ᑕᐃᒎᓯᖓ ᑕᓗᕐᔪᐊᖅ ᑐᕌᖓᕗᖅ ᑕᓗᑐᖃᕐᒧᑦ ᐊᑐᖅᑕᐅᓂᑰᔪᒥᑦ ᐃᓄᖕᓄᑦ ᑎᑭᑎᑦᑎᓂᕐᒧᑦ ᐊᒻᒪᓗ ᑐᒃᑐᓂᕐᒧᑦ. ᓄᓇᓕᐅᔪᖅ – ᑕᐃᒎᓯᖃᓚᐅᖅᑐᑦ Spence Bay−ᒥᑦ – ᐅᐊᖕᓇᖓᓃᓐᓂᖅᐹᖑᔪᖅ ᓄᓇᓕᐅᔪᓂᑦ ᑲᓇᑕᒥ ᓄᓇᒥᑦ ᐊᒻᒪᓗ ᑐᑦᑕᕐᕕᐅᓚᐅᖅᑐᖅ ᖃᓪᓗᓈᓄᑦ ᕿᓂᖅᑎᓂᑦ ᓲᕐᓗ ᔮᓐ ᕌᔅ ᕿᓂᖅᑏᑦ ᖃᐅᔨᓇᓱᒃᖢᑎᒃ ᓂᐱᖅᑲᕐᓇᖅ ᐅᑭᐅᖅᑕᖅᑐᒥᑦ ᑲᔾᔨᖓᓂ ᐊᒻᒪᓗ ᕿᓂᖅᑕᐅᓗᓂ ᐊᓯᐅᔨᓯᒪᔪᖅ ᐳᕌᓐᑭᓕᓐ ᐃᖏᕐᕋᓚᐅᖅᓯᒪᔪᑦ.
ᐊᑐᖅᑕᐅᓂᑯᖏᑦ, ᓄᓇᐅᑉ ᑕᐅᑦᑐᖓ, ᐊᒻᒪᓗ ᐆᒪᔪᐃᑦ ᑕᓗᕐᔪᐊᕐᓂ ᑕᑯᔭᐅᔪᒪᓲᑦ, ᐱᓱᔪᑦᑎᐊᕐᓇᖅᑐᖅ, ᑕᖕᒫᕐᓇᖅᑐᖅ, ᐊᒻᒪᓗ ᐃᖃᓗᒐᓱᐊᕐᓇᖅᑐᖅ ᖃᓂᒋᔭᖓᓂ. ᓄᓇᓕᐅᔪᖅ ᐊᖏᕐᕋᕆᔭᐅᔪᖅ ᐊᒥᓱᓄᑦ ᓴᓇᙳᐊᖅᑎᓄᑦ, ᖃᓪᓗᓈᖅᑕᕐᒧᑦ ᓯᐱᐊᓐᔅ ᐸᐃ “ᐊᒫᖅᑐᑦ ᕿᑐᕐᖓᙳᐊᑦ” ᖃᐅᔨᒪᔭᐅᔪᒻᒪᕆᐅᓪᓗᑎᒃ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᒎᓗ ᐊᒻᒪᓗ ᐅᔭᖅᑲᓂᒃ ᑎᓯᓂᖅᐹᑦ.
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᑕᓗᕐᔪᐊᖅ ᐱᖃᙱᑦᑐᖅ ᓱᓕ ᐊᖏᖅᑕᐅᓯᒪᔪᒥᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ.
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᐊᑯᓐᓂᖏᓐᓂ 2004 ᐊᒻᒪ 2011, ᓄᓇᕗᒻᒥ ᐸᕐᓇᐃᔩᑦ ᐳᓚᕋᓚᐅᖅᑐᑦ ᐊᑕᖏᖅᖢᑎᒃ ᓄᓇᕗᒻᒥ ᓄᓇᓕᖏᓐᓄᑦ ᐃᓛᒃᑰᖓᔪᓂᑦ “ᐊᑐᖅᑕᐅᓂᕐᒧᑦ ᐊᒻᒪ ᐃᓄᖃᕐᓂᖓᓄᑦ ᓄᓇᙳᐊᓕᐅᕐᓂᕐᒥᑦ” ᐊᐱᖅᓱᖅᖢᑎᒃ ᓄᐊᑦᑎᓂᕐᒧᑦ ᑐᑭᓯᒋᐊᕈᑎᒃᓴᓂᑦ ᐱᖅᑯᓯᑐᖃᖅᑎᒍᑦ ᓄᓇᐅᑉ ᐊᑐᖅᑕᐅᖓᓄᑦ ᖃᓄᐃᓕᐅᕈᑎᓂᑦ “ᐃᓅᓂᕐᒥᓂ ᐃᖅᑲᐅᒪᔭᒥᓂ.” ᑖᓐᓇ ᓄᓇᓕᖕᒧᑦ ᓄᓇᒥᒃ ᐊᑐᕐᓂᕐᒧᑦ ᑐᑭᓯᒋᐊᕈᑎᒃᓴᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ ᐊᒻᒪ ᐊᑐᖅᑕᐅᓯᒪᔪᖅ ᐃᑲᔪᖅᓱᐃᓂᕐᒥᑦ ᐃᓱᒪᓕᐅᕆᓂᕐᒥᑦ.
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᓄᕕᐱᕆ 20-21 2014, ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᑕᓗᕐᔪᐊᕐᓂ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᓄᕕᐱᕆ 20-21, 2014 ᑕᓗᕐᔪᐊᕐᓂ ᑕᑯᔭᐅᒍᓐᓇᖅᑐᑦ ᐊᑖᓂ.
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”