ᕿᑭᖅᑖᓗᒃ ᐅᐊᖕᓇᖓᓂ ᐸᕐᓇᐃᓂᕐᒧᑦ ᐊᕕᒃᑐᖅᓯᒪᓂᖓ ᐄᙳᐊᖑᔪᖅ ᐅᑭᐅᖅᑕᖅᑐᒥᑦ ᕿᑭᖅᑕᕋᓛᓂᑦ, ᐊᖏᓂᖃᖅᖢᓂ ᑕᒫᓂᐸᓗᒃ 1.5 ᒥᓕᐊᓐ ᑭᑉᐹᕆᒃᑐᓂᑦ ᑭᓛᒥᑐᓂᑦ. ᑕᒪᕐᒥᑲᓴᑦ ᐃᓄᐃᑦ ᕿᑭᖅᑖᓗᒃ ᐅᐊᖕᓇᖓᓂ ᑕᓪᓕᒪᐅᔪᓂᑦ ᕼᐋᒪᓚᒥᐅᑕᐅᔪᑦ ᖃᐅᓱᐃᑦᑐᕐᒥᑦ, ᐊᐅᓱᐃᑦᑐᕐᒥᑦ, ᐃᒃᐱᐊᕐᔪᖕᒥᑦ, ᒥᑦᑎᒪᑕᓕᖕᒥᑦ ᐊᒻᒪ ᑲᖏᖅᑐᒑᐱᖕᒥᑦ.
ᕿᑭᖅᑖᓗᒃ ᐅᐊᖕᓇᖓᓂ ᐊᕕᒃᑐᖅᓯᒪᔪᒥᑦ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎ ᐊᖏᖅᑕᐅᓚᐅᖅᑐᖅ ᔫᓂ, 2000-ᒥᑦ. ᐊᑐᐃᓐᓇᐅᑎᑦᑎᔪᖅ ᐊᑐᖅᑕᐅᓂᐊᖅᑐᒥᑦ ᑐᑭᒧᐊᒃᑎᑦᑎᓂᕐᒥᑦ ᓄᓇᒥ ᐊᒻᒪ ᓄᓇᒥᙶᖅᑐᓂᑦ ᐊᑐᕐᓂᕐᒥᑦ ᕿᑭᖅᑖᓗᒃ ᐅᐊᖕᓇᖓᓂ ᐸᕐᓇᐃᓂᕐᒧᑦ ᐊᕕᒃᑐᖅᓯᒪᔪᒥᑦ.
ᕿᑭᖅᑖᓗᒃ ᐅᐊᖕᓇᖓᓂ ᐊᕕᒃᑐᖅᓯᒪᔪᒥᑦ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎ ᑲᒪᒋᔭᖃᓲᖅ ᒪᑯᓂ ᐊᖏᔫᑕᐅᔪᓂᒃ:
- ᐊᑐᓕᖅᑭᔪᓂᑦ ᓄᓇᒥᙶᖅᑐᓂᑦ ᐊᑐᕐᓂᕐᒥᑦ
- ᐸᐸᑦᑎᑦᑎᐊᕐᓂᖅ ᐃᓂᐅᔪᑦ ᐊᒻᒪ ᒥᕐᖑᐃᖅᓯᕐᕖᑦ
- ᑕᕆᐅᕐᒥᑦ ᐊᒻᒪ ᓄᓇᒥ ᐃᖏᕐᕋᔪᓕᕆᓂᖅ
- ᐅᔭᕋᖕᓂᐊᕋᒃᓴᓂᑦ ᕿᓂᕐᓂᕐᒥᑦ ᐊᒻᒪ ᐲᔭᐃᓂᕐᒥᑦ
- ᑭᓂᖅᑐᓂᑦ ᐊᒻᒪ ᒑᓯᓂ ᕿᓂᕐᓂᕐᒥᑦ ᐊᒻᒪ ᐲᔭᐃᓂᕐᒥᑦ
- ᐳᓚᕋᖅᑐᓕᕆᓂᖅ
- ᖃᐅᔨᓴᕐᓂᖅ
- ᓇᖕᒥᓂᕆᔭᐅᔪᑦ ᐊᒻᒪ ᓴᐳᔾᔨᓯᒪᓂᕐᒥᑦ
- ᐱᖅᑯᓯᑐᖃᒃᑯᑦ ᐃᑲᔫᑎᒃᓴᑦ
- ᑲᑎᑉᐸᓪᓕᐊᔪᑦ ᐊᑦᑐᐃᔾᔪᑎᖃᖅᑐᑦ ᐊᒻᒪ ᐆᒪᔪᖃᕐᕕᖕᓂᑦ ᖃᐅᔨᓴᕐᓂᕐᒥᑦ
- ᓴᓗᒻᒪᖅᓴᐃᓂᕐᒥᑦ ᐊᒻᒪ ᖃᐅᔨᓴᕐᓂᕐᒥᑦ ᐊᑦᑕᑯᓄᑦ ᐃᓂᐅᔪᓂᑦ
ᐸᕐᓇᐅᑎᐅᑉ ᐊᓯᔾᔨᖅᑕᐅᓂᖓ
ᓱᓇᒃᑯᑖᓕᒫᑦ ᑐᕌᖓᔪᑦ ᑐᒃᓯᕌᖑᓯᒪᔪᒧᑦ ᐊᒻᒪ ᐊᖏᖅᑕᐅᔪᓄᑦ ᐸᕐᓇᐅᑎᒧᑦ ᐊᓯᔾᔨᖅᑕᐅᔪᑦ ᒫᓐᓇᐅᔪᖅ ᐊᑐᐃᓐᓇᐅᓕᖅᑐᑦ ᐃᓄᓕᒫᓄᑦ ᐊᑎᓕᐅᕐᕕᖕᒥᑦ.