Nunavut Parnainiarmut Katimayiingit Angiqtaat Iluittiaqhimayunik Nunanik aturninganik ihumaliurniq

Taiguagakhat

Maliktakhat, Atugakhaitlu, tikinnahuaqtamikniklu Nunavut Nalunaiqtauhimaninnganik

Tamna Nunavut Parnainiarmut Katimayiingit (qablunaatitut naittumik NPC), havaktut havaqatigiikhugik Kaanatap, Avikturhimayut Kavamatkut unalu Nunavut Tunngavitkut iniqtiqtaat Nunavut Nunataarutingit Angirutinginnik Titiraqhimaninnga 11.4.1(a) pitquyauhimayut piliuraigiami hivituyumik ihumaliurniq maliktakhat, Atugakhaitlu tikinnahuaqtamikniklu Nunavut Nalunaiqtauhimaninnganut (qablunaatitut naittumik NSA)

Tamna 11.4.1(a) tunngavinga, Angiqtauhimayut Nuvaipa 10, 2007mi atuqtauniaqtut naunaitkutigiyakhamik ikayuriami Nunanik aturninganik ihumaliurniq hulilukaarniit NPCkunnut munarininganik tamainnik nuna, imanga, imakkurningit, hilataani nunagit kayumiktullu hikuningit nunamiingaqtuqtamiknit, ukuninngalu huratjat nalangayut hilataani haamlangit kiklingani NSA-nganit.

Tamna Katimayiingit ilitariumayangit akhuuqtut havaktut havaktingit, unalu Nunavut Kavamangat Ministangit Kavamatkunni Havakvingillu, Kaanatap Kavamangit Havakvingit unalu Nunavut Tunngavitkut ilauyut iniqtirninnganik una ilitariyauyuq naunaitkutigiyauyuq makpiraaq.

NPC-kut niriuktut havaqatigiamikni tamaita ihumaliurnikkut havaqatigiiktangit qakugu atuqtauniaqtut Nunanik aturninganik ihumaliurniq havauhinga Katimayiuyut.

Ihariagilluaqtauyut Havauhikhaq ilauyut tallimauyut Iluittiaqhimayunik Tikinnahuaqtangat:

  • Tikinnahuaqtangat 1 – Hakugiktiriyuq Havaqatigiikninnga Timiqutigiyauyullu
  • Tikinnahuaqtangat 2 – Ahiruqtailiniq Pihimalirninnganiklu Avativut
  • Tikinnahuaqtangat 3 - Pipkaiquiniq Tammaqtailiniq Upalungaiyarniqlu
  • Tikinnahuaqtangat 4 - Pipkailiqniq Aanianngittunik Nunallaat
  • Tikinnahuaqtangat 5 – Pipkaiqulirniq Atulirniqlu Maniliurnirmut Pivallianiq

Naunaittiarumaguvit uumuuna Nunavut Parnainiarmut Katimayiingit Iluittiaqhimayunik  Nunanik aturninganik ihumaliurniq Maliktakhat, Atugakhaitlu tikinnahuaqtamikniklu, hivayarlugu titiraqluguluuniit una:

Executive Director,
Nunavut Planning Commission
P.O Box 2101
Cambridge Bay, Nunavut X0B 0C0
Hivayautikkut: 1-867-983-4625