ᓴᓂᕋᔭᒃ, ᖃᐅᔨᒪᔭᐅᖕᒥᔪᖅ Hall Beach, ᑖᕙᓃᑦᑐᖅ ᓯᔾᔭᖓᓂ ᓯᑯᓯᓛᕐᒥᐅᑦ ᐃᒪᕕᖓᓂ ᐃᓗᐃᓪᓕᖅ ᓄᕗᐊᕐᔪᒃᔪᐊᕌᓗᖕᒥ, ᓴᖅᑭᑕᐅᓚᐅᖅᑐᖅ ᓈᓚᒡᕖᑦ (DEW) ᓴᓇᔭᐅᑎᓪᓗᒍ 1957−ᒥᑦ ᐃᑲᔪᕐᓂᕐᒧᑦ ᑲᓇᑕᒥ ᖃᖓᑕᓲᓂᑦ ᐅᑭᐅᖅᑕᖅᑐᒥ. ᓈᓚᕝᕕᒥᓂᖅ ᐃᓇᖏᖅᑕᐅᓯᒪᓕᖅᑐᖅ ᐅᐊᖕᓇᖓᓂ ᐅᔾᔨᖅᓱᕐᓂᕐᒧᑦ ᐋᖅᑭᒃᓱᖅᓯᒪᔾᔪᑎᒥᑦ ᓄᓇᓕᐅᔪᒥᑦ.
ᓴᓂᕋᔭᒃ ᖃᐅᔨᒪᔭᐅᔪᖅ ᐃᖃᓗᖏᓐᓄᑦ ᐊᒻᒪᓗ ᐅᓄᖅᑐᓄᑦ ᐳᐃᔨᓄᑦ, ᐃᓚᒋᓗᓂᒋᑦ ᐅᓄᓛᖑᖃᑕᐅᔪᑦ ᐊᐃᕖᑦ ᑲᑎᙵᔪᑦ ᐅᑭᐅᖅᑕᖅᑐᒥ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᓴᕕᕋᔭᑦ, ᐊᕐᔭᒃᓴᖅ, ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᓄᖑᔪᐃᑦᑐᖅ, ᐊᒻᒪᓗ ᓴᕕᕋᔭᒃᓴᐅᔪᑦ.
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᓴᓂᕋᔭᒃ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᒫᔾᔨ 5 ᐊᒻᒪᓗ 6, 2013, ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᓴᓂᕋᔭᖕᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ.
ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᒫᔾᔨ 5 ᐊᒻᒪᓗ 6, 2013 ᓴᓂᕋᔭᖕᒥ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”