ᐃᖃᓗᒃᑑᑦᑎᐊᖅ, ᖃᐅᔨᒪᔭᐅᖕᒥᔪᖅ Cambridge Bay, ᑕᐅᕙᓃᑦᑐᖅ ᓂᒋᐊᓂ ᓯᔾᔭᖅᐸᓯᖓᓂ ᐃᖃᓗᒃᑑᑦᑎᐊᑉ ᕿᑭᖅᑖᓗᐊᓂ, ᐊᒻᒪᓗ ᐃᖏᕐᕋᔾᔪᑎᓄᑦ ᐊᒻᒪᓗ ᐊᐅᓚᑦᑎᓂᕐᒧᑦ ᑐᑦᑕᕐᕕᐅᔪᖅ ᕿᑎᕐᒥᐅᓂ. ᓄᓇᓕᐅᔪᖅ ᐱᔨᑦᑎᖅᑕᐅᑦᑎᐊᖅᑐᖅ ᐊᒻᒪᓗ ᐅᓪᓗᒥᓯᐅᑏᑦ ᐊᑲᐅᓈᕈᑎᓂᑦ ᐊᑐᐃᓐᓇᖅᑕᖃᑦᑎᐊᖅᑐᖅ. ᕿᑎᕐᒥᐅᑦ ᓂᕿᓕᕆᕝᕕᖓᑦ, ᐱᖓᓱᓂᙶᖅᑐᓂᑦ ᓂᕆᓕᕆᕝᕕᐅᔪᖅ ᓄᓇᕗᒻᒥ, ᐊᐅᓚᓂᖃᓲᖅ ᐊᕐᕌᒍᓕᒫᒥᑦ ᐊᑐᐃᓐᓇᐅᑎᑦᑎᓲᑦ ᓄᓇᓕᖕᒥᙶᖅᑐᓂᒃ ᐃᖃᓗᖕᓂᑦ ᐅᒥᖕᒪᒥᒡᓗ.
ᐅᖃᐅᓯᑐᖃᕆᔭᖓ ᑖᕙᓂ ᐃᓄᐃᓐᓇᖅᑐᓐ, ᑎᑎᕋᖃᑦᑕᖅᑐᑦ ᖃᓪᓗᓈᑎᑑᖓᔪᓂᑦ ᖃᓂᐅᔮᖅᐸᐃᑎᑑᖏᑦᑐᖅ ᐃᓄᒃᑎᑐᑦ ᑎᑎᕋᐅᓯᖓᓂ. ᐃᓄᐃᓐᓇᖅᑐᓐ ᑕᐃᒎᓯᖃᖅᑐᖅ ᐃᖃᓗᒃᑑᑦᑎᐊᕐᒥᒃ ᖃᓂᒋᔭᖓᓃᑦᑐᑦ ᑕᓰᑦ ᑰᓪᓗ ᐃᖃᓗᖃᐅᖅᑐᒻᒪᕆᐊᓘᖕᒪᑕ. ᐊᐅᓪᓚᕈᔾᔨᖃᕐᓗᑎᒃ ᐊᖑᓇᓱᖕᓂᕐᒥᑦ ᐊᒻᒪᓗ ᐃᖃᓗᒐᓱᐊᕐᓂᕐᒥᑦ ᐊᑐᐃᓐᓇᖅᑕᖃᖅᑐᖅ, ᐊᒻᒪᓗ ᓄᓇᓕᐅᔪᖅ ᐊᖅᑯᑎᐅᕗᖅ ᐊᑕᐅᓯᕐᒧᑦ ᓄᓇᕗᒻᒥ ᐊᐅᓪᓛᕐᕕᖓᓄᑦ. ᐅᕙᔪᖅ ᒥᕐᖑᐃᖅᓯᕐᕕᒃ, ᑖᕙᓃᐸᓗᒃᑐᖅ 15 ᑭᓛᒥᑕ ᑲᓇᖕᓇᖓᓂ ᐃᖃᓗᒃᑑᑦᑎᐊᕐᒥᑦ, ᐊᑐᐃᓐᓇᐅᑎᑦᑎᓲᑦ ᑕᖕᒫᕐᓂᕐᒥᑦ, ᐱᓱᔪᕐᓂᕐᒧᑦ ᐊᖅᑯᑎᓂᑦ, ᐅᒥᖕᒪᖕᓂᑦ ᖁᙱᐊᕐᓂᕐᒥᑦ, ᐊᒻᒪᓗ ᓇᓗᓇᐃᔭᖅᓯᒪᔪᓂᑦ ᑐᑭᓯᑎᑦᑎᔪᓂᑦ ᐃᓂᐅᔪᓂᑦ, ᐱᒻᒪᕆᐅᔪᖅ ᓄᓇᖃᕐᕕᖓ ᐊᒻᒪᓗ ᐃᓄᐃᑦ ᐅᓂᒃᑲᐅᓯᖏᓐᓂᒃ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᓄᖑᔪᐃᑦᑐᖅ, ᐊᑦᑕᓇᖅᑐᑦ ᓴᕕᕋᔭᑦ, ᓴᕕᕋᔭᒃᓴᐅᔪᑦ, ᐊᒻᒪᓗ ᑮᓇᐅᔭᒃᓴᑦ-ᑲᓐᓄᔭᖅ-ᐳᓚᑎᓇᒻ ᑲᑎᙵᔪᑦ ᐃᓗᓕᖏᑦ (PGE).
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᐃᖃᓗᒃᑑᑦᑎᐊᖅ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᐊᑯᓐᓂᖏᓐᓂ 2004 ᐊᒻᒪ 2011, ᓄᓇᕗᒻᒥ ᐸᕐᓇᐃᔩᑦ ᐳᓚᕋᓚᐅᖅᑐᑦ ᐊᑕᖏᖅᖢᑎᒃ ᓄᓇᕗᒻᒥ ᓄᓇᓕᖏᓐᓄᑦ ᐃᓛᒃᑰᖓᔪᓂᑦ “ᐊᑐᖅᑕᐅᓂᕐᒧᑦ ᐊᒻᒪ ᐃᓄᖃᕐᓂᖓᓄᑦ ᓄᓇᙳᐊᓕᐅᕐᓂᕐᒥᑦ” ᐊᐱᖅᓱᖅᖢᑎᒃ ᓄᐊᑦᑎᓂᕐᒧᑦ ᑐᑭᓯᒋᐊᕈᑎᒃᓴᓂᑦ ᐱᖅᑯᓯᑐᖃᖅᑎᒍᑦ ᓄᓇᐅᑉ ᐊᑐᖅᑕᐅᖓᓄᑦ ᖃᓄᐃᓕᐅᕈᑎᓂᑦ “ᐃᓅᓂᕐᒥᓂ ᐃᖅᑲᐅᒪᔭᒥᓂ.” ᑖᓐᓇ ᓄᓇᓕᖕᒧᑦ ᓄᓇᒥᒃ ᐊᑐᕐᓂᕐᒧᑦ ᑐᑭᓯᒋᐊᕈᑎᒃᓴᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ ᐊᒻᒪ ᐊᑐᖅᑕᐅᓯᒪᔪᖅ ᐃᑲᔪᖅᓱᐃᓂᕐᒥᑦ ᐃᓱᒪᓕᐅᕆᓂᕐᒥᑦ.
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᐃᖃᓗᒃᑑᑦᑎᐊᕐᒥᑦ ᒫᔾᔨ 3-4, 2014 ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᐃᖃᓗᒃᑑᑦᑎᐊᕐᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”