ᐃᖃᓗᐃᑦ, ᓂᒋᐊᓃᑦᑐᖅ ᕿᑭᖅᑖᓗᖕᒥᑦ, ᐊᖏᔪᖅᑳᖃᕐᕕᐅᔪᖅ ᓄᓇᕗᒻᒥ. ᓄᓇᓕᐅᔪᖅ ᐃᖏᕐᕋᔾᔪᑎᓄᑦ ᐊᒻᒪᓗ ᐊᐅᓚᑦᑎᓂᕐᒧᑦ ᑐᑦᑕᕐᕕᐅᔪᖅ ᐊᕕᒃᑐᖅᓯᒪᔪᒥᑦ ᐊᒻᒪᓗ ᐊᑐᐃᓐᓇᐅᑎᑦᑎᓲᖅ ᐊᔾᔨᒌᙱᑦᑐᓂᑦ ᐅᓪᓗᒥᓕᓴᕐᓂᒃ ᐊᑲᐅᓈᕈᑎᓂᑦ. ᐃᖃᓗᐃᑦ ᓱᒃᑲᓕᔪᒥᑦ ᐃᓐᓄᑉᐸᓪᓕᐊᔪᖅ, ᐊᒥᓱᓂᑦ ᖁᕕᐊᓇᖅᑐᓂᑦ ᓄᑖᓂᑦ ᑮᓇᐅᔭᓕᐅᕈᑎᖃᖅᑐᖅ ᐊᒻᒪᓗ ᐃᓅᖃᑎᒌᖕᓂᕐᒧᑦ ᐱᕕᒃᓴᖃᕐᓂᐅᔪᓂᑦ.
ᐃᓂᐅᔪᖅ ᐊᖏᕐᕋᕆᔭᐅᕗᖅ ᐊᒥᓱᓄᑦ ᐱᑐᖃᕐᓄᑦ ᐊᒻᒪᓗ ᑕᐃᒪᐃᑐᐃᓐᓇᖅᑐᓄᑦ ᑕᑯᔪᒥᓇᖅᑐᓂᑦ. ᓄᓇᓕᖕᒥᐅᑦ ᐊᐅᓪᓚᕈᔾᔨᔩᑦ ᐊᐅᓪᓚᐅᔾᔨᒍᓐᓇᖅᑐᑦ ᖃᐅᒻᒫᕐᕖᑦ ᒥᕐᖑᐃᖅᓯᕐᕕᖓᓄᑦ, ᐊᒥᓱᓂᑦ ᑑᓕᓄᑦ ᐃᑦᑕᕐᓂᓴᕐᓂᒃ ᐃᓂᖃᖅᑐᖅ, ᐊᒻᒪ ᐊᔾᔨᒌᙱᑦᑐᓂᑦ ᐆᒪᔪᓂᑦ ᐊᒻᒪ ᐃᑦᑕᕐᓂᓴᕐᓂᒃ ᐃᓂᐅᔪᓂᑦ ᑕᑯᔭᐅᔪᓐᓇᖅᑐᑦ ᐱᓱᔪᒋᐊᕐᓗᓂ ᑲᔾᔮᕐᓇᖅᑐᒥᑦ ᐃᖃᓗᐃᑦ ᑰᖓᓂ ᐊᒻᒪ ᒥᕐᖑᐃᖅᓯᕐᕕᖕᒥᑦ. ᑰᒡᔪᐊᖅ ᑰᖓ, ᑲᓇᑕᒥ ᐃᑦᑕᕐᓂᓴᕐᓂᒃ ᑰᖓᓂ, ᐊᒻᒪᓗ ᑲᑕᓐᓂᓕᒃ ᒥᕐᖑᐃᖅᓯᕐᕕᒃ, ᓂᒋᐊᓂ, ᐅᐸᒐᒃᓴᐅᖕᒥᔫᒃ ᐃᖃᓗᖕᓂᑦ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᓴᕕᕋᔭᑦ, ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᐊᒻᒪᓗ ᐊᑭᑐᔪᒃᓴᔭᖅ ᐅᔭᖅᑲᑦ.
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᐃᖃᓗᐃᑦ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᓄᕕᐱᕆ 28-29, 2012 ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᐃᖃᓗᖕᓂ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᒫᔾᔨ 28-29, 2012 ᐃᖃᓗᖕᓂ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”