Hivulliutigiyauyukhat Nayugauyut

Taiguagakhat

Una Hivulliutigiyauyukhaq Humilliqaak ittunut Nunauyaq naunaiqtaa humiliqaak naunaiyaqhimayut akhuurutaukmata inuknut huratjanullu. Ikayuqatigiikluta nunaptiknik uqaqluhi uvaptiknut qanuraaluk akhuurutigiyat nunat haniani nunagiyarni.

Tamna Nunavunmi Upalungaiyarniqmut Katimayiingit piliuliqtuq nunanik aturniq ihumaliurutimik munarigiamikni nunangit, annguniaqtakhat, imarlu tamainni ittut Nunavunmi Nunallaanginni, hilataani ittut haamlangit pulaarviuyunilu kiklinngat. Munariniq imaatut ittuqlu hukhaunngiqtailiniq nunallaani imaq niuqqautigiyaanik, piquplugu nunguttailiniq kitunut akhuurutauyut nunallaanut ilitquhitigut atuqtakhanginnik, maliktakhanginnikluuniit piliuriamikni atuqtakhamiknik naunaiyaigiami havaatigut maniliurniqmut.

Titiraqhimayumi Nunavunmi Nunanik Aturniq Ihumaliurut, ihumagiliqtavut munariniq nunanik aturniq ayurhautiginiaqtut hapkuninnga:

• Tuktut nurraliurvikmiknik unalu ikauvakvingit ingilraningit
• Imarmiutauyut Uumayut Maamaktittikpaktuit
• Tingmiat Utiqtarvingit
• Ilitquhiuyut Kuukat
• Atuqtauhimayut Hivuniqmilu Pulaarviuyut Nungutailiuyut Nayugat
• Humiliqaak Aulapkaitjutautiuyut Ingilrayuliriniqmullu Pittaaqniq
• Nunagiyarni Imiqtarvingat
• Anguyakturviit Nayugangit
• Kaanatami Utuqqat Initurliit
• Aallatlu akhuurutauyut Nunavunmiunut

Tamaita unipkaat aallanut uqaqtauyukhat

Kavamatkut aallatlu havaktiuyut timiqutigiyauyuni ilitarigamitku humi ittut ihumaalutigiyauhimayullu ihumagiyait akhuurutauyut, Nunavunmiutat tuniyukhaugaluat naunaitkutamik ikayuriami talvunnga ihumaliurutimut.
Ikayuqatigiikluta nunaptiknik uqaqluhi uvaptiknut qanuraaluk akhuurutigiyat nunat haniani nunagiyarni. Ihivriutjavat una nunauyaq utiffaarlugu ilaliutihimayuq apirhuut kunnut May 28nguqtinnagu, 2010mi.
 

Talvannga Havaariyakhangit

Tahapkuat qanuqtut ihumagiyarnik uqarumayarnik iliknit piyaqqut hapkunuuna Hivulliutigiyauyukhat Nayugat Nunauyami ilaliutigiyauniaqtuq Inirhimaittumut Nunavunmi Nunanik Aturniq Ihumaliurut, talvannga tuyuqtauffaaqniaqtaat Nunavunmiutanut ukiakhami. Tahapkat Katimayiuyut talvannga pulaarniaqtut tamainnut nunallaanut Nunavunmi ittunut katimapkaigiamiknik. Una pivikhaqautigiyauniaqtuq naunairiami tamna Nunavut Nunanik Aturniq Ihumaliurut tautuktuuyaaqtaa ihumaalutigiyauyut hivulliutigiyakhangillu inuknut Nunavunmi ittunut. Talvannga, Katimayiuyut iniqtiqniaqqaik tamna ihumaliurutauyuq, inuknik katiimapkailutik, tunilugulu kingulliqpaakhaa inirhimaittuq makpiraaq Nunavut Nunanik Aturniq Ihumaliurut angiqtakhanginnik.

IlaliutihimayutSize
NLUP_Priority_Areas_Map.pdf886.7 KB
Priority_Areas_Map_Survey.pdf97.88 KB