ᑎᑭᕋᕐᔪᐊᖅ, ᑖᕙᓃᑦᑐᖅ ᐱᖓᓐᓇᖓᓂ ᑲᖏᖅᓱᐊᓘᑉ ᐃᓗᐊᓂ, ᑕᐃᒎᓯᖃᖅᑐᖅ ᐅᓄᖅᑐᒻᒪᕆᐊᓗᖕᓄᑦ ᕿᓚᓗᒐᕐᓄᑦ ᑖᕙᓃᖃᑦᑕᖅᑐᓄᑦ. ᖃᓪᓗᓈᑎᑐᑦ ᑕᐃᒎᓯᖃᖅᑐᖅ Whale Cove. ᓄᓇᓕᕋᓛᖑᔪᖅ ᐱᖅᑯᓯᕐᒥᓂ ᐃᓅᓯᖃᖅᑐᑦ, ᐊᒻᒪᓗ ᐅᓄᕐᓂᖏᑦ ᐆᒪᔪᐃᑦ ᐊᑐᐃᓐᓇᐅᑎᑦᑎᓲᑦ ᓂᕿᒃᓴᓂᑦ ᐊᓐᓄᕌᒃᓴᓂᒡᓗ. ᓇᑦᑏᑦ, ᐊᐃᕖᑦ, ᐊᒻᒪᓗ ᕿᓚᓗᒐᐃᑦ ᓂᕆᔭᐅᓂᖅᐹᖑᓲᑦ, ᐃᖃᓗᒐᓱᐊᕐᓂᖅ ᐊᒻᒪᓗ ᓄᓂᕙᖕᓂᖅ ᐸᐅᕐᖓᓂᑦ ᖁᕕᐊᒋᔭᐅᖕᒥᔪᑦ.
ᐱᑕᖃᑐᐃᓐᓇᕆᐊᓖᑦ ᐊᑐᒃᑲᓐᓂᒐᒃᓴᐅᙱᑦᑐᑦ ᑕᐅᕙᓃᑦᑐᑦ ᐃᓚᖃᖅᑐᖅ: ᒎᓗ, ᐅᔭᖅᑲᓂᒃ ᑎᓯᓂᖅᐹᑦ, ᓄᖑᔪᐃᑦᑐᖅ, ᓴᕕᕋᔭᒃᓴᐅᔪᑦ, ᐊᒻᒪᓗ ᑮᓇᐅᔭᒃᓴᑦ-ᑲᓐᓄᔭᖅ-ᐳᓚᑎᓇᒻ ᑲᑎᙵᔪᑦ ᐃᓗᓕᖏᑦ (PGE).
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᖅ
ᐊᖏᖅᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᓄᓇᓕᐅᔪᖅ ᑎᑭᕋᕐᔪᐊᖅ ᑖᕙᓃᑦᑐᖅ ᐸᕐᓇᑕᐅᓯᒪᔪᖅ ᐃᓂᖓᓂ ᑭᕙᓪᓕᕐᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ (KRLUP). ᓄᓇᕗᒻᒥ ᐸᕐᓇᐃᔩᑦ ᕿᒥᕐᕈᓲᑦ ᐊᑕᖏᖅᑐᒋᑦ ᐱᓕᕆᐊᒃᓴᓄᑦ ᑐᒃᓯᕌᖑᓯᒪᔪᓂᑦ ᑕᐃᑲᓂ ᖃᓂᒋᔭᖓᓂᓗ ᑎᑭᕋᕐᔪᐊᕐᒥ ᓇᓗᓇᐃᖅᓯᓂᕐᒧᑦ ᐊᖏᖅᑕᐅᓇᓱᐊᖅᑐᖅ ᐱᓕᕆᐊᒃᓴᑦ ᒪᓕᑦᑎᐊᕋᓗᐊᕐᒪᖔᑦ ᒪᓕᒋᐊᓕᖕᓂᒃ ᑖᔅᓱᒥᖓ ᑭᕙᓪᓕᕐᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ
ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ
ᐊᑯᓐᓂᖏᓐᓂ 2004 ᐊᒻᒪ 2011, ᓄᓇᕗᒻᒥ ᐸᕐᓇᐃᔩᑦ ᐳᓚᕋᓚᐅᖅᑐᑦ ᐊᑕᖏᖅᖢᑎᒃ ᓄᓇᕗᒻᒥ ᓄᓇᓕᖏᓐᓄᑦ ᐃᓛᒃᑰᖓᔪᓂᑦ “ᐊᑐᖅᑕᐅᓂᕐᒧᑦ ᐊᒻᒪ ᐃᓄᖃᕐᓂᖓᓄᑦ ᓄᓇᙳᐊᓕᐅᕐᓂᕐᒥᑦ” ᐊᐱᖅᓱᖅᖢᑎᒃ ᓄᐊᑦᑎᓂᕐᒧᑦ ᑐᑭᓯᒋᐊᕈᑎᒃᓴᓂᑦ ᐱᖅᑯᓯᑐᖃᖅᑎᒍᑦ ᓄᓇᐅᑉ ᐊᑐᖅᑕᐅᖓᓄᑦ ᖃᓄᐃᓕᐅᕈᑎᓂᑦ “ᐃᓅᓂᕐᒥᓂ ᐃᖅᑲᐅᒪᔭᒥᓂ.” ᑖᓐᓇ ᓄᓇᓕᖕᒧᑦ ᓄᓇᒥᒃ ᐊᑐᕐᓂᕐᒧᑦ ᑐᑭᓯᒋᐊᕈᑎᒃᓴᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ ᐊᒻᒪ ᐊᑐᖅᑕᐅᓯᒪᔪᖅ ᐃᑲᔪᖅᓱᐃᓂᕐᒥᑦ ᐃᓱᒪᓕᐅᕆᓂᕐᒥᑦ.
ᑲᒥᓴᒃᑯᑦ ᐳᓚᕋᓚᐅᕐᒥᔪᑦ ᓄᓇᓕᐅᔪᒥᑦ ᓄᕕᐱᕆ 4-5, 2013 ᓄᓇᓕᖕᓂ ᐃᓚᐅᑎᑦᑎᓂᕐᒥᑦ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᒧᑦ ᐸᕐᓇᐅᑎᒧᑦ.
ᑐᑭᓯᒋᐊᕈᑎᒃᓴᑦ ᓴᖅᑮᓚᐅᖅᑐᑦ ᐊᒻᒪᓗ ᑐᓂᔭᐅᓪᓗᑎᒃ ᐱᖃᑕᐅᔪᓂᑦ ᑎᑭᕋᕐᔪᐊᕐᒥᑦ ᒪᓕᑦᑎᐊᖅᖢᑎᒃ ᓄᓇᕗᒻᒥ ᐸᕐᓇᐃᔩᑦ ᐃᓚᐅᑎᑦᑎᓂᒃᑯᑦ ᐸᕐᓇᐅᑎᖓᓂ. ᓇᐃᓈᖅᓯᒪᔪᖅ ᐅᓂᒃᑳᓕᐊᑦ ᓄᓇᓕᖕᓂ ᑲᑎᒪᓂᕐᒧᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᓄᕕᐱᕆ 4-5, 2013 ᑎᑭᕋᕐᔪᐊᕐᒥ ᑕᑯᔭᐅᒍᓐᓇᖅᑐᑦ ᐊᑖᓂ..
ᓄᓇᓕᐅᑉ ᑕᑯᓐᓈᖅᑕᖏᑦ ᐊᒻᒪ ᐅᖃᐅᓯᒃᓴᖏᑦ ᐃᑲᔪᕐᔪᐊᖅᓯᒪᔪᑦ ᑲᔪᓯᔪᒥᑦ ᐱᓕᕆᓂᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᒋᐊᖅᓯᓂᕐᒥᑦ ᑎᑎᕋᖅᑕᐅᕐᖓᖅᓯᒪᔪᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᑦ. ᐱᓗᐊᙳᐊᖅᑐᒥᑦ, ᐃᓂᓕᒫᖏᑦ ᐱᒻᒪᕆᐅᒋᔭᐅᔪᑦ ᓇᓗᓇᐃᖅᑕᐅᔪᑦ ᓄᓇᓕᖕᒧᑦ ᐃᓚᓕᐅᑎᓯᒪᔪᑦ ᑎᑎᕋᖅᑕᐅᕐᖓᖅᓯᒪᔪᖅ ᐸᕐᓇᐅᑎᒥᑦ “ᓄᓇᓕᐅᑉ ᓯᕗᓪᓕᐅᔾᔨᖁᔭᖏᑦ ᐊᒻᒪ ᐱᒻᒪᕆᐅᒋᔭᖏᑦ.”