ᑲᖏᖅᑐᒑᐱᒃ ᑖᕙᓃᑦᑐᖅ ᑲᓇᖕᓇᑉᐸᓯᖓᓂ ᓯᔾᔭᖓᓂ ᕿᑭᖅᑖᓗᖕᒥᑦ ᖃᐅᔨᒪᔭᐅᖕᒥᔪᖅ Clyde River. ᓄᓇᓕᐅᔪᖅ ᖃᓂᒋᔭᖓᓃᑦᑐᖅ ᑲᔾᔮᕐᓇᖅᑐᓂᑦ ᐃᓐᓈᕈᓐᓂ, ᐱᖃᓗᔭᕐᓂᒃ ᐊᒻᒪᓗ ᑲᖏᖅᑐᓂ ᑎᑭᐅᒪᔪᓂᑦ ᐹᓐᔅ ᓯᕐᒥᖓᓂ. ᑲᔾᔮᕐᓇᕐᓂᖓ ᑖᕙᓂ ᑎᑭᑎᑦᑎᓲᖅ ᐊᒥᓱᓂᑦ ᐊᓃᕋᔭᒃᑎᓂᑦ, ᑕᒪᒃᑯᐊᓗ ᐅᔭᖅᑲᓂᑦ ᐊᒻᒪᓗ ᓯᑯᒥᑦ ᒪᔪᕋᖅᑎᓂᑦ ᓄᓇᕐᔪᐊᓕᒫᒥᙶᖅᑐᓂᑦ.
ᐅᓄᖅᑐᓂᑦ ᐆᒪᔪᖃᖅᑐᖅ ᑖᕙᓂ, ᐃᓚᒋᓗᓂᒋᑦ ᓇᓄᐃᑦ, ᑐᒃᑐᐃᑦ, ᑑᒑᓖᑦ, ᐊᒻᒪᓗ ᐊᓯᖏᑦ ᐳᐃᔩᑦ. ᐊᖏᔪᖅ ᑕᕆᐅᕐᒥᑦ ᓂᒋᖓᓂᖅ ᑲᓇᑕᒥ ᐆᒪᔪᖃᕐᕕᒃ, ᖃᓂᒋᔭᖓᓂ ᐃᓴᐱᐊᓚ ᐸᐃ, ᓴᐳᔾᔨᓲᖅ ᐱᒻᒪᕆᐅᔪᓄᑦ ᐊᕐᕖᑦ ᐆᒪᔪᖃᕐᕕᖏᓐᓄᑦ ᐃᑲᔫᑎᑦᑎᐊᕙᐅᒻᒥᔪᖅ ᐊᓯᖏᓐᓄᑦ ᐆᒪᔪᓂᑦ ᑖᕙᓃᑦᑐᓄᑦᑕᐅᖅ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᐅᖅᓱᐊᓗᒃ ᐊᒻᒪᓗ ᒑᓯ, ᓴᕕᕋᔭᑦ, ᐊᕐᔭᒃᓴᖅ, ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᓄᖑᔪᐃᑦᑐᖅ, ᐊᒻᒪᓗ ᓴᕕᕋᔭᒃᓴᐅᔪᑦ.
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᑲᖏᖅᑐᒑᐱᒃ ᑖᕙᓃᑦᑐᖅ ᐸᕐᓇᑕᐅᓯᒪᔪᖅ ᐃᓂᖓᓂ ᕿᑭᖅᑖᓘᑉ ᐅᐊᖕᓇᖓᓂ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ (NBRLUP). ᓄᓇᕗᒻᒥ ᐸᕐᓇᐃᔩᑦ ᕿᒥᕐᕈᓲᑦ ᐊᑕᖏᖅᑐᒋᑦ ᐱᓕᕆᐊᒃᓴᓄᑦ ᑐᒃᓯᕌᖑᓯᒪᔪᓂᑦ ᑕᐃᑲᓂ ᖃᓂᒋᔭᖓᓂᓗ ᑲᖏᖅᑐᒑᐱᒃ ᓇᓗᓇᐃᖅᓯᓂᕐᒧᑦ ᐊᖏᖅᑕᐅᓇᓱᐊᖅᑐᖅ ᐱᓕᕆᐊᒃᓴᑦ ᒪᓕᑦᑎᐊᕋᓗᐊᕐᒪᖔᑦ ᒪᓕᒋᐊᓕᖕᓂᒃ ᑖᔅᓱᒥᖓ ᕿᑭᖅᑖᓘᑉ ᐅᐊᖕᓇᖓᓂ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᑲᖏᖅᑐᒑᐱᖕᒥᑦ ᓄᕕᐱᕆ 7 ᐊᒻᒪᓗ 8, 2012 ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᑲᖏᖅᑐᒑᐱᖕᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᓄᕕᐱᕆ 7 ᐊᒻᒪᓗ 8, 2012, ᑲᖏᖅᑐᒑᐱᖕᒥ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”