ᐸᓐᓂᖅᑑᖅ ᑖᕙᓃᑦᑐᖅ ᐱᖓᓐᓇᖓᓂ ᕿᑭᖅᑖᓗᖕᒥᑦ ᑰᑉᐸᓯᒻᒥ, ᑲᔾᔮᕐᓇᖅᑐᕐᔪᐊᕐᓂᑦ ᖃᖅᑲᓂᑦ ᐊᒻᒪᓗ ᑲᖏᖅᑐᓂᑦ. ᓄᓇᓕᐅᔪᖅ ᐊᖅᑯᑎᐅᖕᒥᔪᖅ ᖃᐅᔨᒪᔭᐅᔪᒻᒪᕆᖕᒧᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᖅᓯᕐᕕᒃ, ᐊᑐᐃᓐᓇᐅᑎᑦᑎᓲᖅ ᐊᔾᔨᒌᙱᑦᑐᓂᑦ ᖃᓄᐃᓕᐅᕈᑎᓂᑦ, ᐃᓚᒋᓗᓂᒋᑦ ᐱᓱᔪᖕᓂᖅ ᐊᒻᒪᓗ ᑕᖕᒫᖅᓯᒪᓂᖅ, ᓯᐊᕐᕆᔭᐅᑎᑯᑖᒃᑯᑦ ᑲᔾᔭᐅᓴᕐᓂᖅ, ᐅᐸᒍᑎᓂᕐᒥᑦ ᑲᖏᖅᑐᓂᑦ, ᐊᒻᒪᓗ ᒪᔪᕋᕐᓂᕐᒥᖅ ᒥᕐᖑᐃᖅᓯᕐᕕᖕᒥᑦ ᐊᒃᓱᕈᕐᓇᖅᑐᓂᑦ ᐳᖅᑐᔪᓂᑦ. ᓄᓇᓕᐅᑉ ᖃᓂᒋᔭᖓᓃᑦᑐᖅ, ᐱᓱᒃᑎᓄ ᑐᙵᕕᒃ ᒥᕐᖑᐃᖅᓯᕐᕕᒃ ᐊᐅᓪᓛᕐᕕᑦᑎᐊᕙᐅᔪᖅ ᓂᐅᕐᕈᔪᒪᔪᓄᑦ ᐅᓪᓗᐃᓐᓇᖅ ᑖᕙᓂ.
ᖄᒃᑲᓐᓂᐊᒍᑦ ᑕᑯᔪᒥᓇᖅᑐᓄᑦ ᐃᓂᒋᔭᐅᔪᒥᑦ, ᐸᓐᓂᖅᑑᖅ ᖃᐅᔨᒪᔭᐅᑦᑎᐊᕐᒥᔪᖅ ᓄᕕᖅᓵᖅᓴᓄᑦ ᐊᑭᓐᓇᕐᒥᐅᑕᕐᓂᒃ ᓴᓇᖃᑦᑕᖅᑐᓂᑦ, ᑎᑎᖅᑐᒐᐅᔭᖅᓯᒪᔪᓂᑦ, ᐊᒻᒪᓗ ᐊᓐᓄᕌᑦᑎᐊᕙᖏᓐᓄᑦ. ᒫᓐᓇᐅᔪᖅ ᐱᕙᓪᓕᐊᑎᑦᑎᔪᑦ ᐃᖃᓗᒐᓱᐊᕐᓂᕐᒥᑦ ᐸᓐᓂᖅᑑᒥ ᐊᒻᒪᓗ ᐊᕐᕕᓂᐊᖃᑦᑕᓚᐅᖅᓯᒪᓂᖏᑦ ᑕᑯᔭᐅᒍᓐᓇᖅᑐᖅ ᕿᑭᖅᑕᓐ ᒥᕐᖑᐃᖅᓯᕐᕕᖕᒥᑦ, ᐱᖓᓱᓄᑦ ᐃᑲᕐᕋᓄᑦ ᐃᖏᕐᕋᓇᖅᑐᖅ ᐅᒥᐊᒃᑯᑦ ᓄᓇᓕᐅᔪᒥᑦ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᓴᕕᕋᔭᑦ, ᒎᓗ ᐊᒻᒪᓗ ᐅᔭᖅᑲᓂᒃ ᑎᓯᓂᖅᐹᑦ.
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᐸᓐᓂᖅᑑᖅ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᓄᕕᐱᕆ 26-27, 2012 ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᐸᓐᓂᖅᑑᕐᒥ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᓄᕕᐱᕆ 26-27, 2012 ᐸᓐᓂᖅᑑᒥ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”