ᔪᓚᐃ 9, 2015-ᒥᑦ ᓄᓇᕗᒻᒥ ᐸᕐᓇᐃᓂᕐᒧᑦ ᐊᒻᒪ ᐱᓕᕆᐊᒃᓴᓂᑦ ᖃᐅᔨᓴᕐᓂᕐᒧᑦ ᐱᖁᔭᖅ (NuPPAA) ᓴᖅᑭᑕᐅᓚᐅᖅᑐᖅ, ᓄᓇᕗᒻᒥ ᐸᕐᓇᐃᔩᑦ ᑲᒥᓴᖓᑦ (NPC) “ᐱᓯᒪᑦᑎᔨᐅᓪᓗᑎᒃ” ᓄᓇᕗᒻᒥ ᒪᓕᒐᓕᕆᓂᕐᒧᑦ ᐋᖅᑭᒃᓱᖅᓯᒪᔪᒥᑦ, ᒪᓕᒡᓗᒍ ᐃᓚᖓ 76(1). ᑕᒪᓐᓇ ᑐᑭᖃᖅᐳᖅ, ᑭᓇᑐᐃᓐᓇᖅ ᐱᓕᕆᒍᒪᔪᖅ ᕿᓂᖅᑐᖅ ᐱᓕᕆᓂᕐᒥᑦ ᐅᕝᕙᓘᓐᓃᑦ ᖃᓄᐃᓕᐅᕐᓂᕐᒥᑦ ᓄᓇᕗᒻᒥ ᑐᓂᓯᖅᑳᕆᐊᓖᑦ ᐱᓕᕆᐊᒃᓴᓄᑦ ᑐᒃᓯᕌᖑᓯᒪᔪᒥᑦ ᓄᓇᕗᒻᒥ ᐸᕐᓇᐃᔩᑦ ᑲᒥᓴᖓᓐᓄᑦ.
ᖄᒃᑲᓐᓂᐊᒍᑦ ᕿᒥᕐᕈᓂᕐᒥᑦ ᐱᓕᕆᐊᒃᓴᓄᑦ ᑐᒃᓯᕌᖑᓯᒪᔪᓂᑦ, ᓄᓇᕗᒻᒥ ᐸᕐᓇᐃᔩᑦ ᑲᒥᓴᖓᑦ ᒪᓕᑦᑎᐊᕆᐊᖃᕐᓂᕐᒥᑦ ᓇᓗᓇᐃᖅᓯᓲᑦ ᐱᓕᕆᐊᒃᓴᐅᔪᖅ ᐃᓂᖃᕈᓂ ᕿᑭᖅᑖᓗᒃ ᐅᐊᖕᓇᖓᓂ ᐅᕝᕙᓘᓐᓃᑦ ᑭᕙᓪᓕᕐᒥᑦ ᐸᕐᓇᑕᐅᓯᒪᔪᓂᑦ ᐃᓂᓂᑦ, ᐊᕕᒃᑐᖅᓯᒪᔪᒥᑦ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎᓂᑦ ᐋᖅᑭᒃᓯᓯᒪᔪᓕᖕᓂᑦ.
ᑐᓂᓯᓂᕐᒥᑦ ᐱᓕᕆᐊᒃᓴᓄᑦ ᑐᒃᓯᕌᖑᓯᒪᔪᒥᑦ ᓄᓇᕗᒻᒥ ᐸᕐᓇᐃᔩᑦ ᑲᒥᓴᖓᓐᓄᑦ, ᐱᓕᕆᒍᒪᔪᖅ ᓴᖅᑮᕆᐊᓕᒃ ᐃᓯᕈᑎᖕᒥᑦ ᖃᕆᑕᐅᔭᒃᑯᑦ ᐃᓯᕈᑎᒃᑯᑦ ᐅᕙᓂ https://lupit.nunavut.ca/portal/ .
ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ ᖃᓄᖅ ᐊᑐᕐᓂᕐᒧᑦ ᐃᓯᕈᑎᖕᒥᑦ, ᐅᕗᖓᕐᓗᑎᑦ “ᓴᖅᑮᓂᕐᒥᑦ/ᐃᓯᕐᓂᕐᒥᑦ ᐃᓯᕈᑎᖕᒧᑦ”
ᓄᓇᕗᒻᒥ ᐸᕐᓇᐃᔩᑦ ᑲᒥᓴᖓᑦ 45-ᓂᒃ ᐅᓪᓗᓂᑦ ᐱᕕᒃᓴᖃᖅᐳᑦ ᕿᒥᕐᕈᓂᕐᒥᑦ ᐱᓕᕆᐊᒃᓴᓄᑦ ᑐᒃᓯᕌᖑᓯᒪᔪᓂᑦ ᐊᒻᒪ ᓄᖅᑲᖅᑎᑦᑎᒍᓐᓇᖅᑐᑦ ᐱᓕᕆᐊᒃᓴᓂᑦ ᑐᑭᓯᒋᐊᕈᑎᒃᓴᓂᑦ ᐱᒃᑲᓐᓂᕆᐊᖃᖅᐸᑕ, ᐅᕝᕙᓘᓐᓃᑦ ᐱᓕᕆᒍᒪᔪᖅ ᑭᐅᓯᒪᖏᑉᐸᑦ ᐊᐱᖅᑯᑎᒋᔭᖏᓐᓂᒃ. ᐸᕐᓇᐃᔩᑦ ᕿᒥᕐᕈᔪᑦ ᐱᓕᕆᐊᒃᓴᓂᑦ ᓇᓗᓇᐃᖅᓯᔭᕆᐊᓖᑦ ᐱᓕᕆᐊᖑᔪᖅ ᐅᕝᕙᓘᓐᓃᑦ ᖃᓄᐃᓕᐅᕐᓂᐅᔪᑦ ᒪᓕᑦᑎᐊᕋᓗᐊᕐᒪᖔᖅ ᐱᑕᖃᖅᐸᒌᖅᑐᒥᑦ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎᒥᑦ ᐊᕕᒃᑐᖅᓯᒪᔪᒥᑦ, ᖃᐅᔨᓴᖅᑕᐅᒋᐊᖃᕐᒪᖔᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ, ᐅᕝᕙᓘᓐᓃᑦ ᑭᑭᑕᐅᓯᒪᖕᒪᖔᖅ.
ᐃᓱᒪᓕᐅᕆᓯᒪᓕᖅᐸᑕ ᐊᒻᒪ ᕿᒥᕐᕈᔭᐅᓯᒪᓕᖅᑎᓪᓗᒍ ᐸᕐᓇᐃᔨᒃᑯᓐᓄᑦ, ᑎᑎᖅᑲᕐᒥᑦ ᓴᖅᑮᓲᑦ ᑐᒃᓯᕋᖅᓯᒪᔪᒧᑦ ᐊᒻᒪ ᑐᑦᑕᕐᕕᖕᓄᑦ ᐱᖃᑕᐅᔪᓄᑦ.