ᐃᒡᓗᓕᒑᕐᔪᒃ, ᑕᐅᕙᓃᑦᑐᖅ ᐱᖓᓐᓇᖅᐸᓯᖓᓂ ᑲᖏᖅᓱᐊᓘᑉ ᐃᓗᐊᓂ. ᐱᑐᖃᐅᓂᖅᐹᖑᔪᖅ ᓄᓇᓕᖕᓂᑦ ᓄᓇᕗᒻᒥ, ᑕᐃᑲᙵᓂ 1910. ᑭᓯᐊᓂ, ᐃᓂᖓ ᐃᓐᓄᒃᓯᒪᓚᐅᖅᑲᒻᒥᓚᐅᙱᑦᑐᖅ ᖃᓪᓗᓈᑦ ᑎᑭᓚᐅᖅᑳᖅᑎᓐᓇᒋᑦ, ᐊᒻᒪᓗ ᐱᑐᖃᐃᑦ ᑑᓖᑦ ᑐᐱᖃᕐᕕᖏᑦ ᑖᕙᓃᖃᑕᐅᔪᑦ ᐃᑦᑕᕐᓂᓴᖃᕐᕖᑦ ᐃᓂᖏᓐᓂᒃ ᖃᓂᒋᔭᖓᓂ.
ᐊᒥᓱᓂᑦ ᐳᓚᕋᕆᐊᖅᑐᓄᑦ ᖃᓄᐃᓕᐅᕈᑎᑕᖃᖅᑐᖅ ᐃᓚᒋᓗᓂᒋᑦ ᐃᖃᓗᒐᓱᐊᕐᓂᖅ, ᐱᓱᔪᖕᓂᖅ, ᕿᓚᓗᒐᕐᓂᒃ ᖁᙱᐊᕐᓂᖅ, ᑎᖕᒥᐊᓂᑦ ᖁᙱᐊᕐᓂᖅ, ᐊᒻᒪᓗ ᑐᒃᑐᒐᓱᐊᕐᓂᕐᒥᑦ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᓄᖑᔪᐃᑦᑐᖅ, ᓴᕕᕋᔭᒃᓴᐅᔪᑦ, ᐊᒻᒪᓗ ᑮᓇᐅᔭᒃᓴᑦ-ᑲᓐᓄᔭᖅ-ᐳᓚᑎᓇᒻ ᑲᑎᙵᔪᑦ ᐃᓗᓕᖏᑦ (PGE)
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᐃᒡᓗᓕᒑᕐᔪᒃ ᑖᕙᓃᑦᑐᖅ ᐸᕐᓇᑕᐅᓯᒪᔪᖅ ᐃᓂᖓᓂ ᑭᕙᓪᓕᕐᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ (KRLUP). ᓄᓇᕗᒻᒥ ᐸᕐᓇᐃᔩᑦ ᕿᒥᕐᕈᓲᑦ ᐊᑕᖏᖅᑐᒋᑦ ᐱᓕᕆᐊᒃᓴᓄᑦ ᑐᒃᓯᕌᖑᓯᒪᔪᓂᑦ ᑕᐃᑲᓂ ᖃᓂᒋᔭᖓᓂᓗ ᐃᒡᓗᓕᒑᕐᔪᒃ ᓇᓗᓇᐃᖅᓯᓂᕐᒧᑦ ᐊᖏᖅᑕᐅᓇᓱᐊᖅᑐᖅ ᐱᓕᕆᐊᒃᓴᑦ ᒪᓕᑦᑎᐊᕋᓗᐊᕐᒪᖔᑦ ᒪᓕᒋᐊᓕᖕᓂᒃ ᑖᔅᓱᒥᖓ ᑭᕙᓪᓕᕐᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᐊᑯᓐᓂᖏᓐᓂ 2004 ᐊᒻᒪ 2011, ᓄᓇᕗᒻᒥ ᐸᕐᓇᐃᔩᑦ ᐳᓚᕋᓚᐅᖅᑐᑦ ᐊᑕᖏᖅᖢᑎᒃ ᓄᓇᕗᒻᒥ ᓄᓇᓕᖏᓐᓄᑦ ᐃᓛᒃᑰᖓᔪᓂᑦ “ᐊᑐᖅᑕᐅᓂᕐᒧᑦ ᐊᒻᒪ ᐃᓄᖃᕐᓂᖓᓄᑦ ᓄᓇᙳᐊᓕᐅᕐᓂᕐᒥᑦ” ᐊᐱᖅᓱᖅᖢᑎᒃ ᓄᐊᑦᑎᓂᕐᒧᑦ ᑐᑭᓯᒋᐊᕈᑎᒃᓴᓂᑦ ᐱᖅᑯᓯᑐᖃᖅᑎᒍᑦ ᓄᓇᐅᑉ ᐊᑐᖅᑕᐅᖓᓄᑦ ᖃᓄᐃᓕᐅᕈᑎᓂᑦ “ᐃᓅᓂᕐᒥᓂ ᐃᖅᑲᐅᒪᔭᒥᓂ.” ᑖᓐᓇ ᓄᓇᓕᖕᒧᑦ ᓄᓇᒥᒃ ᐊᑐᕐᓂᕐᒧᑦ ᑐᑭᓯᒋᐊᕈᑎᒃᓴᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ ᐊᒻᒪ ᐊᑐᖅᑕᐅᓯᒪᔪᖅ ᐃᑲᔪᖅᓱᐃᓂᕐᒥᑦ ᐃᓱᒪᓕᐅᕆᓂᕐᒥᑦ.
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᓄᕕᐱᕆ 21-22, 2013 ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᐃᒡᓗᓕᒑᕐᔪᖕᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᓄᕕᐱᕆ 21-22, 2013 ᐃᒡᓗᓕᒑᕐᔪᖕᒥ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”