Iniqhimaittuq Nunavunmi Nunanga Aturninnga Ihumaliurut

Taapkuat Nunavut Ihumaliuqtiuyut Nunam Mikhaanut iniqhimaliqtut Ihumaliurutauyumik Nunap Aturniarninganut uqauhikhaliurutikhamik katimatillugit nunallaani Nunavut Nunanginut pidjutiglivlugit. Tamna ihumaliurutauyuq naamagiyaugumi hakugikhiyaugumi pigiaqtitauniarmat. Kamisin aturniaqtaat ihumaliurutauyunut iliffingnit , aturniaqtunut, aallatqiillu hivunikhaliurutaudjutikhanik.

Tamna Iniqhimaittuq Ihumaliurut piqaqtuq Tikinnahuarutingit, Piyakhangit Maligakhangillu nunat aturninnga ihumaliurut Nunavunmi. Nayugangit ihumaalutigiyauyutlu naunaiqtitauyut akhuurutininnganut tamarmikmut Tikinnahuarutingit uqaqtauyut, atauhiqtauq Nunanga Aturninnga Atingit Pitquyauhimayulluuniit tuniyauyuq: 

PSE Ahiruqtailiniq Pihimagiamilu Avatinga 
ECP Nunguttailiniqmut Ihumaliurniq 
BHC Pipkaigiami Aaniaqnaittunik Nuallaanik
ESED Nunguttailiniqmut Maniliurninnganik Pivallianiq
MU Aatlatqiinguyut Aturninngit

Nunanga Aturninnga Atingit laisiit aturninnga aatjikiiktut ilitariyauyumut pitjutinganut atuqtailihimayuqlu ihuangittut. Pitquyauhimayut uqaqtaik ikayuqtiuyut munaqtiuyullu ihumaalutigiyauyunik ihumagiyakhat ihivriuqtillugu havaakhat tukhiutinginnik.

Tamna Iniqhimaittuq Ihumaliurut piinarialik uumani.  Ikayuutauyut titiqqat piinarialgitlu, ukuatlu Kitullu unalu Pitquyauhimayut taiguagakhat, talvani piyuq takuinarialik naunaitkutat ihumagiyauyut Pitquyauhimayunit, tunngavingalu ihumaliurutimut.

Atuinnariaqaqtutillu atlanullu atuqtakhaat naunaitkutaq atuqtakhaq qinirhiagiami iluani ittut Iniqhimaittuq Ihumaliurutinganik.

Talvannga Piyakhat

Tamna Iniqhimaittuq Ihumaliurut takuinnarialiqmat inuknut, tamna Pitquyauhimayut akhuuquyait qanuqtut ihumagiyamiknik inuknit iluani ittumit. Tamna Pitquyauhimayuq katimapkainiaqtuq katitirilunilu qanuqtut ihumagiyamiknik Iniqhimaittuq Ihumaliurutinganik tamainni Nunavunmi hamlanginnit, ukuatlu Inuit Nunavikmiutat Athabasca-llu ukuatlu Manitoba Denesuline aippaagu ukiumi. Aatlat katimatjutikhat pipkainiaqtut havakvikmi kavamatkunnilu. Tamna naunaitkutaq nunallaanut pulaarvikhat piinarialik uumani.

Nunallaanut pulaaruirumik, tamaita qanuqtut ihumagiyangit Iniqhimaittup Ihumaliurutingani ihivriuqtauniaqtut katimaliqqata, kingulliqpaat ihuarhaivikhaniklu piliurniaqtut, ihumaliurutingalu tuniyauniaqtuq kavamatkunnut angiqtaugiami. Angiqtaukpat, tamaita havaakhat tukhiutingit maliktakhaat maliganginnut Ihumaliurutip.

Katimatjutikhaq Naunaitkutinga

Pitquyauyut uqaqatigiyut ihumaliurutauyullu havaqatinginnik taimaa hitamauyunik ukiunik naunaiqtiriami piliurninnga Iniqhimaittuq Ihumaliurut.  Naunaitkkutaq uumunnga havaaq takuinnarialik uumani katimatjutikhaq naunaitkutaptikni. Tamaita qanuqtut ihumagiyangit piyauyut Iniqhimaittuq Ihumaliurutimi ilaliutiniaqtuqlu uumani taiguagakhami.