Nunavut Ihumaliurutingit Kamisin Haviittiyut Ihumaliurutauhimayumik Nunap Aturniarutikhaanik Nunavunmi

Taiguagakhat

Tahapkuat Nunavut Ihumaliurutiit Kamisin haaviitingmata tuhagakhaliurunmik Ihumaliuqhimayaannik Nunavut Nunaata Aturniarningata Idjuhikhaanik. Tahamna hivulliuyuq qanuqtut nuna aturniarutaanut hivumut, ilaliutauyurlu iniriiqhimayunut atuqtauvaktunut ihuaqhiyauhimaarniaqtumut. Nunap aturniarutiit aallanguqtauvangmata nutaanguqtiqhugit ihuaqhiyauhimaaqtauvlutik Nunavunmiut pidjutigivlugit aallanguqattaqtillugit qauyimayauliqtut.

Taapkuat Nunavut Ihumaliuqtiuyut Nunam Mikhaanut iniqhimaliqtut Ihumaliurutauyumik Nunap Aturniarninganut uqauhikhaliurutikhamik katimatillugit nunallaani Nunavut Nunanginut pidjutiglivlugit. Tamna ihumaliurutauyuq naamagiyaugumi hakugikhiyaugumi pigiaqtitauniarmat. Kamisin aturniaqtaat ihumaliurutauyunut iliffingnit , aturniaqtunut, aallatqiillu hivunikhaliurutaudjutikhanik.

Kamisinmiut pulaaqtarniaqtut tuhaqtitilutik Nunallaani tamainni Nunavunmi, Northern Quebec miunullu, aahiittauq Athabaskamiunut, Manitoba Denesulinemiunullu. Havaqatigiliqpagaillu aallatqiit katimaqatauniaqtut.

Ilauyumaaqtutit Ihumaliurutauyumut!

Taapkuat Kimisin tungahuktitiyut ihumagiyaffingnik DNLUP mikhaanut tuhaqtitiyumayunillu ihumagiyainnik aallatqiinit. Tahamna DNLUP pulaaqtarniarutaat taiguqtauttaaqtuq qaritauyakkut Kamisinap igalaangani www.nunavut.ca.

Pulaaqtaruirumik Nunallaanik, tuhaqhimayait ihivriuqtauniarmiyut angmaumayumi katimapkailutik Inuit tuhaatillugit, kingulliit ihumaliurutiikhat ilaliuhimalirumik Gavamanut tuniyauniaqtuq naamagiyautquvlugu. Naamagiyauhimalirumi nunamik atuqtut hulidjutiit ihuaqhiyauyukhat nutaamut maliquvlugit angirutiliuriiqhimayut.