ᕿᑭᖅᑕᕐᔪᐊᖅ ᐱᖅᑯᓯᓕᕆᑦᑎᐊᖅᑐᖅ ᓄᓇᓕᐅᔪᖅ ᑲᓇᖕᓇᖓᓂ ᕿᑭᖅᑖᓗᖕᒥᑦ. ᑕᐃᒎᓯᖃᓚᐅᖅᑑᒐᓗᐊᖅ Broughton Island−ᒥᒃ ᐊᒻᒪᓗ ᐃᓄᒃᑎᑐᑦ ᑕᐃᒎᓯᖓ ᕿᑭᖅᑕᖓᓄᑦ ᑖᓐᓇᐅᔪᖅ “ᕿᑭᖅᑕᕐᔪᐊᖅ,” ᐊᖏᓂᖃᑐᐃᓐᓇᖅᑐᖅ 12 km−ᓂᒃ ᓴᓂᒧᑦ ᐊᒻᒪᓗ 16 km−ᓂᒃ ᑐᑭᒧᑦ. ᐅᓄᖅᑐᓂᑦ ᐳᐃᔨᑕᖃᖅᑐᖅ ᑕᐅᕙᓂ, ᑕᒪᒃᑯᐊᓗ ᓇᓄᐃᑦ, ᐊᐃᕖᑦ, ᓇᑦᑏᑦ, ᐊᕐᕖᑦ ᐊᒻᒪ ᕿᓚᓗᒐᐃᑦ. ᓄᓇᓕᐅᔪᖅ ᑖᕙᓃᑦᑐᖅ ᖃᐅᔨᒪᔭᐅᔪᒻᒪᕆᖕᒧᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᖅᓯᕐᕕᒃ, ᐊᑐᐃᓐᓇᐅᑎᑦᑎᓲᖅ ᐊᔾᔨᒌᙱᑦᑐᓂᑦ ᖃᓄᐃᓕᐅᕈᑎᓂᑦ, ᐃᓚᒋᓗᓂᒋᑦ ᐱᓱᔪᖕᓂᖅ ᐊᒻᒪᓗ ᑕᖕᒫᖅᓯᒪᓂᖅ, ᓯᐊᕐᕆᔭᐅᑎᑯᑖᒃᑯᑦ ᑲᔾᔭᐅᓴᕐᓂᖅ, ᐅᐸᒍᑎᓂᕐᒥᑦ ᑲᖏᖅᑐᓂᑦ, ᐊᒻᒪᓗ ᒪᔪᕋᕐᓂᕐᒥᖅ ᒥᕐᖑᐃᖅᓯᕐᕕᖕᒥᑦ ᐊᒃᓱᕈᕐᓇᖅᑐᓂᑦ ᐳᖅᑐᔪᓂᑦ. ᐊᔾᔨᒌᙱᑦᑐᓂᑦ ᑲᔾᔭᐅᓴᕆᐊᖅᑐᓄᑦ ᐊᒻᒪᓗ ᐊᐅᓪᓚᕈᔾᔨᔩᑦ ᐊᑐᐃᓐᓇᖅᑕᖃᖅᑐᑦ ᐃᑲᔪᕐᓂᕐᒧᑦ ᐳᓚᕋᕆᐊᖅᑐᓄᑦ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᓴᕕᕋᔭᑦ, ᒎᓗ ᐊᒻᒪᓗ ᐅᔭᖅᑲᓂᒃ ᑎᓯᓂᖅᐹᑦ.
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᕿᑭᖅᑕᕐᔪᐊᖅ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᓄᕕᐱᕆ 22-23, 2012 ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᕿᑭᖅᑕᕐᔪᐊᕐᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᓄᕕᐱᕆ 22-23, 2012 ᕿᑭᖅᑕᕐᔪᐊᕐᒥ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”