ᐃᒡᓗᓕᒃ, ᕿᑭᖅᑕᕋᓛᖕᒦᑦᑐᖅ ᓄᓇᕗᑦ ᓄᓇᑉᐸᓯᖓᓂ ᓯᑯᓯᓛᕐᒥᐅᑦ ᐃᒪᕕᖓᓂ, ᖃᐅᔨᒪᔭᐅᔪᖅ ᐃᓕᖅᑯᓯᓕᕆᑦᑎᐊᕐᓂᖏᓐᓂᒃ ᐸᐸᑦᑕᐅᑦᑎᐊᖅᓯᒪᔪᖅ ᐱᖅᑯᓯᖏᓐᓂᒃ ᐅᖃᐅᓯᖓᓂᓗ ᓄᓇᖓᓂ. ᐃᒡᓗᓕᒃ ᐃᓚᒋᔭᐅᒐᓗᐊᖅᑐᓂ ᕿᑭᖅᑕᓂᒻᒧᑦ ᐅᕝᕙᓘᓐᓃᑦ ᕿᑭᖅᑖᓗᒻᒧᑦ, ᕿᑎᑉᐸᓯᖓᓃᓐᓂᖓ ᐃᓕᖅᑯᓯᖃᓕᖅᓯᒪᔪᑦ ᐃᓄᐃᑦ ᐱᖅᑯᓯᖏᓐᓂᒃ ᐊᑐᓂ ᐱᖓᓱᓂᑦ ᐊᕕᑦᑐᖅᓯᒪᔪᓂᑦ. ᐃᓄᐃᑦ ᐃᓕᖅᑯᓯᖓ ᐸᐸᑕᐅᑦᑎᐊᖅᑐᖅ ᐊᒻᒪᓗ ᓴᖅᑭᔮᖅᑎᑕᐅᔪᖅ ᐃᓄᖕᓄᑦ ᐃᒡᓗᓕᖕᒥᑦ ᐊᒻᒪᓗ ᐱᓕᕆᓂᖏᓐᓄᑦ ᐃᓐᓇᒻᒪᕆᑦ ᑲᑐᔾᔨᖃᑎᒌᑦ ᐊᒻᒪᓗ ᐃᓱᒪ ᑕᕐᕆᔭᐅᓯᐅᖅᑏᑦ, ᐃᓄᖕᓄᑦ ᓇᖕᒥᓂᕆᔭᐅᔪᖅ ᑕᕐᕆᔭᐅᓕᐅᖅᑏᑦ ᑲᒻᐸᓂ. ᑕᑯᖃᓯᐅᑎᓗᒍ ᕿᑭᖅᑕᓂ, ᓄᓇᖓᓕ ᐃᒡᓗᓕᐅᑉ ᖃᓂᒋᔭᖓᓂ ᖃᖅᑲᖃᙱᑦᑐᖅ ᐊᒻᒪ ᐃᖏᕐᕋᕕᒃᓴᐅᔪᖅ, ᐊᒻᒪ ᓄᓇᓕᖕᒥᐅᑦ ᐊᐅᓪᓚᕈᔾᔨᔩᑦ ᓱᓇᒃᑯᑖᖃᑦᑎᐊᖅᑐᑦ ᐊᔾᔨᒌᙱᑦᑐᓄᑦ ᐊᐅᓚᕐᓂᕐᒧᑦ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᓴᕕᕋᔭᑦ, ᐊᕐᔭᒃᓴᖅ, ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᓄᖑᔪᐃᑦᑐᖅ, ᐊᒻᒪᓗ ᓴᕕᕋᔭᒃᓴᐅᔪᑦ
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᐃᒡᓗᓕᒃ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᒫᔾᔨ 7-9, 2013, ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ. ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᐃᒡᓗᓕᖕᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ.
ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᒫᔾᔨ 7-9, 2013 ᐃᒡᓗᓕᖕᒥ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”