uumannga havaakhamut tukhiutingit ittuq ihumaliurutiuyuq avikturhimaninngani NPC-kunnit ihumagigiami tamna havaakhaq ihumagiyauyuq, ihuaqatlu ukunanut, tamna angiqtauhimayumik nunanginnik aturninnga ihumaliurut.

Qanuqtut angirutautimut akhuurninnganut ayurhautiginiaqqaa havaakhamut tukhiutimnut?

  • Havaakhamut tukhiutingit ihumaliuqtut avikturhimayumi maliktakhaat pittarniqmut nunanginnik aturninnga ihumaliurut. Laisikhanganik angiqtitautinnagu ukunannga nunannganik aturninnga angiqtitauyut timiqutigiyanginnit, NPC-kut naunaiqtakhaa havaakhaq ihuaqtuq uumunnga ihumagiyauyut ukunannga, pittaaqtumit nunanginnik aturninnga ihumaliurut.
  • Laisingit angiqtauhimayullu tuniyauyuq angiqtauyukhat timiqutigiyauyunit atuliqtitauniaqtaa piqaqqat ihariagiyauyut ilitariyauyut akhuurninngani. 

Huliniaqqa pigupku nakuuyuq angirutautimut akhuurninnganik?

  • NPC-KUT tuniniaqqaa akhuurutingit pitquyauhimayuniklu ihuatqiayuyumut nunannganik aturninnga angiqtauyut timiqutigiyauyunut. 
  • NPC-KUT-kut tuniniaqqaa havaakhamut tukhiutingit, akhuurutinganik pitquyauninnganiklu, Nunavut Kanogilivalianikot Elittohailioplotik Katimayiinginni ihivriuriamik, kihimi, havaakhamut tukhiutingit ihivriuqtaulimaitpat maliklugu Naunaitkutinga 12-1 NLCA-mit. 

Huliniaqqa havaakhamut tukhiutiga malingitkumi uumunga nunanginnik aturninnga ihumaliurut?

  • Ihumagiyauyuq havaakhamut tukhiutingit angiqtauhimangitpat uuminnga nunanginnik aturninnga ihumaliurut, ikayuqtingit uuktuinnarialik ihuatqiyauyumut Ministamut Ministamut piiqtautingit.

Kimut uqaqatiginiaqqunga naunairyuumirumaguma?

  • Uqaqatigiinariaqaqtat NPC-KUT-kut naunaitkutanik tunigiami ihivriuriami havaakhamut havaakhamut tukhirautinginnik atlanikluuniit apirhuutiqaruvit havaatigut NPC-KUT-kut. Brian Aglukark, Aulapkaiyiuyuq Iniqtirininnganut uqaqatigiinariaqaqtat qaritauyakkut uumani Aglukark@nunavut.ca hivayarluguluuniit 1 867 857 2242 unalu Christopher Tickner, Angayukhiq Ihumaliuqti, uqaqatigiinariaqaqtat qaritauyakkut uumani ctickner@nunavut.ca hivayarluguluuniit 1 867 983 4634.

Nampanganik Aatlanut Naunaipkainiq

Tamna Pitquitjutinga atlanut naunaipkaivaga nampanganik piagainnit ihumaliurutiyunik havaqatigiiktamiknik?

  • Tamna Pitquyauyut atlanut naunaipkayuitaa pingahuuyumut ilauyumut naunaitkutanik. Piumayut nampanganik piliuqtukhauyuq hivulliqpaanganut nampanik ikayuutit.
  • GIS tutquumavingit Nunanganik Atuqninnganut Tikkuaqniq unalu Pitquyauyut piqaqtuq uumani Iniqhimaittuq Nunavunmi Nunanganik Aturninnga Ihumaliurut piinarialgit uumani.