Iniqhimaittuq Iniqtirninnga

Tamna Nunavunmi Parnainirmut Katimayiit (NPC) piyuq malruuknut angiqtauhimayunut  nunanganik aturninnganik ihumaalutigiyauyut, tamna Tununngani Qikiqtaaluk Avikturhimayuq Nunanganik aturninnganik ihumaliurut (NBRLUP) unalu Kivalliqmi Avikturhimayut Nunanganik aturninnganik ihumaliurut (KRLUP). Hapkuat angiqtauyut nunanganik aturninnganik ihumaalutigiyauyut pipkaiyuq naunaiyainiq humullu piyukhaq nungulaittumut, piliurninnganut aturninngalu nunanganik ittuq nanminiriyangit ihumaliuqtut avikturhimayut

Tamarmik havaakhat piqaqtuq maligamik tunngavinganik ilitariyuq akhuurutinganik nunguttailigiami nunamiingaqtut pitquhigiyauyullu maniliurutingit, piliurluni ahiruqtailiuyullu nunat, atuliqtitaugiamilu inmikmut-ikayuutauyut, akuniraalukmut, nungulaittumik maniliurniqmut angikliyuumiutinganik.  

Tamna NPC ilitariyait nakuuyumik iniqtirninnga uuminnga NBRLUP uuminngalu KRLUP ihariagiyuq atayumik akhuurninnganik. Havaamut iniqtirninnga piyuq akhuraaluk kavamatkut havakviinginnut, inuit timiqutigiyanginnut havakviuyunulu havaqatigiiktut hakugitqiyauyumut, piqaryuaqtumik nuna. 

Huuq pitjutauyuq  

Tamna NLCA piliuqtaa hapkuat huuq pitjutauyut uumunnga nunanganik aturninnganik ihumaliurut;

  • Munarigiami atuliqtigiamilu atuqtauyut hivunikhamilu nakurutjutingit inuit nunallaallu uumani Nunavunmi Nunagiyanginnik, pilugu piumayamiknik tamaita Kanatamiutat; 
  • Ahiruqtailigiami, pigumilu ihuarhigiami avatimut, nakuuninnga uuminnga Nunavunmi Nunagiyanginnik.

Tamarmik KRLUP unalu NBRLUP tuniyuq tunngavikhamik ikayuqtuq nakurutjutinganik inuit, avatimullu nakuuninnga. Piqaqtuq havaktamiknik, pitquyauninnganik ihariagiyamikniklu naunaiyainuq nunanga maniliurutingalu aturninnga avikturhimayuni maliktumik ilumuurutauyut NLCA-mut.  

Qanuqtut Taiguriami Havaanganik

Tamna angiqtauhimayuq nunanganik aturninnganik ihumaalutigiyauyut piqaqtuq ukuninnga ihumaalutigiyauyut, pipkaitjutinginnik, qanuraaluktut, angirutauyut ihariagiyangit, pitquyauninngit, havaangillu naunairiami nunanganik maniliurninnganullu aturninngit.  

  • Ihumaalutigiyauyut; uqaqtamiknik ilitariyauyut nunallaanit, kavamatkunnit qaffiuyuniklu kanatami piumayut katimayiit akhuurutauyut avikturhimayumut.
  • pipkaitjutingit; pipkailuni pittaarninnga Tikinnahuarutingit munarigiami Ihumaalutigiyauyut.
  • Qanuraaluktut pipkailuni ihariagiyangit nunamut maniliurniqmullu aturninnga ihumaliurutauyunut avikturhimayunut.  Atuliqtitauyut atuqhutik Angirutauyunnik Ihariagiyanginnik, Havaangit unaluu Pitquyautingillu 
  • Angirutauyut Ihariagiyangit, Havaangit Pitquyautiingillu; hanalrutauyut atuqtauyut  Pitquyauyut atuliqtitaugiami una nunanganik aturninnganik ihumaalutigiyauyut. Naunaiqtaa ihariagiyangit ukuninnga piyukhaq, ilaanittauq piyukhaq, maliktauyukhaq nunanga aturninnganik hulilukaarningit piumayaukpat Avikturhimayumi.  

Tamna NPC Angirutinganik Ihivriuqninnga

Ihivriuqniq havaamut tukhiurutiinga NPC-kunnit pivaktuq havaakhaq tukhiurutinga naunaiqtauyuq iluani ihumaliuqtuq avikturhimaninnga ihariahukpat laisimik pitquyauninnganiklu nunamik aturninnga pitquyauniq timiqutigiyauyumik, ukunatitut Tikkuaqtauhimayut Inuit Timiqutigiyangit uuminngaluuniit Nunaqaqqaarhimayut Pitjutingit unalu Ukiuqtaqtumi Pivallianiq Kanatammi. 

Piliqqat havaakhamik tukhiurutimik ittuq ihumaliurutauyumik nunnganni ihariahukpat laisimik pitquyauyumikluuniit, tamna havaakhamik tukhiurutimik tuniyauniaqtuq NPC-kunnut pitquyauyumit timiqutigiyauyumit timiqutigiyauyunitluuniit. Pikpagu, NPC-kut ihivriuqniaqtaat tamna havaakhamik tukhiurutimik angirutikhamut angiqtauhimayumut nunanganik aturninnganik ihumaliurut. 

Imaatut, havaakhamik tukhiurutimik naunaiqtitauniaquq maligiami angiqhimayumut  nunanganik aturninnganik ihumaliurut NPC-kut ihumagigumigu qanuritaakhaanik aturninnga pipkaitjutauyuq, ihuaqtuqlu uumunnga, ilumuurutingit angiqtauhimayup nunanganik aturninnganik ihumaliurut. 

NPC-kut ihumagigumitku tamna havaakhamik tukhiurutimik maliktaa angiqtauhimayumut nunanganik aturninnganik ihumaliurut, tamna ikayuqtiuyuq maliquyauniaqtuq piqaqtumik ihariagiyauyunik, havaktakhangit unalu/unaluuniit pitquyauyunnik pilirumi havaakhanga. Ihariagiyauninngit havaanganik ihuatqiyauninnga, ihuaqtut pitjutinganut angiqtauhimayunut nunanganik aturninnganik ihumaliurut, angiqtauyukhaq ikayuqtiuyumik tuniyautinnagu angirutinganik pipkaininnganik.

Pitquyauyut tuniniaqtaa pipkaitjutinganik kitunikluuniit pitquyauninnganik ihuaqtumut nunanganik aturninnganik pipkaitjutauyut timiqutigiyauyunut, naunairiami laisingit pipkaitjutautingillu ihumaalutigiyauyut atuliqtitaa pittaaqtunik ihariagiyauningit ilitariyauyut pipkaitjutingani. Ihumagiyaukpat havaakhamik tukhiurutimik maliktaa uumunnga nunanganik aturninnganik ihumaliurut, Pitquyauyut tuniniaqtaalu havaakhamik tukhiurutimik, pitjutininnganik pitquyauninnganiklu, Nunavut Kanogilivalianikot Elittohailioplotik Katimayiinginnut ihivriuriamiknik, kihimi havaakhamik tukhiurutimik pittailikpat ihivriurutinganit malikhugu Naunaitkuta 12-1 NLCA-mit.