ᐊᐅᓱᐃᑦᑐᖅ, ᑖᕙᓃᑦᑐᖅ ᐊᐅᓱᐃᑦᑐᕐᒥᐅᑦ ᕿᑭᖅᑕᖓᓂ ᐅᐊᖕᓇᖓᓃᓐᓂᖅᐹᖑᔪᖅ ᓄᓇᓕᐅᔪᖅ ᑲᓇᑕᒥ ᖃᐅᔨᒪᔭᐅᖕᒥᔪᖅ Grise Fiord. ᐳᓚᕋᖅᑐᓕᕆᓂᖅ ᐱᕈᖅᐸᓪᓕᐊᖕᒪᑦ, ᐅᖓᓯᓐᓂᖓ, ᐆᒪᔪᐃᑦ, ᐊᒻᒪᓗ ᑲᔾᔮᕐᓇᒻᒪᕆᓐᓂᖓ ᑎᑭᑎᑦᑎᓲᖅ ᐃᓄᓐᓂᒃ ᐊᔾᔨᐅᙱᑦᑐᒥᑦ ᖃᐅᔨᒍᒪᔪᓂᑦ. ᓄᓇᓕᖕᒥᐅᑕᑦ ᐆᒪᔪᕋᓱᑉᐸᒻᒪᑕ ᐅᓄᖅᑐᓂᑦ ᐆᒪᔪᓂᑦ ᐃᓂᒋᔭᖓᓂ ᒪᑯᐊᓗ ᓇᓄᐃᑦ, ᓇᑦᑏᑦ, ᐊᐃᕖᑦ, ᑑᒑᓖᑦ, ᕿᓚᓗᒐᐃᑦ, ᐅᒥᖕᒪᐃᑦ, ᐊᒻᒪᓗ ᑎᑭᑉᐸᑦᑐᓂᑦ ᑎᖕᒥᐊᓂᑦ.
ᐊᔾᔨᒌᙱᑦᑐᓂᑦ ᖃᓄᐃᓕᐅᕈᑎᒃᓴᖃᖅᑐᖅ ᒪᑯᐊᓗ ᕿᒧᒃᓯᕐᓂᖅ, ᐆᒪᔪᓂᑦ ᖁᙱᐊᕐᓂᕐᒥᑦ, ᐱᓱᔪᖕᓂᖅ, ᐃᒡᓗᕕᒐᕐᒥ ᓯᓂᑦᑕᕐᓂᖅ, ᐃᖃᓗᒐᓱᐊᕐᓂᖅ ᐊᒻᒪᓗ ᐊᖑᓇᓱᖕᓂᖅ. ᓄᓇᓕᖕᒥᐅᑦ ᐊᐅᓪᓚᕈᔾᔨᔩᑦ ᐊᑐᐃᓐᓇᐅᑎᑦᑎᓲᖑᒻᒥᔪᑦ ᖃᒧᑕᐅᔭᒃᑯᑦ ᐅᒥᐊᒃᑯᓪᓗ ᖃᓂᑦᑐᓄᑦ. ᓂᕐᔪᑎᖃᕝᕕᒃ ᐅᕝᕙᓘᓐᓃᑦ ᑯᕗᕐᒡ ᕿᑭᖅᑕᖓ ᑲᓇᑕᒥ ᐆᒪᔪᖃᕐᕕᒃ, 100 km−ᓂᒃ ᑲᓇᖕᓇᖓᓂ ᐊᐅᓱᐃᑦᑑᑉ, ᐃᕙᕕᐅᓲᖅ ᕼᐊᓐᓇᓚᓄᑦ ᑕᐅᓴᓐᑎᓄᑦ ᑎᑭᖃᖅᑐᖅᑕᓄᑦ ᑎᖕᒥᐊᓄᑦ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᐅᖅᓱᐊᓗᒃ ᐊᒻᒪᓗ ᒑᓯ, ᓴᕕᕋᔭᑦ, ᐊᕐᔭᒃᓴᖅ, ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᓄᖑᔪᐃᑦᑐᖅ, ᐊᒻᒪᓗ ᓴᕕᕋᔭᒃᓴᐅᔪᑦ
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᐊᐅᓱᐃᑦᑐᖅ ᑖᕙᓃᑦᑐᖅ ᐸᕐᓇᑕᐅᓯᒪᔪᖅ ᐃᓂᖓᓂ ᕿᑭᖅᑖᓘᑉ ᐅᐊᖕᓇᖓᓂ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ (NBRLUP). ᓄᓇᕗᒻᒥ ᐸᕐᓇᐃᔩᑦ ᕿᒥᕐᕈᓲᑦ ᐊᑕᖏᖅᑐᒋᑦ ᐱᓕᕆᐊᒃᓴᓄᑦ ᑐᒃᓯᕌᖑᓯᒪᔪᓂᑦ ᑕᐃᑲᓂ ᖃᓂᒋᔭᖓᓂᓗ ᐊᐅᓱᐃᑦᑐᖅ ᓇᓗᓇᐃᖅᓯᓂᕐᒧᑦ ᐊᖏᖅᑕᐅᓇᓱᐊᖅᑐᖅ ᐱᓕᕆᐊᒃᓴᑦ ᒪᓕᑦᑎᐊᕋᓗᐊᕐᒪᖔᑦ ᒪᓕᒋᐊᓕᖕᓂᒃ ᑖᔅᓱᒥᖓ ᕿᑭᖅᑖᓘᑉ ᐅᐊᖕᓇᖓᓂ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᔮᓐᓄᐊᕆ 31 ᐊᒻᒪᓗ ᕕᕝᕗᐊᕆ 1, 2013 ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᐊᐅᓱᐃᑦᑐᕐᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ.
ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᔮᓐᓄᐊᕆ 31 ᐊᒻᒪᓗ ᕕᕝᕗᐊᕆ 1, 2013 ᐊᐅᓱᐃᑦᑐᕐᒥ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”