ᖁᕐᓗᖅᑑᖅ

ᖁᕐᓗᖅᑑᖅ – ᑕᐅᒎᓯᖃᓚᐅᖅᑑᒐᓗᐊᖅ Coppermine – ᐃᓂᖓᓃᑦᑐᖅ ᐹᖓᓂ ᖁᕐᓗᖅᑑᖅ ᑰᖓᓂ ᑯᐊᕈᓇᐃᓴᓐ ᒑᓪᕝᖓᓂ ᐱᖓᓐᓇᖓᓃᓐᓂᖅᐹᖑᔪᖅ ᓄᓇᓕᐅᔪᓂᑦ ᓄᓇᕗᒻᒥ.

ᖁᕐᓗᖅᑑᖅ ᑰᖓ ᑲᓇᑕᒥ ᐃᑦᑕᕐᓂᓴᕐᓂᒃ ᑰᖑᔪᖅ ᓲᖃᐃᒻᒪ ᐱᒻᒪᕆᐅᓂᖓᓂ ᓄᓇᒥᙶᖅᑐᓂᑦ ᕿᓂᕐᓂᕐᒧᑦ ᐊᒻᒪᓗ ᒥᖅᑯᓕᖕᓂᑦ ᑕᐅᖅᓰᓂᕐᒧᑦ ᐊᖅᑯᑎᐅᓂᕐᒧᑦ. ᖁᕐᓗᖅ ᒥᕐᖑᐃᖅᓯᕐᕕᒃ, ᑖᕙᓃᑦᑐᖅ 15 km ᓄᓇᓕᐅᔪᒥᑦ ᒥᕐᖑᐃᖅᓯᕐᕕᐅᔪᖅ ᓄᓇᕗᒻᒥ ᐊᑐᖅᑕᐅᓂᑰᓪᓗᓂ ᐃᓄᖕᓄᑦ ᐊᒻᒪᓗ ᐊᓪᓚᓄᑦ ᑎᐊᓇᐃᓄᑦ.

ᐅᖃᐅᓯᑐᖃᕆᔭᖓ ᑖᕙᓂ ᐃᓄᐃᓐᓇᖅᑐᓐ, ᑎᑎᕋᖃᑦᑕᖅᑐᑦ ᖃᓪᓗᓈᑎᑑᖓᔪᓂᑦ ᖃᓂᐅᔮᖅᐸᐃᑎᑑᖏᑦᑐᖅ ᐃᓄᒃᑎᑐᑦ ᑎᑎᕋᐅᓯᖓᓂ.

ᐃᖃᓗᒐᓱᐊᕐᓂᖅ ᐱᒻᒪᕆᐅᒋᔭᐅᔪᖅ ᓄᓇᓕᖕᒥᐅᑕᕐᓄᑦ, ᐊᒻᒪᓗ ᐊᔾᔨᒌᙱᑦᑐᓂᑦ ᐆᒪᔪᖅᑕᖃᖅᑐᖅ ᐃᓂᖓᓂ, ᐃᓚᒋᓗᓂᒋᑦ ᓄᓇᒦᓲᑦ ᐊᒃᖤᐃᑦ.

ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᓄᖑᔪᐃᑦᑐᖅ, ᐊᑦᑕᓇᖅᑐᑦ ᓴᕕᕋᔭᑦ, ᓴᕕᕋᔭᒃᓴᐅᔪᑦ, ᐊᒻᒪᓗ ᑮᓇᐅᔭᒃᓴᑦ-ᑲᓐᓄᔭᖅ-ᐳᓚᑎᓇᒻ ᑲᑎᙵᔪᑦ ᐃᓗᓕᖏᑦ (PGE).

ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ

ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ

ᓄᓇᓕᐅᔪᖅ ᖁᕐᓗᖅᑑᖅ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.

ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ

ᐊᑯᓐᓂᖏᓐᓂ 2004 ᐊᒻᒪ 2011, ᓄᓇᕗᒻᒥ ᐸᕐᓇᐃᔩᑦ ᐳᓚᕋᓚᐅᖅᑐᑦ ᐊᑕᖏᖅᖢᑎᒃ ᓄᓇᕗᒻᒥ ᓄᓇᓕᖏᓐᓄᑦ ᐃᓛᒃᑰᖓᔪᓂᑦ “ᐊᑐᖅᑕᐅᓂᕐᒧᑦ ᐊᒻᒪ ᐃᓄᖃᕐᓂᖓᓄᑦ ᓄᓇᙳᐊᓕᐅᕐᓂᕐᒥᑦ” ᐊᐱᖅᓱᖅᖢᑎᒃ ᓄᐊᑦᑎᓂᕐᒧᑦ ᑐᑭᓯᒋᐊᕈᑎᒃᓴᓂᑦ ᐱᖅᑯᓯᑐᖃᖅᑎᒍᑦ ᓄᓇᐅᑉ ᐊᑐᖅᑕᐅᖓᓄᑦ ᖃᓄᐃᓕᐅᕈᑎᓂᑦ “ᐃᓅᓂᕐᒥᓂ ᐃᖅᑲᐅᒪᔭᒥᓂ.” ᑖᓐᓇ ᓄᓇᓕᖕᒧᑦ ᓄᓇᒥᒃ ᐊᑐᕐᓂᕐᒧᑦ ᑐᑭᓯᒋᐊᕈᑎᒃᓴᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ ᐊᒻᒪ ᐊᑐᖅᑕᐅᓯᒪᔪᖅ ᐃᑲᔪᖅᓱᐃᓂᕐᒥᑦ ᐃᓱᒪᓕᐅᕆᓂᕐᒥᑦ.

ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᒫᔾᔨ 6-7, 2014, ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.

ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᖁᕐᓗᖅᑑᕐᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᒫᔾᔨ 6-7, 2014 ᖁᕐᓗᖅᑑᒥ ᑕᑯᔭᐅᒍᓐᓇᖅᑐᑦ ᐅᕙᓂ: http://www.nunavut.ca/files/reports/2014-05-30_Kugluktuk_Report.pdf.

ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”