ᑭᒻᒥᕈᑦ, ᖃᐅᔨᒪᔭᐅᖃᑦᑕᓚᐅᖅᑐᖅ Lake Harbour−ᒥᒃ, ᑕᐃᒎᓯᖃᖅᑐᖅ ᖃᓂᒋᔭᖓᓂ ᐅᔭᖅᑲᑦ ᑭᒻᒥᐅᔮᖅᑐᒥᑦ. ᓄᓇᓕᐅᔪᖅ ᓂᒋᐊᓃᑦᑐᖅ ᓯᒡᔭᖓᓂ ᕿᑭᖅᑖᓘᑉ, ᖃᓂᒋᔭᖓᓂ ᑰᒡᔪᐊᖅ ᑰᖓᓂ, ᓇᓗᓇᐃᖅᑕᐅᔪᖅ ᑲᓇᑕᒥ ᐃᑦᑕᕐᓂᓴᕐᓂᒃ ᑰᖓᓪᓗᓂ. ᑰᑉ ᓇᖅᓴᖓ ᐆᓇᔪᕐᓂᖅᓴᐅᓲᖅ ᖃᓂᒋᔭᖓᓂ ᐃᓂᐅᔪᓂᑦ ᐊᒻᒪᓗ ᐃᓂᒋᔭᐅᔪᖅ ᐊᔾᔨᒌᙱᑦᑐᓄᑦ ᐱᕈᖅᑐᓄᑦ ᐊᒻᒪᓗ ᐆᒪᔪᓄᑦ. ᑲᑕᓐᓂᓕᒃ ᒥᕐᖑᐃᖅᓯᕐᕕᒃ ᐃᓚᖃᖅᐳᖅ ᑰᒡᔪᐊᖅ ᑰᖓᓂ ᐊᒻᒪᓗ ᐃᑎᔾᔭᒋᐊᖅ ᐊᖅᑯᑎᖓ, 120 km ᓄᓇᒃᑯᑦ ᐊᖅᑯᑎᑐᖃᖅ ᐃᖃᓗᖕᓂᑦ ᑭᒻᒥᕈᖕᒧᑦ. ᓄᓇᓕᖕᒥᑦ ᐱᕙᓪᓕᐊᓯᒪᑦᑎᐊᕐᓂᖓ ᐳᓚᕋᖅᑐᓕᕆᓂᕐᒧᑦ ᐊᑐᐃᓐᓇᐅᑎᑦᑎᓲᑦ ᐱᐅᔪᒻᒪᕆᖕᒥᑦ ᐊᐅᓪᓚᕈᔾᔨᓂᕐᒥᑦ ᐊᒻᒪ ᑲᔾᔭᐅᓴᕆᐊᕐᓂᕐᒥᑦ, ᑲᔾᔮᕐᓇᖅᑐᒻᒪᕆᐅᓂᖓ ᐅᐸᒃᑕᐅᔪᒪᒻᒪᕆᓲᖅ ᐳᓚᕋᖅᑎᓄᑦ, ᖃᔭᖅᑎᓄᑦ, ᑲᓅᖅᑎᓄᑦ ᐊᒻᒪ ᐳᒃᑕᓛᖅᑎᓄᑦ.
ᑭᒻᒥᕈᑦ ᖃᐅᔨᒪᔭᐅᑦᑎᐊᖅᑐᖅ ᓴᓇᙳᐊᖅᑎᑦᑎᐊᕙᖏᓐᓄᑦ, ᐊᔾᔨᐅᙱᑦᑐᓂᑦ ᐊᒻᒪᓗ ᐱᑕᖃᑦᑎᐊᖅᑐᓂᑦ ᓴᓇᙳᐊᕋᑦᓴᓂᑦ ᐊᑐᓲᓂᑦ ᖃᓂᒋᔭᖓᓂ ᓇᓂᔭᐅᓲᓂᑦ. ᑕᑯᒥᓴᐅᑎᓂᑦ ᓴᓇᙳᐊᕐᓂᕐᒥᖅ ᖁᕕᐊᒋᔭᐅᔪᒻᒪᕆᐅᓕᖅᑐᖅ ᓇᓂᓯᓯᒪᓂᖏᓐᓂᒃ ᖃᓂᒋᔭᖓᓂ ᐊᑭᑐᔪᒃᓴᔭᖅ ᐅᔭᖅᑲᓂᑦ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᓴᕕᕋᔭᑦ, ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᐊᒻᒪᓗ ᐊᑭᑐᔪᒃᓴᔭᖅ ᐅᔭᖅᑲᑦ.
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᑭᒻᒥᕈᑦ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᔮᓐᓄᐊᕆ 10-11, 2013, ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᑭᒻᒥᕈᖕᒥ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᔮᓐᓄᐊᕆ 10-11, 2013 ᑭᒻᒥᕈᒻᒥ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”